Greziaren zorra auditatzen duen batzordeak aurkeztu du lehen txostena
Asteazkenean, ekainak 17, aurkeztu du bere lehen txostena Greziaren zorraren auditoria egin duen batzorde bereziak. Edukiaren laburpena ATTAC erakundeak ingelesez aurreratu du: "Executive Summary of the report from the Debt Truth Committee". Asteazken goizean batzordeko kide ezagunenetakoa den Eric Toussaint belgikarrak parlamentuari aurkeztu dizkio lehen ondorioak, entzule zituela Tsypras eta gobernuko ministroak.
Martxoan sortu zuen Atenaseko parlamentuak Greziako eta mundu osoko adituz osatutako batzordea, ofizialki Greziaren Zorraren Egiaren batzordea deitzen dena eta erabaki behar duena ea herrialde horren zor erraldoiaren zain atal eta zenbat diruri dagozkienak dira ez onargarriak.
Toussaintek aurkeztu duen auditoriaren aurrerapen honetan, zortzigarren atalean zehaztu dituzte Greziak daukan zor itzelaren zein osagai jo behar diren ezin onartuzko. Nazioarteko Diru Funtsaren maileguak ez legitimotzat jo dituzte, ez NDFaren barne araudiak eta ez Greziako legeria aintzat hartu gabe onartutakoak direlako. Bigarrenik, Europako Banku Zentralaren maileguak ez legitimoak omen dira aurrez prestatutako ajuste programetan oinarritu zirelako eta Europako banku pribatuei Greziako zorretan zeuzkaten inbertsioak arintzeko antolatu zirelako. Hirugarrenik Europako Finantzen Egonkortasunerako Funtsarekin (European Financial Stability Fund EFSF) hitzartutako zorrak ere ez legezkoak dira batzordearentzako, Europaren barne araudiak eta Europan bezala Grezian oinarrizko giza eskubidetzat jotako legeak urratzen omen dituztelako. Orobat, azkenik, ez legezkoak omen dira itun bilateralen edo mailegu pribatuen bidez onartutako zorrak.
Azken pasarte honekin bukatzen da Zorraren Egiaren Batzordeak aurkeztu duen txostena:
Herritarren duintasunak balio handiagoa du ez legezkoa, ez legitimoa, gorrotagarria eta ezin jasana den zorrak baino
Ikerketaren lehen zatia bukaturik, Batzordeak uste du Grezia izan dela eta oraindik ere dela Nazioarteko Diru Funtsak, Europako Banku Zentralak eta Europako Batzordeak aurretik pentsatu eta antolatutako eraso baten biktima. Lan bortitz, ilegal eta inmoral horren helburu bakarra zen zor pribatuak sektore publikora pasatzea.
Lehen txosten hau Greziako agintarie eta herritar greziarren esku jarrita, Batzordeak uste du bere lanaren lehen partea bete duela, 2015eko apirilaren 4an Parlamentuko presidenteak agindu bezala. Batzordeak espero du txostena baliagarri izatea nahi dutenei austeritatearen logika suntsikorretik atera eta eustea oraindik arriskuan dagoenari: giza eskubideei, demokraziari, herritarren duintasunari eta ondorengo belaunaldien etorkizunari.
Neurri bidegabe horiek inposatzen dituzten horiei, Greziako herriak erantzun diezaieke Tukididesek Atenasko jendeen konstituzioaz esan zuenarekin: "Izenari dagokionez, demokrazia deitzen zaio, zeren eta administrazioa eramaten baita pentsatuz gehienen interesetan eta ez gutxi batzuenetan" (Periklesen Hileta Otoitza, Tukididesek 'Peloponesoko Gerren Historia'n bildua).
[P.S.] ELA sindikatuak zabaldu duenez, Zorraren Egiaren Batzordearen aurkezpen bilkuran, Atenasko Parlamentuan, Mikel Noval sindikalista euskalduna ere mintzatu da.
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]
Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]
Berdinen arteko ezkontza legeztatzen duen lehenengo herrialde kristau ortodoxoa da.
Ez naiz Greziako Lesbosetik itzuli zaharra. Bertan, Mitilene-n, Zaporeak Elkarte euskaldunak 2.700 asilo eskatzaile ingururi egunean otordu bat eskaintzen die: arroza eta potajea, pita ogia eta fruta ale bana. Duintasunaren muga, 150 gramo errazioko. Arazoa da Kara-Tepeko... [+]
Egunean hamahiru ordurainoko lanaldiak eta sei eguneko lan asteak; alegia, 78 ordurainoko lan asteak. Horiexek dira Greziako Gobernuak, azken lan erreformaren barruan, legeztatu dituen gehienezko lan orduak. Aurreko ostiralean onartu zuten Kyriakos Mitsotakis lehen ministroak... [+]
Greziako Gobernuak ostegunean egingo du lege-proposamena Legebiltzarrean. Hamahiru orduko lanaldia legeztatzeaz gain, greba eskubidea ere urratu nahi du.
Tenperatura altuek eta lur eremu lehorrek eragin dituzte suteak asteartean. Ondorengo herrialdeak izan dira kaltetuenak: Kroazia, Aljeria, Tunisia, Siria, Italia, Grezia eta Frantzia. Azken orduetan, Portugalen eta Kanariar Uhartean ere zabaldu dira suteak.
Inoiz erregistratu diren tenperatura altuenak ekarri ditu bero-boladak, eta horrekin batera baso suteen arriskua areagotu da.
Gehiengo osoa lortu du Demokrazia Berria alderdi kontserbadoreak. Eskuin muturrak gora egin du, Espartarrak buru dituela eta Syrizaren "begi bistako porrota" aitortu du Alexis Tsiprasek. Abstentzioa %47,18koa izan da.
Titanic itsasontzia ikustera joan ziren turistek itsasoan galduta jarraitzen dute. AEBek eta Kanadak sekulako operazioa jarri dute martxan haiek erreskatatzeko. Greziako uretan, ordea, gutxienez 80 errefuxiatu topatu dituzte hilda, eta gutxienez 500ek jarraitzen dute desagertuta.
BBCk jaso duenez, asteazken goizean itsasontzia ez zen mugitu azken zazpi orduetan; kostazainek esan zutenaren arabera, ordu horietan Italiara bidean zihoan itsasontzia. Bederatzi atxilotuek gaur fiskaltzaren aurrean deklaratu beharko dute.
