Gune belikoak memoria eta elkarbizitzarako gune bilakatuko ditu Nafarroako Gobernuak
Memoria eta elkarbizitzarako gune bilakatu nahi dituzte Nafarroako eskenatoki belikoak. Horretarako abian jarriko du Gobernuak MEMSITE 1936-2016 proiektua Europako zenbait herrialderekin batera.
Memoria eta elkarbizitzarako gune bilakatu nahi dituzte Nafarroako eskenatoki belikoak. Horretarako abian jarriko du Nafarroako Gobernuak MEMSITE 1936-2016 proiektua. Esperientziak izanen dira abiapuntua. Gerra Zibileko, Bigarren Mundu Gerrako eta Balkanetako Gerrako testigantzak baliagarri izanen dira errespetuan, bakean eta giza eskubideetan oinarritutako baloreetan jarduteko.
Nafarroarekin batera, Espainiako, Alemaniako, bosniako eta Frantziako espererientziak izanen dira nagusi proiektu horretan.
Memoria bizia eta aktibo mantentzeko lana izanen dela nabarmendu du Bake eta Elkarbizitzako zuzendari Alvaro Baraibarrek. Hala, Nafarroan fokoa Sartagudako Memoriaren Parkean jarri du. Baina baita, Erorien Monumentuan edo Ezkabako Gotorlekua ere. Horietan memoria historikoa nola landu daitekeen aztertzeko baliatuko dute MEMSITE proiektua.
Europa mailako esperientziak konpartitzeko aukera izanen da egitasmo horren bidez eta hala, Nafarroak proiektu propioak jarriko ditu martxan abiapuntu hori aintzat hartuta. Hausnarketarako bide emanen du, gizarte bidezkoagoak sortzeko aukera eta Europan memoria historikoa garatzeko politikak egiteko neurriak planteatuko dira.
Memoria eta elkarbizitza, ardatz
Irailean jarriko da martxan MEMSITE eta urtebetez ariko dira lanean. Haurnarketarako eta parte hartzerako jardunaldiak antolatuko dituzte, horietatik lau Nafarroan izanen dira eta gainerakoak beste herrialdeetan. Horrez gain, urte osoan erakusketak, dokumentalen proiekzioak eta bisita gidatuak izanen dira. Elkarlana ere sustatuko du MEMSITEk: gizarte eragileekin, unibertsitateekin eta oro har herritarrekin eginen baitu lan.
Oharra: Albiste hau Euskalerria irratiaren webgunetik ekarria da Creative Commons lizentzia libreei esker.
Abuztuaren 5ean emango dio domina zentroari Gasteizko Udalak, eta abuztuaren 2rako elkarretaratzea eta prentsaurrekoa deitu du Memoria Osoa plataformak. Martxoak 3 elkarteak salatu du “planteamendu diskriminatzailea” eta “irakurketa partziala” egiten... [+]
Otxandioko bonbardaketaren erantzule nagusietako bat da Angel Salas Larrazabal urduñarra. Hortaz, herritarren aurka Euskal Herrian eginiko lehen bonbardaketan parte hartu zuen.
1936an fusilatu zuten frankistek, une horietan Arabako diputatua zela, eta herriko beste 42 fusilatuen hilobian bertan sartu zituzten Manuelen gorpuzkinak.
Antonia Manot hil da 95 urte bete berritan, bere seme Diego Paredesek sare sozialetan jakinarazi duenez.
Gurasoak hilik, etxeko ganbara husteari ekin zioten
seme-alabek. Hainbat gauzaren artean, koaderno eta paper sorta, argazkiak eta nahi beste agiri. Bego Ariznabarreta Orbeak aita aspaldi zenduaren gerrako memoria harrigarriak zurian beltz irakurri, eta jabetu zen altxorraz,... [+]
Aurten ere, uztailaren 8an, astelehenean gogoratuko dute German Rodrigez haren omenezko oroitarriaren alboan. 13:00etan izanen da: aurreskua lehenbizi, Mikel Lasarteren bertsoak gero eta La Furia eta Fermin Balentziaren emanaldiak bukatzeko. Iluntzean, Peñak, isilik eta... [+]
Naiz.eus-ek aurreratutakoaren arabera, 2004ko martxoan Espainiako polizia batek eta bere semeak erail zuten Angel Berrueta eta bere alargun zein seme alabek, Nafarroako Gobernuaren aitortza ofiziala jasoko dute, indar polizialen indarkeriaren biktima moduan.
1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]
Nafarroako Torturatuen Sareak jakinarazi du hemeretzi biktima berri onartu dituela Nafarroako Gobernuko Aitortza eta Erreparaziorako Batzordeak, horietariko bost 2005-2011 urte artean torturatu zituzten Mikeldi Diez, Iker Aristu, Oihan Ataun, Garbiñe Urra eta Mikel... [+]
Alesbesekoa jaiotzez, Saratxon bizi zen Unión Republicana alderdiko kidea, bere emaztea hango maistra baitzen. 1936ko irailean erail zuten frankistek eta ostiralean lortu zuten bere gorpuzkinak identifikatzea.
Hari buruzko aipamenik apenas iritsi zaigu historia liburuetan, baina Jesús Carrera Olascoaga (Hondarribia 1911 – Alcala de Henares 1945) Espainiako Alderdi Komunistaren idazkari nagusi izatera iritsi zen. Frankistek atxilotu, torturatu eta fusilatua, bere... [+]