“Gure lurra, gure jatekoa” leloa izango du Arbonan egingo den Lurrama ekimenak
Urriaren 24an izango da aurtengo Lurrama ekimena, Arbonan okupatutako lurretan. Urte berezia izanik, Lurrama ere berezia izango dela adierazi dute antolatzaileek. Egun osoko egitaraua antolatu dute lurraren eta elikaduraren inguruan hausnartzeko.
Iragarri moduan, Euskal Herriko Laborantza Ganbarak antolatutako 16. Lurrama ekimena Arbonan izango da, urriaren 24an. Izan ere, Ipar Euskal Herriko nekazaritzaren erakusleiho izan nahi duen Lurrama azken urteotan Miarritzen egin izan den arren, 2020an bertan behera utzi behar izan zuten COVID-19agatik, eta aurten ohiko lekuan egiteko baimenik ere ez dute izan. Gainera, ekainaren 23an ELB sindikatuaren eta Lurzaindia elkartearen ekimenez okupatutako Arbonako Berrueta etxaldea ere haien gogoetaren erdigunean kokatu nahi dute. Lurramaren egunean amaituko da okupazioa, etxaldearen eroslea erretiratzea lortu ostean.
Egun osoko egitaraua antolatu dute Arbonan. Goizeko 10etan hasiko da Lurrama, hautetsien eta partaideen harrerarekin. Ondoren, 10:30etan, "Zein lur eta elikadura politika Euskal Herriarentzat?" izeneko konferentzia egingo dute. Bertan, laborantza lurretarik norbanakoen hazietarainoko elikadura sistemari buruzko lan bat aurkeztuko dute. Ipar Euskal Herriko biztanleriaren elikadura beharretan oinarriturik, laborantza ekoizpenen birlokalizazioa eta horretarako beharrezkoak diren lur eremuei begirako aukerak eta mugak aztertuko dituzte. Laborantza, elikadura eta lurren kudeaketaren arteko loturari buruzko zenbaki eta datuak ere emango dituzte. Horrela, "lurralde honetan oraino irekitzekoa den eztabaidaren oinarria" jarri nahi dutela adierazi dute antolatzaileek.
Egun guztian zehar haurrentzako, familientzako eta publiko guztiarentzako animazioak egongo dira, besteak beste:
- Barazki, hesi eta zuhaitz landatzea: sasoia, lurra eta orientazioaren arabera zein mota aukeratu, lurra nola eta noiz landatu, Laborantza Ganbarako teknikariek eta laguntzaile profesionalek haien aholkuak emanen dituzte.
- Inguruko landareak eta bioaniztasuna deskubritzeko ibilaldi botanikoak Berroeta inguruan.
- Pottoka eta asto ibilaldiak
- Herri kirolak
Eguerditik aurrera, Maialen Lujanbio eta Amets Arzallus bertsolariek ongi etorria egingo dute, eta ondoren kontzertuak izango dira 20:00ak arte. Bi agertokitan banatuta arituko dira Kiki Bordatxo, Diabolo Kiwi, Anje Duhalde, Anari, Frigo eta Xiberoots taldeak.
Informazio gehiago eta xehetasun praktikoak topa daitezke lurrama.org webgunean.
Apirilaren 17an, Brasilgo Eldorado do Carajás-en egin zuten lurrik gabeko 21 langileen sarraskiaren 29. urteurrena izan da. Ordutik, La Vía Campesinak data oroitzen du Nekazarien Borrokaren Nazioarteko Egun gisa, lurrerako eskubidea defendatzeagatik koldarkeriaz erail... [+]
Kanboko (Lapurdi) lurrak babesteko deia zabaldu dute ELB, Lurzaindia eta Ostiak. Maiatzaren 17an ibilaldia, ekitaldia eta landaketa herrikoia antolatu dituzte. "Lurraldearen oraina, eta geroa ere, gure inplikazioaren araberakoa da", adierazi dute.
Nekazariarentzat baratzea eragozpena besterik ez da. Egungo makina bat nekazari “aurreratuk” horrela pentsatzen du. Bere lanean ez dute baratzerik behar, ezta oilategirik, ezta sagarrondorik, ezta erlauntzarik ere.
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
Euskal Herriko Laborantza Ganberak hogei urte bete ditu. 2005ean sorturik, bataila anitzetatik pasa da Ainiza-Monjoloseko erakundea. Epaiketak, sustengu kanpainak edota Lurramaren sortzea, gorabehera ainitz izan ditu hogei urtez.
Kriztian Borda hautetsi ohia eta Lurzaindia elkarteko kideak sare sozialetan zabaldu duen bideo baten harira piztu da ika-mika. Arbonan laborantza lurrak "arriskuan" daudela salatu du Bordak, eta jakinarazi du Arbonako Herriko Etxeak bere kirol zelaia Baionako promotore... [+]
Txotx denboraldian eredu ekologikoan ekoiztutako Euskal Sagardoaren eskaintza izango da hainbat sagardotegitan, eta hura bistaratzeko, Jatorri Deiturak eta ENEEK-Ekolurrak kupeletan paratzeko euskarria aurkeztu dute.
Lurraren alde borrokan dabilen orok begi onez hartu du Frantziako Legebiltzarrak laborantza lurren babesteko lege-proposamenaren alde bozkatu izana. Peio Dufau diputatu abertzaleak aurkezturiko testua da, eta politikoa eta sentimentala juntaturik, hemizikloan Arbonako okupazioa,... [+]
203 diputatu alde eta hiru aurka agertu dira martxoaren 11 gauean egin bozketan. Higiezinen agentziak haserre agertu dira, eta bi salaketa aurkeztu ditu FAIN Frantziako Higiezinen Federazio Nazionalak Europako Batzordean. Bata, lege-proposamenari esker botere gehiago jasoko... [+]
Laborantzaren Orientazio Legea pasa den astean ofizialki onartu du Frantziako Parlamentuak. Ostegunean Senatutik pasa da azken aldikoz. Iazko laborarien mobilizazioen ondotik, aldarrikapenei erantzuteko xedea du lege horrek. Aldiz, ingurumenaren aldeko elkarteek azkarki salatzen... [+]
Zubiak eraiki Xiberoa eta Boliviaren artean. Badu jadanik 16 urte Boliviaren aldeko elkartea sortu zela Xiberoan. Azken urteetan, La Paz hiriko El Alto auzoko eskola bat, emazteen etxe baten sortzea, dendarien dinamikak edota tokiko irrati bat sustengatu dituzte.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Gasteizko protestak Trebiñu eta Araba elkarteek deitu dituzte, Tafallakoak Semilla y Belarra elkarteak eta Baionakoak 'Pirinio mendikateko laborariek’. Denek salatu dute Mercosur merkataritza akordioaren ondoriozko konpetentzia, eta erregaien zerga gehiegizkoak.
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Gaur egun, Gazan su-etena dago, eta ez dakigu noiz arte iraungo duen; bitartean, sarraskiak, anexioek, kolonizazioak eta era guztietako giza eskubideen urraketek bere horretan diraute gainerako lurralde okupatuetan. Jarraian irakurriko dituzunak ez dira kasu isolatuak,... [+]