Guardia Zibil baten emaztearen bertsioa gezurtatzen duen argazkia
Altsasuko gazteen aurkako epaiketan, asteartean Guardia Zibileko teniente baten emazteak –Maria Jose izenekoa–, behin baino gehiagotan adierazi zuen auzipetuetako bat, Adur Ramírez de Alda, kamiseta gorriz jantzita zegoela erasoak gertatu ziren gauean. Altsasuko gazteen gurasoek igorri duten argazki honetan argi ikusten da hori ez dela egia.
Altsasuko Koxka tabernan erasoak gertatu ziren gaueko argazki bat zabaldu dute Altsasuko Gurasoek. Argazki horretan agertzen da Adur Ramírez de Alda, egun espetxean den hiru auzipetuetako bat, bere koadrilarekin herriko soziedade batean.
Asteartean Espainiako Auzitegi Nazionalean deklaratu zuen erasoa jaso zuen guardia zibiletako baten emazteak eta han behin baino gehiagotan aipatu zuen Ramírez de Aldak "gorri koloreko kamiseta" bat jantzita zeramala. Adibide honen bitartez atzo deklaratu zuten guardia zibilen bertsioa ez dela egiazkoa salatu nahi izan dute. Defentsako abokatuek argazkiok froga gisa erabiliko dituzte epaiketan.
2016ko urriaren 15eko Altsasuko Koxka tabernan gertatu zen epaitzen hasi dira apirilaren 16an Madrilgo San Fernando de Henareseko Auzitegi Nazionaleko Zigor Aretoan. Zortzi dira inputatutakoak, eta horietako hiru espetxean izan dira orain arte. Fiskalak 62 urte eta sei hilabeteko espetxe zigorra eskatu du Oihan Arnanzentzat, 12 urte eta erdikoa Ainara Urquijorentzat eta gainerako seirentzat 50na urtekoa.
Orain arte epaiketak emandakoari buruzko kronika idatzi du Xabier Letonak.
Altsasuko kasuaren inguruko informazio guztia kanal honetan jaso dugu: www.argia.eus/altsasuko-gazteak
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
