“Gurpildun aulkian mugitzen naiz, baina autobuseko plataforma bakar batek ere ez du behar bezala funtzionatzen”
Lexuri Badiolak gurpildun aulkia behar du eta egunero hartu behar du autobusa lanera joateko, baina autobuseko plataforma bakar batek ere ez du behar bezala funtzionatzen eta autobusera ezin igo geratzen da edo akatsa zein den eta zer egin behar duen azaldu behar izaten dio gidariari. Bere orain arteko borrokari entzungor egin diotela-eta, sinadura bilketa abiatu du.
Egunero Lekeitiotik Bilbora lanera joateko eta Bilbotik Lekeitiora etxera itzultzeko autobusa hartu behar du Badiolak, baina plataformek ez dutenez ongi funtzionatzen, “egun batzuetan ezin izaten dut autobusera igo eta hurrengoari itxaron behar diot, lanpostura berandu iritsiz. Beste batzuetan igotzea lortzen dut, baina autobusak emango duen akatsa ezagutzen dudalako eta gidariari zer egin behar duen azaltzen diodalako. Lotsagarria iruditzen zait azalpen horiek nik eman behar izatea”.
Plataforma guztiek egoki funtzionatzea eta gidariek funtzionamenduaren inguruko ikastaroa jasotzea, “ezustekoei nola erantzun jakiteko”; hori da Badiolak eskatzen duena.
Bizkaiko Foru Aldundiko Garraio eta Mugikortasun Iraunkorreko sailean sarri kexatu da, baina gehienetan ez diote erantzunik eman, eta eman diotenean erantzun diote beharrezko errebisioak egiten zaizkiela plataformei. “Zalantzan jartzen dut hori, oraindik akatsak ematen baitituzte”.
Erantzun kolektiboa
Behingoz kasu egin diezaioten esperantzan, sinadura bilketa abiatu du eta egun gutxitan 9.500 sinadura baino gehiago lortu ditu oraingoz. “Argi erakusten ari gara gizarte mailako arazo baten aurrean aurkitzen garela, eta ez Lexuri edo aniztasun funtzional bat duen norbaiten arazo indibidual baten aurrean”.
Ikusmena galdu arren, partidak irabazten jarraitzen du Aritz Huartek. Eskubaloia utzi eta goalballean jokatzen hasi zen duela hiru urte, Nafarroako Itsuen Kirol Taldean. Espresuki itsuentzat sorturiko kirola da, eta gaur egun, ikusmen desgaitasunen bat dutenek baino ez dute... [+]
Desiraren, genero identitatearen eta erotikaren ikuspegia zabaltzeaz mintzatu da Igor Nabarro sexologoa. Nerabezaroan muineko lesio bat izan zuen, eta hori dela-eta zalantzan jarri zituen maskulinitatea eta sexualitatea. Salatu du istripuaren ostean ez zuela inongo heziketa... [+]
Joten erritmora harro erakusten du luma Itxi Guerra aktibista antikapazitistak (Madril, 1998). Gorputz desgaituek bizi dituzten biolentziak balioztatzeko eta sistemari aurre egiteko saretzearen garrantziaz mintzatu da. Gorputzaren bizigarritasuna aldarrikatu du:... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Jende askorekin eta elkarrizketaz inguratuta dagoenean isil-isilik edo ohi baino isilago egoten da Irati Erauskin (Hondarribia, Gipuzkoa, 1996). Horregatik, “oso irekia” den arren lotsatia dela uste dute batzuek. Entzumen urritasuna dauka, eta batzuetan “oso... [+]
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
Behar ez den lekuan autoa aparkatzen duten gidariak salatzen hasi zen Juan Larreta (Iruñea, 1968) duela bost urte. Esklerosi anizkoitza duenez, desgaituak diren pertsonentzako aparkalekuetan autoa uzteko txartela dagokio. Urteak daramatza Nafarroako txartelen erregistro... [+]
Enplegu publikoko plazen %2 adimen desgaitasuna duten pertsonentzat gorde behar den arren, sarri ez da betetzen, eta oposizioak deitzerakoan aintzat har ditzatela eskatu dute: "Funtsezkoa da, konturatu gaitezen gizarte hau denona dela, ez gutxi batzuena".
Kolorea eta argia ez ditu bereizten, ez du itsu ez garenok bezala ikusten, bestela baizik. Ez gaitu ikusten, ez dugu bera ikusten. Itsu gara bata bestearentzat. Hizketan hasi orduko ikusi dugu elkar, haren euskara segiduari gozo segitu diogu, hikarik naturalenean. Berak ekarri... [+]
Duela bi urte komunikabide askotan agertu bazen ere, ni neu lagun batek jarri ninduen Lexuri Badiolaren arrastoan. “Badakit zeini egin behar diozun elkarrizketa bat”, esan zidan. Ez zebilen batere oker. Badiolarekin parez pare topatzen denak berehala jasotzen ditu... [+]
"Borroka luze eta gogor baten ostean", garun-paralisia eta %87ko desgaitasun motorra duen Usurbilgo ikasleak jardunaldi osoko laguntzailea lortu du ikasturte honetarako eta familia guztia "oso pozik" dagoela jakinarazi dio ARGIAri ikaslearen amak. Joan den... [+]
Premia bereziak izan arren, behar izan duten laguntzarik ez dute jaso artikulu honetako bi protagonistek. Biek garun-paralisia dute eta borrokan eman dute pasa den ikasturtea, euren eskubideen alde borrokan. ARGIAn kontatu ditugu bi kasuak.
Zer dira erotikak? Zein leku dute bazterretako erotikek iruditegian? Nola landu erotika eskola eta institutuetan? Galdera horiei eta beste askori erantzun diete Eider Goiburu, Mentxu Arrieta eta Elena Urkok. Sexualitatean adituak dira hirurak, eta bazterretako erotikez mintzatu... [+]
Orain arteko ikas-ibilbidean izan duen laguntza erdira murriztu diotenetik, ikas-prozesua egoki eramatea ezinezkoa zaio garun-paralisia duen Usurbilgo ikasleari. Baina ikasleak eskatzen duen laguntza jartzea “oso salbuespenezkoa” dela adierazi du Jaurlaritzako... [+]
%87ko desgaitasun motorrarekin, Lanbide Heziketa ikasten ari den Usurbilgo gazte batek laguntzailea behar du ikastordu guztietan, baina ukatu egin dio Hezkuntza Sailak, eta hautsak harrotu ditu kasuak: Eusko Legebiltzarrera eraman du gaia EH Bilduk, Steilas sindikatuak egoera... [+]