Gurasobakarrak, egunerokoan diskriminatuta
Azken adibidea kiroldegian jasan du Amaia Garcia irundarrak. Bi haurren ama da eta seme zaharrena eta bera aspalditik dira kiroldegiko bazkide; txikienarentzat txartela egitera joan denean, familia osoa kide izateagatik dagokion beherapena ukatu diote, existitzen ez den beste gurasoa ez delako bazkide. Gertatutakoa salatu eta kontuak eskatu ostean, Diputazioak berretsi du beherapenerako eskubidea duela. “Familia normalei bezala aplikatuko dizugu beherapena”, esan diote.
Normala ez dena zera da: familia eredu anitzak gero eta ugariagoak diren garaiotan, ditugun arau eta hobari askok aintzat ez hartzea familia tradizionalak ez direnak. Garciak kexua jarri eta lortu du familia tradizionalentzat pentsatuta dagoen beherapena, baina kexaren bideari heltzen ez dion gurasobakarrak ez du aukera hori baliatuko.
Hain justu, haurrak jaio zirenean amatasunari baino ez dagokion baimena izan zuen Amaia Garciak, baina beste gurasobakar batzuek justiziara jo dutenean, bikotekide biei batera dagokien egun kopurua lortu izan dute jaioberria zaintzeko, bestela haurrak tratu diskriminatzailea jasotzen duela ulertuta –pentsa, bi guraso dituen jaioberriaren gurasoetako bat hiltzen bada, beste gurasoari bien gurasotasun baimena dagokio–. Hainbatek, baina, ez du epaitegietara jotzeko baliabide, aukera edota indarrik.
“Oraindik asko dago borrokatzeko”, dio Garciak, eta kontatu digu berak bezalaxe bi seme-alaba dituzten familietan, bikotekideetako bat alargun geratzen bada familia ugaritzat joko dela automatikoki; bi seme-alaba eta guraso bakarra dituen familia ordea, ez da familia ugaria. Zer zentzu du?
Bizi dituzten ageriko egoera diskriminatzaileak salatu eta euren eskubideak aintzat har ditzaten epaitegietara eta erakundeetara jo beharrean, familia tradizionalaren eskematik haragoko lege eta irizpide administratiboak eskatu ditu irundarrak.
Udako oporrak gainean, non dagoen uneoro jakiteko erloju adimenduna erosi diozu seme-alabari? Ez duzu bakarrik uzten, arduraz jokatuko ez duen beldurrez? Egungo belaunaldi gaztea inoizko kontrolatuena dela diote The Guardianen, eta dagoeneko adinez nagusi diren heldu... [+]
DBH 3 eta 4. mailako ikasleek datorren ikasturtean beharko dituzten ikasmaterialak diruz lagunduko ditu Eusko Jaurlaritzak lehenengo aldiz, EHIGE Euskal Herriko Ikasleen Guraso Elkartearen aldarrikapen historikoari erantzunez. Seme-alabak maila horietan dituzten familiek, beraz,... [+]
Irati Mogollon soziologoak (Lezo, 1991) hausnarketa saioa bideratu du asteazkenean Laudioko Lezeaga Aretoan. Zaintzaren antolakuntzari buruz hausnartu eta etorkizunera begira jartzea proposatu du, bai jendarte moduan zein banaka.
Matriarkatuaz doktore tesia egina da Anne-Marie Lagarde eta, gurean, gaiari buruzko espezialista egina da. Batean prima, bestean kadet, gure herrietako matriarkatua zertan zen deskribatu eta interpretatu digu, munduan diren formula matriarkalen berri emanez, eta bere historia... [+]
Gurean ere agerikoa den errealitatea islatzen dute Kataluniako datuek: guraso elkarteetan, eskolako bilera eta zereginetan, gurasoei zuzendutako tailerretan… emakumeak dira gehiengoa. “Haurrak heztearen funtzioa amek hartzen dute eta sentsazioa dute gainezka... [+]
Sare sozialetan etxe barruko egunerokoa erakusten duten familiak eta Interneteko erakusleiho erraldoian jolasten, makillatzen edo dantzan jartzen dituzten haurrak milioiak mugitzen dituen negozio bilakatu dira dagoeneko. Adin txikikoak babestuko dituen legedia eskatzen du batek... [+]
Sakanako pertsona zaharrei babesa emateko proiektu pilotua da Teknoadineko Landab. Bizilagunen parte hartzea “funtsezkoa” dela nabarmendu du Nafarroako Gobernuak.
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
Zizurkilen gora da Fraisoro, espositoen etxea. Han da oraindik haur abandonatuak jasotzen zituzten eraikina. Ehun urte baino gehiago dira inklusa eraiki zutenetik, eta hamarkada ere badarama gaia lantzen Eva María García Magriñá ikerlariak. Iraganera... [+]
Gizarte Segurantzak baimendutako hamasei asteen laguntza osagarri gisa planteatu du Eusko Jaurlaritzak bi asteko luzapena. 2019tik sektore publikoko langileek baimena eskuratzeko aukera dute.
Bizitza Zaintzeko izenpean, ekonomia soziala ardatz duen irabazi asmorik gabeko elkarte bat sortu dute etxez etxeko sei langilek, Urola Kostan (Gipuzkoan). Ideia sinplea da: enpresen irabaziak langileen esku uztea. Merkatuaren prezioak mantenduko dituzte; hau da, erabiltzaileek... [+]
Orain arte kudeaketa zeraman enpresa pribatuarekin kontratua eten eta Patronatuko Batzordeak erabaki du Zaintza Lanak SL udal enpresa publikoren esku uztea egoitza. Eraikinean obrak egingo dituzte eta egoiliarrentzako lekua murriztuko dute eraberritze lan horien ondorioz.
