Gurasoek nola eta zenbat erabiltzen dituzten pantailak zuzenean dago lotuta seme-alabek pantailekiko duten harremanarekin
Nerabe batek mugikor, tablet eta pantailei ematen dien erabileran eragin handienetakoa gurasoak direla frogatu du ikerketa batek. Alegia, nahiz eta adin horretan gurasoenganako distantzia bilatu ohi den, pantailekiko garatuko duen harremanean gurasoak oraindik ere eredu direla ondorioztatzen du ikerketak.
Haur eta gazteek mugikorrari (eta orokorrean pantailari) itsatsita igarotzen duten denbora eta zein erabilera egiten duten guraso askorentzat kezka iturri dela argi dago. Gero eta gehiago hitz egiten da mugikorrek haur eta gazteengan sor ditzaketen kalteez eta horietan eskura dituzten sare sozialek, pornografiak eta bestelako edukiek duten eraginaz. Fokua haiengan jartzeaz gain, ordea, helduok egiten dugun erabilera aztertzea da lehenengo pausoa, zer ikusi hura ikasten baitute nerabeek, ikerketa batek berretsi duenez. 12-13 urteko 10.000 estatubatuar lagin hartuta, ikerketak dio gurasoek pantailei ematen dieten erabileraren araberakoa dela seme-alaben jarduna pantailaren aurrean, hein handi batean.
Pantailen erabileran etxean arauak ezarriz gero, adibidez bazkaldu bitartean mugikorrik ez erabiltzea, gurasoek eurek bete behar dituztela dio Jason M. Nagata ikerketaren egileak, El País-en. Alegia, pantailen erabilera osasuntsu baterako irizpide eta mugek ez luketela soilik seme-alabentzat izan behar, etxeko guztientzat baizik.
"Haurrak goizeko ordubatetan Internetera konektatuta izatea gurasoek ez dakitelako edo ez direlako mugak jartzeko gai, arazo bat da"
12-13 urteko gazteek mugikorrean, bideo-jokotan, sare sozialetan… egiten eta egingo duten erabileran eragiten duten beste faktore batzuk ere aipatzen ditu ikerketak. Bazkalorduan edota logelan gauez gailuak erabiltzea, esaterako, lotuta dago erabilera arazotsuagoekin. “Mugak jartzerakoan ari gara huts egiten gehien –dio Maria Zabala adituak–, haurrak goizeko ordubatean Internetera konektatuta izatea gurasoek ez dakitelako edo ez direlako mugak jartzeko gai, arazo bat da; funtsezkoa da ulertzea gauez deskonektatu eta deskantsatu egin behar dela, gailuak itzali behar direla, bai ohera joan aurreko orduan, bai bazkalorduan, eta beste”. Irizpideak, lehen aipaturikoaren ildotik, berdin balio beharko luke helduentzat.
Azterketak nabarmentzen duen beste hutsegite bat da pantailak erabiltzea sari edota zigor moduan, halako estrategiek sortzen dutelako erabilera handiago eta okerrago bat, ezkutuan egingo baitu nerabeak. Adituaren arabera, teknologia normalizatzea da bidea, mugak jarri eta akonpainamendua eginez, heziketaren beste arloetan egiten den bezalaxe.
Gaian sakontzeko: Lehenengo mugikorra noiz, nola eta zein baldintzapean?
Aspaldi pertsona oso zatar bat ezagutu nuen, urrun izatea komeni den pertsona horietako bat. Bere genero bereko pertsonengana zuzentzeko, gizonezkoengana, “bro” hitza erabili ohi zuen. Edozein zapaltzeko prest zegoen, bere helburuak lortzeko. Garai hartatik hitz... [+]
Sare sozialetan badira zenbait pertsona eragin gaitasun handikoak. Jarraitzaile ugari dute, eta euren iritziak egiatzat hartzen dira. Askok, ordea, egia barik, interes propioa edo klase baten interesak iraunkortzea bilatzen dute. Ameriketan komentokrata deitzen zaie. Alegia,... [+]
Ortutik itzuli berritan erabaki nuen Twitterretik alde egitea, oraindik Twitter zenean. Auzolan batera joan nintzen, brokoliak eta azaloreak landatzera, eta mindfulness efektua zapuztu zidan algoritmoak, idazle feminista transgorrotatzaile baten txioak jaurtitzearekin... [+]
Iragana ulertzen saiatzen eta etorkizuna bideratzen, oraina joaten zaigu zenbaiti. Nire proiektuetako bat (hasi baina landu ez dudana oraindik) dudan zuhaitz genealogikoa egitea da. Horretan lagunduko didan liburutxo bat ere erosi nuen. Baina, hain da handia lana, liburutxoa... [+]
Ikerketa bat egin dute Alemanian, hauteskundeen atarian: kontuak sortu dituzte TikToken, X-n eta Instagramen, eta aztertu egin dute algoritmoak zer nolako edukiak erakusten dituen. Guztietan, algoritmoak eskuinera eta eskuin muturrera jotzen du gehien, TikToken nabarmen.
Euskorpora elkartearen eta Euskorpus proiektuaren abiatzeak hautsak harrotu ditu. Pello Otxandiano EH Bilduko Eusko Legebiltzarreko oposizio buruak Euskorpusena akatsa dela uste du, "ezjakintasuna edo estrategia klientelarra". EH Bilduk galdera sorta egin du... [+]
Julen Linazaroso Macsonrisas-eko kideak azaldu duenez, sari-bolek, harrapakin-kutxek eta enparauek bideojokoetan ordu gehiago jokatzea dute helburu. 35 eta 64 urteko pertsonen artean bideojokoen erabilerak gora egin du 2023tik 2024ra, Ipsosek emandako datuen arabera.
Euskorpora elkartearen aurkezpen ekitaldi jendetsua izan da asteazkenean Donostian, eta Euskorpus izeneko egitasmoaren berri eman dute bertan. Euskorpus euskarazko hizkuntza baliabide digitalen banku bat izango da, eta 5 milioi pasa inbertituko ditu Eusko Jaurlaritzak bertan.
Boterea eskuratzeko modu asko dago; denak ez dira politak. Bada boterea eta horrek berarekin dakarren erantzukizuna banatu nahi duenik, agintea bilatzen duenik. Beste batzuek errespetu lar diote eta pauso bakoitza hainbeste neurtuta ez dira gai erabakirik hartzeko. Boterea zer... [+]
Tranbia txiki Arratia Institutuko Guraso Elkartetik pantailen erabileraren inguruko hausnarketa bultzatu nahi dugu ikas komunitatean.
Azkenaldian kezka handia dago ume eta nerabeengan pantailek duten eragina dela eta. Ardura hori etxeko erabileratik eskola eta institutuetako... [+]
Azken boladan gero eta gehiago entzuten dugu gazte askok etxebizitza erosteko ahalmenik ez dugula. Batzuetan, badirudi ez dagoela beste gairik; egia da gai serioa dela. Niri neuri ere, 31 gertu izan arren, oraindik pixka bat falta zait neurea izango den etxebizitza lortzeko... [+]
Irakasleek urtetan pilatutako jakintza kontuan hartzea, klaustroek erabakiak hartzeko autonomia bermatzea, IKTen “uneoroko erabilera” sustatzen duten planak geldiaraztea, eta ikasgeletan aldaketa metodologikoak sartu aurretik dituzten ondorioak tentuz aztertzea... [+]
Teknologien erabilera eztabaidatzen ari dira Eusko Legebiltzarreko Hezkuntza Batzordean, eta horretarako hainbat aditu eta eragile ari dira batzordean beren ekarpena egiten. Ikastetxeetan mugikorra debekatzeko araudi orokorra eskatu duen Altxa Buruako arduradun taldearekin hitz... [+]