Guardia Zibilaren errepide kontrolek justifikaziorik ez dutela dio Jaurlaritzak
Eusko Jaurlaritzak “terrorismoaren” aitzakian egiten diren errepide kontrolak bertan behera uzteko eskatu dio Espainiako Barne Ministerioari. Operazio horiek ez dutela “justifikazio polizialik” eta “herritarren ondoez-iturri” bihurtu direla adierazi du Jaurlaritzako Segurtasun Sailburuordetzak.
Kontrol horiek “beharrezkoak ez diren eskemak” errepikatzen dituztela adierazi dio Jaurlaritzak Ministerioari bidalitako kexan, El Paisen irakur daitekeenez. Gaineratu du aurretiko abisurik gabe ezartzen direla eta kexaka deitzen dieten herritarren bitartez izaten dutela operazioen berri.
Uztailaren 15, 28 eta 31n egindako operazioek herritarren haserre hori areagotu dutela azaldu du Jaurlaritzak, EAEn jai egunak diren egunetan. Lapurditik Ipar Euskal Herrira edo Frantziara joan nahi duten herritarren aurrean “irudi txarra” ematen dela adierazi dute.
“Kontrolak badaude, behintzat gardentasuna egon dadila hauen arrazoien inguruan”, dio Segurtasun Sailburuordetzak eta zehaztu du drogen aurkakoak eta kontrol bereziak ez dituztela ezbaian jartzen.
“Lekuz eta denboraz kanpo”
“Kontrol antiterroristak lekuz eta denboraz kanpo” daudela esan du Josu Zubiaga Segurtasun sailburuordeak SER irrati katean egindako elkarrizketan. Iragan martxoan, Andoni Ortuzar EAJk buruak ere “behin terrorismoa desagertuta, bata bestearen ondoan, milaka polizia izatea” zentzugabekotzat jo zuen.
Barne Ministerioak ez du adierazpenik egin gaiaren inguruan. Hala ere, Espainiako Gobernua terrorismoaren aurkako operatiboak murrizten has daiteke eta datozen hilabeteetan, 200 eskolta inguru herri-segurtasuneko lanetara itzuliko dira.
Ertzaintzan ere irailean antzeko berrantolaketa izango dela esan du Zubiagak. Kopurua murriztuko ez duten arren, zerbitzuak gutxitu eta pertsonal eskoltatua soilik errepresentazio instituzionalean mantenduko dela jakinarazi du.
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
Guardia Zibilak 18.000 euro baino gehiago bideratu ditu aurten kautxuzko bolak erostera, "istiluen kontrako" materialaren barruan. Itsas Armadak, berriz, gomazko 1.500 pilota erosiko ditu. Poliziak erabiltzen dituen bitartekoak erregulatzen dituen araudia ez da... [+]
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu... [+]
Azken hamarkadetan, bi estatuetako indar armatuen jardun nagusiak errepresioa eta zapalkuntza izan direla salatu dute eta azpimarratu dute haien presentzia ez dela beharrezkoa. Ekainaren 22an izango da Fan Hemendik Eguna Oñatin.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Ceutako Tarajal hondartzan hamalau lagun hil zituzten duela hamar urte, itsasoz igeri Europara iritsi nahian, guardia zibilen eta Marokoko polizien tiro artean. Haien senide eta lagunek urteurrena baliatu dute justizia eskatzeko, auzia oraindik epaitegietan baita. Justizia... [+]
Duela 10 urte Ceutako Tarajal pasabidean 14 pertsona hil zituzten, itsasoz igeri Europara igaro nahian zebiltzala guardia zibilak haien kontra oldartu ostean. Geroztik Duintasun Martxa egin dute urtero, eta ekimen horretako Bilboko taldeak sarraskiaren eta “mugako... [+]
Auzitegi Nazionalak Marlaska ministroa derrigortu du guardia zibila mailaz igotzera. Kargugabetu egin zuen 2018an, "konfiantza falta" zela eta. Sánchez Corbík errekurtsoa jarri zuen erabakiaren aurka, eta Auzitegi Nazionalak babestu egin du. Kepa... [+]
Ostegunean eta ostiralean Genevan (Suitzan) aztertuko dute ea Espainiako Estatuak gaiari dagozkion baldintzak betetzen dituen ala ez. Egiari Zor, Giza Eskubideen Behatokia eta Sarek “aurrerapenak” daudela azaldu dute.
"Larunbatean Gladys gogoratu eta borrokan jarraitzeko gogoak ditugula ospatzeko bilduko gara", adierazi dute antolatzaileek.
“Ikertzen ez bada, ezinezkoa da ebazpen judizialik egotea eta norbait inputatzea". Hitz horiexekin erantzun zion Lourdes Zabalza Mikel Zabalzaren arrebak Fernando Grande-Marlaska Espainiako Gobernuko Barne Ministroari, honek Senatuan Arturo Espejo Guardia Zibila inoiz... [+]
Mikel Zabalza Gogoan ekimenak Espainiako Estatuari leporatu dio tortura saritzea. Arturo Espejo Intxaurrondoko tenientea zen orbaizetarra torturatu eta hil zutenean, eta gaur egun Guardia Zibileko teniente jenerala da.
Arturo Espejo Teniente Jenerala 2022an Laguntza Aginteko buru izendatu zuen Marlaskak. Guardia Zibilaren buruzagitzako lau kideetako bat da.
1990eko ekainaren 25ean, Irunberrin ETAko bi kide hilda agertu ziren. Suizidioa izan zen bertsio ofizialaren arabera, baina beste bertsioak dio Guardia Zibilak torturatu eta hil egin zituela. Gure Bazterrak memoria taldeak eta Pako Aristi idazleak ikerketa jarri zuten martxan... [+]