Gobernuak lanbide arteko soldata 1.000 eurokoa izatea eskaini die CCOO eta UGT sindikatuei eta CEOE eta Cepyme patronalei. Asteazkenean hartuko dute erabakia, baina gobernuak bere kabuz ezar ditzake aldaketak.
Espainiako Gobernuak aurreko astean lortu zuen Diputatuen Kongresuak lan erreforma onartzea, eta SMI lanbide arteko gutxieneko soldataren eguneratzeari heldu dio orain. Elkarrizketak hasi ditu CCOO eta UGT sindikatuekin nahiz CEOE eta Cepyme patronalekin, eta bi sindikatuetako ordezkariek jakinarazi dutenez, gobernuak eskaintza bat jarri du mahai gainean: gutxieneko soldatari 35 euroko igoera ñimiño bat ezartzea proposatu du. Hala, 1.000 eurokoa izango litzateke gutxieneko soldata (hilean 965 euroko hamalau ordainsari).
Igoera horrek, noski, ez lioke inola ere aurre egingo inflazioari. Gutxieneko soldata 35 euro haztea %3,6ko igoera bat izango litzateke, baina urte arteko inflazioa %6,5ekoa zen iazko abenduan, Berria-k jakinarazi duenez.
"Sindikatuek beti gehiago nahi dute, eta enpresaburuek gutxiago. Nik aldeen arteko oreka pixka bat bilatzen dut", esan du Yolanda Diaz Lan ministro eta presidenteordeak, gutxieneko soldatari buruzko elkarrizketen harira.
Antonio Garamendi CEOEko presidenteak aurreko astean adierazi zuen "enplegua asko uzkurtzea" eragin dezakeela gutxieneko soldata igotzeak. Cepymek eta Randstad Research-ek egindako ustezko ikerketa baten arabera, gutxieneko soldataren igoerak "eragin negatiboa" izango luke lan-merkatuan; hain justu, "60.000 eta 130.000 lanpostu artean" ukituko lituzke.
Erabakia, asteazkenean
Gobernuak egindako proposamena aztertuko dute orain sindikatuek nahiz patronalek; asteazkenera arte izango dute horretarako denbora. Asteazkenean 17:00etan bilduko dira berriz gobernua, sindikatuak eta patronalak. Dena den, izatez, gobernuak bere kabuz erabaki dezake gutxieneko soldata, eta mahai horren onarpenik gabe ezar ditzake aldaketak.
XIX. eta XX. mendeetan ohikoa zen hiri nagusietako kaleetan ikustea janzkera tradizional ikusgarria zuten emakume batzuk, sendabelarrak saltzen. Ansotarrak ziren, Aragoiko Ansó ibarrekoak. Erakusketa batek haien historia kontatu digu, eta bide batez azalerazi du atzean... [+]
Ganz MaVag-ek adierazi du ez diola uko egiten etorkizunean tren-enpresa erosteko beste eskaintza bat egiteari. Talde hungariarraren ekintzari esker, Talgok eskaintza berriak entzun ditzake.
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Adierazi du eragiketa hori baimentzeak “arrisku gaindiezinak” ekarriko lituzkeela. Espainiako Gobernuak eskaintza jakinarazi zenetik kezka zuen enpresak Hungariako lehen ministro Viktor Orbán-ekin eta Errusiarekin izan zitzakeen loturengatik. Espainiako... [+]
2025ean sartuko da indarrean Europar Batasuneko politika fiskal berria, eta horien helburu nagusia defizit publikoa murriztea izango da. Horrek erakunde publikoetako aurrekontu guztietan eragingo du eta Nafarroako Gobernuak aurreikusten du sail gehienetan egongo direla... [+]
Espainiako Estatuan egindako ikerketa baten arabera, erretiro-adina atzeratzeak ondorio kaltegarriak dakartza, ez bakarrik lehenago hiltzeko arriskua duen langilearentzat berarentzat, baita diru-kutxa publikoarentzat ere: 8.564 eurotan baloraturiko galera soziala izango luke... [+]
Munduko klima gogorrenetakoa du Balutxistanek: basamortuko klimaren muturreko bero eta lehorteak, eta Arabiako itsasotik ekarritako montzoiaren eurite irregularrak, urte batzuetan eskasak eta bertzeetan uholdeak eragiteko modukoak. Hala eta guztiz ere, bertan laborantza badago,... [+]
Espartingileek ez dute nahi beste saldu uztailean eta ekainean. Turismoak beheiti egin du uda honetan Ipar Euskal Herrian eta supermerkatuek espartina gutxiago manatu dituzte.
Juan Mari Aburto alkateak jai apartak izan direla esan arren, kale saltzaileek Aste Nagusian etengabeko tentsioa, jazarpena eta presentzia polizial neurrigabea bizi izan dutela kritikatu dute. Beren eskubideak babesteko neurriak adostu nahian uztailetik Bilboko Udalarekin... [+]
Esku-hartze sozialeko sektore publikoaren alde.
Istripu bat Ataunen (Gipuzkoa) gertatu da, abuztuaren 22an. Bestea Iurretan (Bizkaia) gertatu zen abuztuaren 14an.