“Gure ingurune naturala eta nekazaria porlanez betetzeari uzteko garaia da”
Berangok bizi duen hirigintza-hazkundearen harira, Berango Lurraren Defentsan kolektiboak gogor kritikatu ditu joan den martxoaren 31n argitaratutako artikuluan alkateak egindako adierazpenak, eta gutun irekia argitaratu du sarean, hemen irakur daitekeena osorik. Talde ekologistak zalantzan jarri ditu udal-arduradunaren baieztapenak, eta, berriro ere, salatu du udalerriaren hirigintza-eredua, baita gune naturalak defendatu ere.
Berango Lurraren Defentsan kolektiboak gogoratu duenez, joan den martxoaren 27an 200 pertsona baino gehiago mobilizatu zen Berangon Udalaren hirigintza-proiektuaren aurka egiteko. Azpimarratu duenez, udalerrian 2.326 etxebizitza eraikitzea aurreikusita dago, gaur egun daudenen kopurua ia bikoiztuz. Kontuak hala, talde ekologistaren arabera, kopuru hori "neurrigabekeria galanta" da. Era berean, nabarmendu du, beren ustean, daborduko berangoztarrek beharrezkoa duten babes-etxebizitzaren eskaera bermatuta dagoela. Halaber, kideek deitoratu dute zaurgarritasun egoeran dagoen edo erosteko gaitasuna ez duen jendeak ez duela aukerarik aurreikusitako etxebizitza horiek eskuratzeko, Babes Ofizialeko Etxebizitzak baimendutako preziorik garestienean salmentan jarri ei direlako –200.000 euro inguru–.
Alokairuzko etxebizitza sozialak eraikitzearen aferari dagokionez, talde ekologistak mahai-gainean jarri du Etxebarriko eta Otxabeneko birpartzelazioen ondorioz Udalak hiru partzela jaso dituela, eta horietan mota horretako proiektuak garatzeko deia egin dio Udalari. Horren harira, kolektiboak deitoratu du udal-agintariek partzela bi saldu eta hirugarren bat Moreaga parkeko Icaza jauregiagatik trukatu dituela. Azken operazio horren kasuan, taldeak salatu du "enpresak ezarritako prezio baten truke" egin zela trukaketa: "Eraikinean ez zen tasatzailerik sartu haren egoera ikusteko". Are gehiago, bere garaian Udalak adierazi zuen arren ekipamendu kultural bat bat egin zitekeela bertan, azpiegitura horretako proiektua bera zalantzan jarri dute ekologistek: "Kasualitatez, trukea egin zen eraikuntza-enpresari ondo zetorkionean Otxabenen eraikitzeko lur gehiago izatea. Jauregia itxita egon den eta erabili ez den 40 urteetan, ezer ez, Udalak ez du eraikina erabiltzeko proposamenik egin. Orain ere, ez dago plan argirik zer erabilera emango zaion zehazteko. Horrek trukerako benetako motibazioaren susmoa zein ote sortzen du".
Udalak gordetako lur-partzelari dagokionez, Berango Lurraren Defentsan taldeko kideek azpimarratu dute udal-arduradunak "legez kanpo" saltzen saiatu zirela hori, eta salerosketa horri jarritako alegazio batzuei esker, operazioa baliogabetu egin zela. Hori dela eta, horren aurretik, beste bi partzela legez saldu eta trukatu izana zalantzan jarri dute.
Nekazari-eremuen harira, etxebizitza berriak eraikitzen ari diren guneetako lurrak jabetza pribatuak izan direla beti eta horietan ez dela inolako nekazaritza-esplotaziorik egon inoiz azpimarratu zuen martxoan Anabel Landa alkateak. Horren aurrean, baina, Berango Lurraren Defentsan kolektiboak adierazi du Otxabenen, "historikoki", abeltzaintza eta baratzeak egon direla, "eta, gaur egun ere, bere garaian fruta-arbolen ustiapena egon zela adierazten duten zuhaitzak identifika daitezke. Eta ez hori bakarrik, iaz arte larreetako belarra moztu egiten zen ganadua elikatzeko. Etxebarrin ere baratzeak eta fruta-arbolak zeuden".
HAPOa, iraungita
Legeari dagokionez, Berango Lurraren Defentsan taldeak beste behin ere salatu du Eusko Jaurlaritzak 2019an onartutako Lurralde Antolamenduaren Gidalerroek ez dutela uzten Berangon hainbeste etxebizitza eraikitzen. Horrez gainera, ekologistek adierazi dute Bilbo Metropolitarreko Lurralde Plan Partzial (LPP) berria idatzi duten teknikariek euren txostenetan esaten dutela ezin dela Otxabenen eta Otxandategin eraiki, "hirigunetik urrun dagoelako". Bere aldetik, martxoan, alkateak defendatu zuen gaur egungo araudi osoa bermatuta dagoela eraikitze horiek egiteko, eta gogoratu zuen etxebizitzok 2011ko HAPOan aurreikusita egon direla, eta ordutik jakina zela non eta nola eraikiko ziren.
Horren aurrean, kolektibo berangoztarrak gogoratu du HAPOa urte bi daroatzala iraungita, eta galdegin du ea zergatik ezin daitekeen egin HAPOari moratoria bat, eta LPP argitaratu arte itxaron: "Ba al dauka benetako zentzurik orain dela hamar urte sinatu zen iraungitako dokumentu batek jasotzen duenari kasu egiten jarraitzeak?".
Azkenik, publiko egindako gutun irekian, taldeak azpimarratu du garapenaren mugak daborduko gainditu egin direla udalerrian, "gure ingurune naturala eta nekazaria porlanez betetzeari uzteko garaia da. Berangoko hazkunde urbanistikoari dagokionez, muga hori jada gainditu da".
Odei Etxeberri Bimboire, Gorka Roca Torre eta beraien seme Oihan eta Miru buruaskiak dira elikaduran. Horretarako, aztertu behar izan dute gorputzak zer elikagai eta zein kopurutan behar dituen; horiek zein janaritan dauden; urtaro bakoitzean horiek denak eskuratzeko zer landu... [+]
Lerro hauek idazterako, gazta egiteari utzi diogu eta antzutze prozesu betean gaude. Horrek esan nahi du jetzaldiak gero eta sakabanatuagoak direla denboran, ardiei esnea desagertu arte. Batzuen kasuan, egun gutxitan bukatuko da prozesua, eta gutxi batzuei gehiago kostako zaie.
Plastiko konpostagarrizko poltsak ohikoak baino toxikoagoak dira titularra irakurri genuen iazko urrian Elhuyarren. CSIC Espainiako Zientzia Ikerketen Kontseilu Nagusiko adituen ikerketa batean zegoen oinarritua albistea, eta zalaparta handia piztu zuen. Garazi Zabaletak... [+]
Nekazaritza eta Elikadura Ekologikoaren Kontseilutik herritarrak animatu dituzte azoketan erostera eta ekoizleak gertutik ezagutzera. Uztailaren 29an Zigoitian izango dira, eta abuztuaren 23an, Zarautzen. Urriaren 27an amaituko dute udako denboraldia, Villabonan.
Dimako Udalaren atzen osoko bilkuran, garagarrilaren 17an, Dimener Dimako Energia Barriztagarrien Komunitatearen estatutuak onartu eta Udala alkartearen kide laguntzaile izatea eztabaidatu eta onartu zen.
Munduko erakunde militar suntsitzaileenak 75 urte bete ditu, eta eztei horiek behar bezala ospatzeko, esan du bere kideek gehiago gastatu beharko dutela armetan. Gainera, urtemugaren goi bileran beste potentzien kontrako gerra hauspotu du NATOk, Txinaren eta Errusiaren kontrako... [+]
Tolosatik abiatu eta Bedaion gora egin, Menditxiki aldera. Batean Bedaio, bestean Zarate, Gipuzkoako eta Nafarroako muga-mugan gara. Hantxe dira helburu ditugun lursailak, Itxitua eta Erlo, garai batean lahar, pagadi gaur egun: Gregorio Ugartemendia Zubillagaren basoa duzu.
900 milioi inguru eskatzen dizkio Energy Transfer Partners enpresak AEBetako Greenpeace erakunde ekologistari, 2016 eta 2017an oliobidearen aurkako protestetan kalteak eragin izana leporatuta. “Epaiketa honetan porrot eginez gero, Greenpeace justizia klimatikoaren aldeko... [+]
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Horrez gain, Biarritzen ostreopsisa atzeman dute, itsas alga toxiko mikroskopiko bat, eta karabela marmokak agertu dira Donostiako kostaldean.
Ez da ezusteko handirik izan Europako hauteskundeetan, eskuin muturrak gora egin duen bitartean, berdeek orain arteko emaitzarik txarrenetakoak izan dituzte. Zentzu horretan, geroz eta gehiago nabarituko dugu trantsizio ekosozialari lotutako erabakietan ebidentzia zientifikoek... [+]
Zuhaitzen eta arbolen sarobean nabil azken urte hauetan. Larrean, abaroan eta biaoan hor nabil atera ezinik. Zuhaitzei eta arbolei aparteko begirunea diedala jabetua izango zara, tarteka behinik ARGIAren Bizi Baratzea txoko honetan ibiltzen bazara. Eta azkenaldi honetan,... [+]
Mahaño Lanathoua 2017an hasi zen aitaren lurretan arbolak landatzen, oihan baratzea lantzeko ideiarekin. “Hasieran asmoa ez zen horretatik ekonomia bat sortzea, gure buruaskitasunerako bidean pausoak ematea baizik”, gogoratu du laborariak. Baina, landaketekin... [+]
Duela gutxiko kontua da. Iberiar katamotza (Lynx pardinus), mundu mailako felino espezie mehatxatuenetarikoa, “galtzeko arriskuan” egotetik “kaltebera” kategoriara igaro da IUCNren Espezie Mehatxatuen Zerrenda Gorrian. Espeziea kontserbatzeko egindako... [+]