“Gure aldarrikapenak lorgarriak dira, are gehiago langile guztien babesarekin”
Asteazkenean, bi astetan laugarren aldiz, Mercedeseko greba orokorrak produkzio katea gelditu zuen. Enpresa batzordean %45eko ordezkaritza duten ELA, LAB eta ESKk deituta, langileen %95ak egin zuen greba. Ostegun eta ostiralean ere greba dago deituta, eta ostegun goizean bilera berria dute sindikatuek eta zuzendaritzak. Ezin jakin oraindik zertan amaituko den lan hitzarmen berriaren negoziazioa, baina nabaria da bi asteotan indar harremana langileen alde eraldatu dela. Gatazkaren egoeraz eta langileen borrokaz hitz egin dugu enpresa batzordeko eta LABeko kide Mikel Díaz de Aldarekin. Enpresaren sarreratik erantzun ditu gure galderak, asteazken gaueko piketean dagoela.
Asteazkeneko greba ia erabatekoa izan da laugarrenez, nahiz eta %55eko ordezkaritza duten sindikatuek (UGT, CCOO, Ekintza, PIM) aurreko egunean deialdia bertan behera utzi. Nola azaltzen da arrakasta?
Argi geratu da langileak ez daudela ados enpresak eskaintzen duenarekin. Enpresak asteartean proposamen berria egin zuen: UGT eta CCOOk baloratu zuten aurrerapausoak daudela; ELAk, LABek eta ESK-k ez dugu ikusten inongo aurrerabiderik; eta langileek ere ez. Langileek ikusi dute kalean jarraitzea garrantzitsua dela enpresaren jarrera ez delako ona, horregatik mantendu ditugu aste honetako hiru greba egunak. Langileak indartsu daude, eta aldarrikapenak lortzeko gogotsu.
Une konplikatu batean heldu dira aste honetako grebak. Asteartean patronalak proposamen berria egin zuen. Zer eskaini du zuzendaritzak?
Ez du ia-ia ezer aldatu. 2022rako %5eko soldata igoera eskaintzen du, 2021 urtean zero, ordainsari bat soilik. Aurrerapen txiki bakarra ordezkapen kontratuetan dago, fase aktiboa hilabete eta erdi murrizten duelako. Ez da nahikoa, inondik inora.
Zuek kontra azaldu zarete argiro, zein da UGT, CCOO, Ekintza, eta PIMen jarrera?
"Borrokan jarraitzeko indarrez sentitzen dira langileak"
Astearteko bileraren ostean esan zuten denbora behar zutela enpresaren proposamena aztertzeko, pentsatzen dugu beste proposamen bat eramango dutela gaurko (osteguna) bilerara, baina guri ez digute ezer esan. Halere, ikusita beren afiliatuak ere irten direla grebara, bai sindikatu horiek bai enpresak mugimenduren bat egitera behartuta daude.
"Malgutasuna"-ren truk 1.200 milioiko inbertsioa iragarri zenetik hona eragileen posizioak aldatu egin dira: zuzendaritzak adierazi zuen ez zela sindikatuekin bilduko greba deialdiak zeuden bitartean, baina aste honetan bi aldiz behintzat bilduko da; Jaurlaritza enpresaren alde lerratu zen nabarmen, eta atzo Tapiak bi aldeei eskatu zien “malgutasuna”; patronalaren ondoan egon ohi diren sindikatuak jokoz kanpo daudela ematen du... Langileen irmotasunak ezustean harrapatu du jende guztia?
Enpresak eta sindikatu horiek ez zuten horrelako erantzunik espero, jokoz kanpo harrapatu ditu. Iragan astean egin genituen asanblada eta mobilizazioetan langileek oso argi utzi zuten ez dutela nahi seigarren gaua, eta soldataren igoera KPIari lotuta egon behar duela. Baita gauza gehiago ere, baina bi horiek dira nagusiak.
Lorgarriak ikusten dituzue bi aldarrikapen nagusi horiek?
Bai. Soldatari dagokionez, enpresak urtero irabazi handiak ditu eta langileon soldata ez da kostuen %6ra ailegatzen. Malgutasunari dagokionez, ez dago gehiagoren beharrik, gure proposamenak frogatzen du egun dugun malgutasunarekin urtean 170.000 furgoneta egin daitezkeela. Bi horiez gain uste dugu gainontzeko aldarrikapenak ere lorgarriak direla, are gehiago langile guztien babesarekin.
Aurreko astean langileen asanblada orokorra deitu zenuten, sindikatuen arteko banaketak sortzen duen blokeoa desblokeatzeko asmoz. Bertan erabaki zen sindikatuek asteazkenerako deituta zuten grebari beste bi egun gehitzea, ostegunekoa eta ostiralekoa. Berriz deituko duzue?
Langileok asanblada orokorra behar dugu, bertan sindikatu guztiek gure proposamenak egin eta erabakiak hartzeko. Baina sindikatu batzuek ez dute hori nahi, uko egiten diote behin eta berriro, nahiz eta langileen gehiengoaren sinadurak lortu ditugun deitu dadila eskatuz [legez langileen %33aren sinadura nahikoa da asanblada deitzeko]. ELA, LAB eta ESK-k ez diogu zentzurik ikusten asanblada guk bakarrik deitzeari ordezkaritzaren %45a izanda, beste sindikaturik ez bada gehitzen. Iragan astean guk deitu genuen, baina CCOO ere etorri zen bere posizioa azaltzera.
UGT, CCOO, Ekintza eta PIM gehiengoa dira, eta beti leporatzen digute ELA, LAB eta ESKri gutxiengoa izanda deitzea greba, baina argi geratu da langileek zer nahi duten. Guk plantillak eskatutakoari egin diogu kasu, sindikatu horien afiliatuak ere kalean daude, beren sindikatuari esan diote erratu direla, greba egun hauek garrantzitsuak direla eta enpresa dela mugitu behar dena.
Patronalaren, erakundeen eta hedabideen presioa handia izaten ari da. Nola bizi dute langileek, zer giro duzue?
Giro oso ona dago, batez ere ikusten dugulako denak ari garela gelditzen, borrokan jarraitzeko indarrez sentitzen dira langileak.
Ez dugu ulertzen zenbait politikariren jarrera. Ramiro González ahaldun nagusia edo Iñigo Urkullu lehendakaria ez dira gurekin bildu gure aldarrikapenak ezagutzeko, ez dakite zer eskatzen dugun, eta uste dut adierazpen publiko bat egin aurretik garrantzitsua dela behintzat gure partea ere jakitea. Gaur bertan Urkullu Alemanian egon da eta bere adierazpenetan, Eitbn moztu badituzte ere, argi esan du enprearen alde egiten duela. Ulertezina da.
Komunikabideen lerroburuetan dago Mercedes aspaldian. Zer balorazio egiten duzu hedabideen lanaz?
"[Emilio Titos zuzendari orokorra] Maiatzetik hona sindikatu eta enpresa arteko bileretara etorri da UGTk eskatuta, eta ordutik egoerak okerrera egin du"
Batzuetan apenas jasotzen da gure ahotsa, tartean Jaurlaritzaren komunikabideetan. Halere, azkenaldian toki gehiago ematea lortzen ari gara, nahiz eta enpresaren bertsioak pisu handiagoa izaten jarraitu. Beste batzuk ari zarete gure aldarrikapenak kontutan hartzen.
Emilio Titos Mercedeseko betiereko zuzendari ahalguztidunaren irudia du, gatazkaren hasieran adierazi zuen langileak berarekin zeudela, jarraian etorri ziren grebak. Bere botere posizioa aldatu da?
Uste dugu jokoz kanpo dagoela. Maiatzetik hona sindikatu eta enpresa arteko bileretara etorri da UGTk eskatuta, eta ordutik egoerak okerrera egin du. Ez dakigu enpresa barruan indarra galtzen ari den, negoziazioan sartu denetik lau greba orokor izan ditugu eta negoziazioak atzera egin du. Baina bere irudia kaltetuta dago.
Zeintzuk dira hurrengo urratsak?
Ostegun goizean bilera dago enpresa eta sindikatuon artean [elkarrizketa asteazken gauean egina dago, bilera horretan zuzendaritzak negoziazioa bertan behera utzi du]. Baina ostegunean eta ostiralean greba deituta dago, eta deialdi horiek mantenduko ditugu seguru, jendeak hori eskatu digulako. Bileran gertatzen denaren arabera mugimenduak egon daitezke, baina horretarako enpresa asko mugitu behar da bere egungo posiziotik, eta negoziatzeko borondatea erakutsi. Hurrengo astean ELA, LAB eta ESK-k beste hiru greba egun ditugu komunikatuta, asteazkenetik ostiralera. Nahiago genuke egin behar ez izatea, jendearentzat ez delako erraza, baina enpresa eta beste sindikatuak ez badira mugitzen mobilizazioekin jarraituko dugu eta saiatuko gara auto bakar bat ere ez dadin egin. Gaur goizean asanblada txikia egin dugu, eta egunotako berrien arabera berriz ere deituko dugu, hartzen ditugun erabakietan langileen babesa izateko. Plantillak markatu behar du bidea.
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Aurreko gobernuak proposamen horiei “bizkar emanda” eta “entzungor” eginda jardun duela salatu du. Eusko Jaurlaritzak iragarritako bilera erroldatan “eskari zehatzak” mahaigaineratuko dituela adierazi du.
Asteazkenean egindako bilkuran, aurreakordioak aldeko 332 boto, kontrako 186, hiru boto zuri eta sei baliogabe jaso ditu. Maiatzeko aurreakordioan izandako desadostasunak gainditu dituzte enpresa-batzordearen gehiengoak eta Biobide enpresak, eta greba mugagabea bukatu dute.
Enpresa-batzordearen gehiengoaren eta Biobideren artean aurreakordioa lortu dute. CCOO, UGT eta LSB alde azaldu dira, eta ELA, LAB eta ESK, kontra. Asteazkenean dira langileen batzarra eta Bilboko Udala akordio hau onartzen duten ala ez erabakitzekoak.
ELA eta LAB sindikatuek “erabat gaitzetsi” dute Añorgako Cementos Rezolak (egun, Heidelberg Materials) 56 langile kaleratzeko egindako proposamena.
Nafarroako hezkuntza hitzarmen berria negoziatzea exijitu die Nafarroako Hezkuntza kontseilariari, Carlos Gimenori, Iruñean eginiko mobilizazioan. Langileek salatu dute Gimeno, patronalarekin bakarrik biltzen dela, eta ez dituela aintzat hartzen langileek negoziaziorako... [+]
1958an, emakume baserritarrek Donostiako Erdialdea hartu zuten, esnea saltzea galarazi zitzaiela salatu, eta baserritarren eskubideak aldarrikatzeko. Administrazioak esnearen esklusibotasuna Gurelesa enpresari eman zion, eta baserritarrek Bretxan saltzeari utzi behar izan... [+]
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.
Ekainaren 19an, 20an eta 21ean greba dago deituta El Diario Vasco-ko langileen artean, hitzarmen kolektiboa eguneratzeko aurrerapausorik ez delako eman. Gainera, maiatzaren 30az geroztik sinadura greba egiten ari dira kazetariak: “Hori ezkutatzeko enpresak lehentasuna... [+]
Hemezortzi mediku beharrean hamabi daude eta sei erizainek hamabiren lana egiten dute. “Lan gainkarga eta agenda neurrigabea handitu” egin dira, sindikatuak ohartarazi duenez, eta murrizketa gehiago etor daitezke etorkizunean.
Hamar zentrok uda osoan itxiko dute eta 72 zentrok ixteko ordua aurreratuko dute. Sindikatuek salatu dute langileen lan karga "handituko" dela.
ELA sindikatuak galdeturik, OMAL Latinoamerikako Multinazionalen Behatokiak osatu du 69 orriko Europar Batasuna: Agenda oliba-berdea eta digitala enpresa transnazionalen zerbitzura. Next Generation EU funtsek Hego Euskal Herrian duten inpaktuaren azterketa (2020-2024) txosten... [+]