Guardia Zibilek ukatu egin dute Compains torturatu izana
Lau Guardia Zibileko agentek ukatu egin dute Eneko Compains torturatu zutenik. Asteazken honetan deklaratu dute Nafarroako Auzitegian, 2010eko polizia operazioaren ostean Compainsek salatutako tratu txarrengatik.
Duela zortzi urte atxilotu eta inkomunikatu zuten Compains, Ekinen aurkako polizia-operazio batean. Atxilotuta egon zen bitartean torturatu egin zutela salatu zuen Compainsek eta asteazken honetan deklaratu dute horregatik lau Guardia Zibileko agentek.
Naiz-ek argitaratu duenez, epailearen aurrean testigantza eman duten lau guardia zibilek ukatu egin dituzte tratu txarrak, kolpeak eta mehatxuak, baita poltsa baten bidez atxilotuta zegoen Compains itotzeko ekintzak ere.
Gainera, Guardia Zibilek esan dute ETAren estrategia dela “salaketa faltsuak” jartzea. Lau agenteek ez diote erantzun Compainsen abokatuaren galderei.
Hasiera batean, salaketa artxibatzeko agindu zuen Nafarroako Auzitegiak, baina Espainiako Auzitegi Konstituzionalak bertan behera utzi zuen erabaki hori. Konstituzionalaren arabera, Compains indefentsio egoeran utzi zuen Nafarroako epaitegiak eta, ibilbide judizial horren ostean irisi da gaurko saioa.
Epaitegira sartu aurretik, elkarretaratzea egin dute atarian. Pankarta batek “Tortura, itzaletik argira” lema erakutsi du eta Compainsek berak prentsarekin hitz egin du. Azaldu duenez, ETAren zikloa amaitzear dago eta indar politiko guztiak ari dira ezker abertzaleari ardurak hartzeko eskatzen. Baina, Compainsen esanetan, “hemen indarkeria anitz izan da” eta nabarmendu du PPk eta PSOEk tortura kasuekin duten ardura.
Tortura “independentismoaren aurka” erabilitako indarkeria izan dela adierazi du eta EAJk ere baduela, “maila txikiagoan” ardurarik, Ertzaintzak torturatutako jendearengatik.
Eusko Jaurlaritzak torturaren inguruan egindako txostena ere aipatu du eta alderdiei eskatu die lan egin dezaten dokumentu horrekin, torturatuek “aitortza publikoa” izan dezaten.
Altsasuko Iortia Kultur Guneko Areto Nagusiaren harmailak jendez beteta zeudela egin da asteazkenean Arg(h)itzen dokumentalaren estreinaldiko emanaldia. Torturak Sakanan utzi duen aztarnaren kontakizuna da film hau, eta egun aproposa aukeratu dute lehen aldiz publikoki... [+]
Nafarroako Torturatuen Sareak jakinarazi du hemeretzi biktima berri onartu dituela Nafarroako Gobernuko Aitortza eta Erreparaziorako Batzordeak, horietariko bost 2005-2011 urte artean torturatu zituzten Mikeldi Diez, Iker Aristu, Oihan Ataun, Garbiñe Urra eta Mikel... [+]
Presoak lotuak dituzte etengabe, pixoihalak jantzita eta jipoiak jasotzen. Hamaseko kideak diren susmopean ehunka pertsona bahituak dituzte sionistek, The Guardianen iturrien arabera.
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Tarteka bizitzak ekarrarazten dizkizu ahaztuta nahiko zenituzkeen oroitzapenak. Xafan-ekin geratu naiz gaur kafea hartzeko, Xabier Mendigurenen Oso latza izan da liburuari buruzko solasaldia dugulako gero, eta konturatu naiz inoiz ez diodala ezer galdetu aztnugal hitzarekin... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.
.jpg)
Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]
1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]
Zazpi urtez landu ondoan, bere tesia aurkeztu du Pauline Guellek, zuzenbide publikoan doktore bilakatuz. Urte luze hauetan "torturaren zigorgabetasuna" landu du, Euskal Herriaren adibidea hartuz, Francoren garaitik 2022 urtera.
Espainiako Polizia Nazionalaren 200 urteurren ekitaldia egin dute Gasteizen larunbatean. Polizia Nazionalak Betoñun edo Olagibel kalean bere egoitzetatik kanpo, kalean, ekitaldi publiko bat egiten duen lehen aldia da azken urteetan. Bertan izan dira, besteak beste, Maider... [+]