GuraSOS: “Zaldibar Zubietara dator”
Hondamendia gertatu zen arte, industria-hondakin askoren helmuga Zaldibarko zabortegia zen. Hondakin horiek Zubietako erraustegian erre nahi dira orain. Arantxa Tapia Eusko Jaurlaritzako Ekonomiaren Garapenerako sailburuak emandako baimenaren aurka errekurtsoa jarri du GuraSOSek.
"GHK soilik hiri-hondakinak kudeatzeko gaitutako administrazio-erakundea da eta ez du beste hondakin mota batzuk kudeatzeko eskumenik". GuraSOSen esanetan, Zubietako erraustegia ez da industria-hondakinak tratatzeko azpiegitura egokia. "Udal-hondakinak dira etxeko hondakinak eta beste iturri batzuetatik datozenak, hala nola txikizkako merkataritzatik, administraziotik, hezkuntza-sektoretik, osasun-zerbitzuetatik, ostatutik eta elikadura-zerbitzuetatik eta beren izaera eta osaeragatik etxeko hondakinen antzekoak diren beste zerbitzu eta jarduera batzuetatik datozenak".
GuraSOSen idazkiak Europako Parlamentuaren eta Kontseiluaren 2018/851 zuzentarauari egiten dio erreferentzia. Horren arabera, "baztertuta daude ekoizpenaren, nekazaritzaren, basogintzaren, arrantzaren, eraikuntzaren eta eraispenaren hondakinak, eta hobi septikoak, estolderia-sarea eta tratamendu-plantak, eta halaber bizitza erabilgarriaren amaieran dauden ibilgailuak ere".
Ingurumen Baimen Bateratuaren aldaketa
Zubietan industria-hondakinak erraustu ahal izateko, Ingurumen Baimen Bateratuan (IBB) egokitu nahi dute eta horretarako Eusko Jaurlaritzaren oniritzia behar da. Aldaketa hori ez da txikikeria bat GuraSOSentzat. Aurkeztu duen errekurtsoan dioenez, "aldaketa funtsezkotzat joko da aldaketak isurketak eraldatzen edo handitzen dituenean, kutsatzaile berriak kopuru esanguratsuetan sartzen direnean, edota prozesuan substantzia edo prestakin arriskutsuak sartzen direnean, edo hondakin arriskutsuen sorrera areagotzen denean".
"Plastikoen presentzia handiagoak emisio kutsatzaileak areagotuko ditu"
Europako Eunomia aholkularitza-agentziak egin berri duen txosten baten arabera, errausketak eta hondakin-isurketek berotegi efektuko gasen ugalketan eta airearen kalitatean eragin zuzena dute. GuraSOSek dioenez, "txosten horren arabera, erraustegietara iristen diren hondakin-hondarretan plastikoaren proportzioa gero eta handiagoa da, eta instalazio horien karbonoaren inpaktua handitzen ari da".
GuraSOSek aurkeztu duen errekurtsoan honako hau jasoa dator: "Zuhurtasun-printzipioaren arabera, errekurtso honen xede den aldaketaren bidez hondakin arriskutsuak sartuko dira, eta, horregatik, egitate horrek hondakinak errausteko instalazioaren funtzionamendua aldatzea dakar, hondakin arriskutsuak erraustea baitakar berekin, eta horrek funtsezko bihurtzen du aldaketa". Ontzien errefusetatik eta hondakin-industrialetatik datozen plastikoen presentzia handiagoak emisio kutsatzaileak areagotuko dituztela ziurtzat jotzen du GuraSOSek.
Suhiltzaileek beste sute bat itzali behar izan zuten abenduaren 27an Zubietako erraustegian.
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.