Guantanamoko atxiloketa gunea ez dute itxiko, eraberritzeko proiektua lantzen ari dira
AEBek Kuban daukaten Guantanamoko espetxea berreraiki egingo dute. 2019. urteko Pentagonoaren aurrekontuetan 68,96 milioi dolar aurreikusi dituzte. Kopuru hau herrialde hartako Kongresuak baieztatu behar duen arren, agerian geratzen da tortura zentro polemikoa ixtetik urrun daudela.
Azpiegitura berri honen helburua egun Guantanamon daukaten espetxea ordezkatzea izango da. Gaur egun inolako epaiketarik egin gabe 49 preso dauzkatela irakur daiteke Pagina 12 egunkarian, besteren artean, Jalid Sheij Mohammed 2001eko irailaren 11ko atentatuen ustezko buruetako bat.
"Egungo espetxea hondatuta dago eta honen ordez goi mailako beste atxiloketa zentro bat egiteko proposamena daukagu. Armadaren 2019ko aurrekontuetan partida bat sartu dugu, bere planifikazio eta diseinua egiteko", adierazi du Sarah Higgins, AEBetako Defentsa Departamentuko bozeramaleak.
Erabaki hau erabat kontrajarria da 2009. eta 2017. urte bitartean AEBetako presidente izan zen Barack Obamak esandakoarekin. Presidente kargua lortu berritan, adierazi zuen Guantanamoko espetxea ixteko asmoa zuela. Hala ere, zortzi urte agintean egin ostean, irekita jarraitzen du eta egun Donald Trump da presidentea.
Azken honek kargua hartzearekin batera ondorengoa adierazi zuen: "Iraganean modu txoroan terrorista arriskutsuak askatu izan ditugu eta gero gudu zelaian aurkitzen ditugu berriro (...). Defentsa idazkari Jim Mattisi zuzendutako agindu bat sinatu berri dut, eskatuz gure atxiloketa militarreko politika berraztertzeko eta Guantanamoko atxilotze zentroa irekita mantentzeko".
Baldintza negargarriak
Guantanamoko presoak bizi baldintza txarretan daudela salatu izan dute mundu mailako erakunde ugarik. Espetxe honetara eramaten lehenbiziko presoetakoa izan zen Moath al-Alwi Yemengo herritarraren "Nire bizitza Guantanamon" idatzia ezagun egin zen. Presoek, hori salatzeko gose grebak ere egin izan dituzte eta indarrez elikatu zituzten.
Guantanamori zuzendutako ARGIAren kanalean informazio gehiago topatuko du irakurleak.
Guztira, 40 preso daude oraindik Guantanamoko kartzela militarrean. Espetxe honetan eduki izan dituzten preso askok gerora salatu dute torturatu egin zituztela.
Duela egun gutxi arte AEBetako presidente izan den Barack Obamak Leonard Peltier aktibista indigenari zigorra barkatzeko aukera ez du baliatu, Democracy Now!-k jaso duenez. Peltier biziarteko bi espetxe zigorretara kondenatu zuten ustez 1975ean Hego Dakotako Pine Ride indiar... [+]
AEBetako Senatuaren Inteligentzia Batzordeak 100 orri baino gehiago dituen txosten bat zabaldu du, CIAk azken zazpi urteotan egindako torturen berri emanez. Bushen tortura programari buruzko informazio asko ageri da bertan, orain arte ezezaguna zena.
CIAren galdeketetan torturekin bukatzeko eskatzen duen dokumentu bat sinatu dute hamabi Bakearen Nobel saridunek.
Barack Obama AEBetako presidenteak adierazi duenez 2014ak izan beharko luke Guantanamo itxi eta Afganistandik militarrak ateratzeko urtea. “Etengabeko guda egoeratik aldendu beharko lirateke AEBak”, azaldu du presidenteak.
noiz itxiko zain
Bost urte dira Barack Obamak Guantanamoko atxiloketa gunea ixteko eskatu zuela, baina irekita jarraitzen du. 2009ko urtarrilean sinatu zuen AEBetako presidenteak Guantanamoren itxiera agindua eta urtebeteko epean gauzatua egon behar zuen.
Otsailean hasi zen gose greba AEBek Kuban daukaten atxilotze-eremuan, eta presoen bi herenek parte hartu izan dute. Guztira 166 preso daude Guantanamon eta oraindik horietatik 60k gose greban jarraitzen dute.
Guantanamora 2002an preso eraman zuten Moath al-Alwi Yemengo herritarra. Bertara eramandako lehenengotariko presoa da, eta gose greban dago.
Guantanamoko espetxeko presoek urte hasieran hasitako gose grebak 150 egun bete ditu. 106 presok jateari utzi zioten otsailean, guardiek objektu pertsonalak kentzen dizkietela eta legez kanpoko erregistro umilagarriak pairatzen dituztela salatzeko.