Elkartasun gutuna bidali diote hiru epailek 2016ko sanferminetan talde bortxaketa jasan zuen emakumeari
Sinesten diotela nabarmenduz, gertutasuna eta babesa adierazi nahi izan diote Bilboko, Bartzelonako eta Vigoko hiru epaile emakumezkok. Zigor Kodea “androzentrista” dela nabarmendu dute eta aldatu behar diren joera sexistak ohikoak direla.
Nafarroako Auzitegiak duela bi aste eman zuen epaiarekin oso kritiko agertu dira hiru epaileak, tartean Bilboko Auzitegian ari den Nekane San Miguel epaile arrasatearra; beste biak dira Lugoko Auzitegiko magistratu Dalila Dopazo eta Bartzelonako Auzitegiko Angels Vivas. “Ezinezkoa” iruditu zaie auzia sexu-abusutzat jo izana eta hiztegia pertsonei baino, gauzei dagoela zuzenduta adierazi dute. “Pertsona gehienentzat abusatzea gaizki edo gehiegi erabiltzea da, baina azken finean, erabiltzea; hiztegia ez dago pertsonei zuzenduta, gauzei baizik”. Hiru epaileen aburuz, hitz hori sexu-harremana onartu gabe izatearekin lotzeak Zigor Kodean “emakumeok gizonei plazera emateko objektuak izaten jarraitzen dugun seinale da”. Abusu hitzaren azpian dagoen ideia “oso mingarria” da edozein emakumerentzat, azaldu dute.
Milaka emakume kalera atera ziren epaia jakin ostean, haserre bezain suminduta. “Nik sinesten zaitut” asko entzun dutela adierazi dute, baina haien ustez, epaia eman zuten hiru epaileetatik bik ere kontakizuna sinetsi dute, emakumearen bertsioa zalantzan jarri zuten defentsaren argudioak errefusatu zituztelako: “Sinetsiko ez balizute, ezinezkoa izango litzateke epaian frogatutzat eman dituzten gertaerak idaztea”. Halaber, kaleko aldarrikapenekin bat egiten dutela diote eta akusatuei zigor handiagoa ezarri beharko litzaiekela adierazi dute.Viento Sur aldizkarian irakur daiteke gutuna osorik.
Bere aldetik, Espainiako Emakume Epaileen Elkartea den AMJEk ere komunikatua atera du auziaren sententziaren egokitasunaren gainean sortutako eztabaidaren eta sistema judiziala berrikusi behar delako aldarrien ondotik. “Emakumeok ez dugu nahi biktima izan, baizik eta protagonista” titulua daraman idatzian beraien hausnarketa plazaratu dute.
“Emakumeen diskriminazioa eta hauek gizonekiko daukaten desparekotasuna ez da zuzenketak eskatzen dituen anekdota bat, sistemikoa, orokorra eta estrukturala den zerbait baizik” dio elkarteak, botere publikoek egoera petatxatzera mugatzen den jarrera darabiltela salatuz, dagoeneko existitzen den arraila sakonagoa bilakatzea eraginez. Horren adibidetzat jotzen dute Kode Penalean sexu delituak nola jasotzen diren aztertzeko afera soilik gizonez osatutako batzorde bati esleitzea, gero, zuzenketa modura, sei emakume aditu gonbidatuz azterketan parte-hartzera, salbuespen neurri modura.
Hala bada, idatziaz baliatzen dira hurrengoak exijitzeko: elkarte eta instituzioek osaera parekidea izatea; zuzenbide alorreko langileek, batez ere genero indarkeria alorrari dagozkion kasuekin harremanetan egon ohi direnek, genero ikuspegidun formakuntza etengabekoa derrigorrezkotzat izatea; eta Biktimaren Estatutua bere osotasunean betetzea, biktimaren intimitate eskubidea errespetatuz eta berau erruduntzat jotzea edo bigarrenez biktimizatzea eragotziz.
Zortzi pertsona atxilotu dituzte Nafarroan, beste biak, berriz, Gasteizen. Horrez gain, Algortako Portu Zaharreko jaietan gertatutako sexu eraso bat salatzeko elkarretaratzea egin dute, astelehenean.
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Komunikabideek hainbatetan kontatzen dute halako herritan haur bati sexu abusuak egin dizkiola entrenatzaileak. Beste zenbaitetan entzuten dugu haur baten aitona atxilotu dutela bilobari sexu abusuak egiten zizkiola egotzita. Gutxiagotan argitaratzen da umeari erasoa egin diona... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]
Atxilotuak astelehen goizean, ekainaren 17an, egin zuen sexu erasoa, pazientea belauneko lesio batetik artatzen ari zela, emakumeak salatu duenez. Atxilotua ertzain-etxera eraman zuten eta aske utzi zuten, Bilboko Guardiako Epaitegiaren esku geratu ondoren.
Adingabe bat bortxatu izana egozten zaio gazteari, zenbait komunikabideren arabera. Lakuabizkarra auzoan izan da erasoa, larunbatetik iganderako gauean, auzoko jaien testuinguruan. Kontzentrazioa egin dute erasoa gaitzesteko.
Legorretako Udalak ostiralean jakinarazi du Patxi Ezkiaga idazle eta elizgizonari herrian egindako goraipamen guztiak kenduko dizkiola. Ezkiagak Marisol Zamorari umetan egindako sexu erasoak publiko egin ondoren hartu du erabakia udalak. Beste hiru emakumek ere salatu dituzte... [+]