Gustu txarreko bisita
Gaur bertan Daniel Kutner Israelgo estatu kriminaleko enbaxadorea dugu Gasteizen bisitan. Oraintxe jakin berri dut, lagun batek abisatuta, eta, ezinbestean delegaritza sionistari dedikatutako larrialdiko lerro hauek idazteko beharrean ikusi dut neure burua. Gutxiago ez du merezi ordezkari hebrearrak, izan ere, azken aldian berebiziko zaletasuna erakutsi du gure hiriarekin.
Urte erdi eskaseko epean bisitatzen gaituen bigarren aldia da gaurkoa. Aurrekoan Legebiltzarrean egin zioten harrera, nork bere erara; Bakartxo Tejeriak, presidenteak, harrera ofiziala, irribarre adeitsua, eta goi mailako bisitariei erreserbatutako oparia eskaini zion; parez-pare EH-Bilduko diputatuek egoitza barruan, eta ehundaka lagunek kalean, bestelako harrera eskaini zioten, bere erregimenaren krimenak eta bidegabekeriak aurpegiratuz.
Horrexegatik, akaso, oraingo honetan isilean eta ezkutuka etortzea erabakiko zuen, betiere, eta aurrekoan bezala, tokiko PNVko ordezkariaren abegikortasuna jasotzera. Izan ere, gaur arratsaldean, 20:00etan, Goiuri Jauregian Holokaustoaren inguruko erakusketaren inaugurazioan izango da; Gorka Urtaran, alkatea, eta Laurence Franks, Havtajá elkarte sionistako presidentea lagun.
Ez naiz sartuko Holokaustoaren inguruko hitzaspertu antzu batean, horretarako hobe da Norman Filkenstein historialari judu-amerikarraren idazkietara jotzea, esaterako, pasarte historiko horren inguruan eraikitako kontaketa interesatuak desmuntatzeko. Arbuiatu nahi dudana da Israelgo enbaxadoreak delako holokausto horren biktimak ordezkatzeko zilegitasuna. Israel, hamaika aldiz argudiatze bihurri hori baliatzen badute ere, ez da holokaustoaren ondorioa; ez da inolako kausa-ondorio harremanik bigarren mundu gerrako sarraskien eta Israelgo estatuaren sorreraren artean. Horrela pentsatzen dutenek, oroimen historiko apurtxo bat izando balute, jakingo lukete egunotan Balforren adierazpenetik 99 urte betetzen direla; orduantxe sinatu baitzion Britania Handiko Atzerri Ministroak mugimendu sionistari juduentzako estatua Palestinako eremuan eraikitzeko baimena; 1917ko azaroaren 2an, Holokaustoa baino urte dexente lehenago.
Urtaran jaunak ikastetxe pribatuko historia eskoletara piper egin izan ez balu, akaso jakingo luke Israelgo apartheid erregimeneko enbaxadoreak ez duela inolako zilegitasunik, ez moralik ez historikorik, Holoaustoaren ondorengoen ordezkaria izateko. Aitzitik, XXI. mendean burutzen ari den holokausto handienetako baten egileen delegatua da, eta halaxe hartu beharko genuke Gasteizen.
Iritzi artikulu hau Hala Bedik argitaratu du eta CC-by-sa lizentziari esker ekarri dugu ARGIAra
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
"(Oiongo osoko bilkuraren) helburua argia da, legez legitimatzea tramitazioan irregulartasun nabarmenak dituzten megaproiektu energetikoak"
Joan den asteazkenean egun gogorra eta desatsegina bizi izan genuen, ez bakarrik Labrazarentzat, baita zentral eoliko,... [+]
Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]
Epistemologia, edo ezagutzaren teoria, filosofiaren arlo nagusietako bat da, eta historian zehar garrantzizko eztabaidak izan dira gure ezagutzaren mugen eta oinarrien inguruan. Honen baitan bi korriente indartsu topatzen dira, ezagutzara iristeko bide ezberdinak proposatzen... [+]
Getxoko Epaitegiak Europa ikastetxeko 4 urteko haurren kasua artxibatu izanaren berri izan dugu aste honetan. Horrek zera galdetzera garamatza: instantzia judizialak, polizialak… prest al daude haurren eskaerei erantzuteko? Benetan babesten al dira gure adingabeak... [+]
Gure lurraldeetan eta bizitzetan sortzen diren behar, desio eta ekimenen inguruan gero eta gehiago entzuten dugu harreman eta proiektu publiko-komunitarioak landu beharraz, eta pozgarria da benetan, merkaturik gabeko gizarte antolaketarako ezinbesteko eredua baita. Baina... [+]
Elkarrizketa berritu dugu fakultateko idazkaritzan, auskalogarrenez: urruti daude, euren matrikula egiteko, ikasleak bakarrik etortzen ziren garaiak. Aspaldixko aldatu zen joera, eta gurasoek –nabarmenago amek– gero eta paper aktiboagoa hartzen dute seme-alaben... [+]
Silogismo baten argumentuak hiru proposizio ditu, eta horietatik azkena nahitaez ondorioztatzen da beste bietatik. Logika deduktibo horrekin aztertu daiteke, nire aburuz, Nafarroan gertatzen ari den Aroztegiako gatazka sozioekologiko luze eta traumatikoa.
Tesia: Baztango... [+]
Berriki landu ditut klasean Etxahun Barkoxeren kobla eder eta hunkigarriak. Gaizo gizona! “Edertasunez praube” sortu zelako hasi zitzaizkion etxeko nahigabeak, baina hamazazpi urtetan zen pulunpaka sartu zorigaitzaren itsasoan, maite zuen Marie Rospide doterik gabeko... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Zer jakin behar dut? Norekin erlazionatu behar dut? Non bizi behar dut? Ardura horiekin gabiltza gizakiok gure gizarteen baitan bizitza on baten ideia bizitzeko bidean. Ondo erantzuten ez badakigu, bazterretan geratuko garen beldurrez.
Joan den astean, kanpoan geratzearen... [+]
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]
Ni ez dut nahi nire alaba ijitoz mozorrotzea kaldereroetan. Nik ez dut nahi nire alabaren eskolako haur ijitoak ijitoz mozorrotzea kaldereroetan. Ijito izatea ez delako mozorro bat. Ijito izatea ez delako urtean behin egiten den festa bat, arropa exotikoekin eta aurpegia ikatzez... [+]
Bidea pausoka egiten da, eta hasiak egina dirudiela ikasi nuen aspaldi xamar. Baina jendeak esaldi hori edukiz betetzen ere ikasi nahi du. Bakarrik ezer gutxi lor genezake, hasi orduko etsi, akaso. Sekulako jendetza biltzeak ere antolaketa zaildu eta ikusi beharrekoa gandutu... [+]
Ez zuen egoki jokatu, neurriak hartu behar ziren, bestela, ez dugu ikasten. Itxuraz, ez zen ohartzen egindakoaren inpaktuaz, normal jarraitzen zuen, batzuetan, ingurukoek baino itxura zoriontsuagoz. Gainera, altuegi hitz egiten du, hori ez zaio inori gustatzen. Darabiltzan... [+]