Greziako Poliziak indarrez hartu du Atenaseko Exarchia auzoa
Auzoa ezaguna da duen izaera errebeldeagatik, eta hargatik eskuindar gobernu berriaren miran izan da hasieratik. ND Demokrazia Berriak hausteskundeak irabazi zituela bi hilabete bete ez diren honetan, indar armatuek Exarchia kolpatu dute.
Kyriakos Mitsotakis lehen ministroak hauteskunde kanpainatik dihardu Exarchiaren hustea ahotan hartzen, eta uztaila erdialdera auzoa erasotzeko estatuaren plana prest egotetik gertu zela iragarri zuten ordena publikoko ministro Michalis Chrysochoidisek eta presondegietako politiken arduraduna den Lefteris Economou ministroak. Ordutik, Alasbarricadas.org atariak jakinarazi zuenez, auzoa autodefentsarako prestatzen aritu da.
Atenaseko droga eta arma trafikoak Exarchia dutela jatorri, hori izan da erresistentzia eredu den auzoan indarrez sartzeko gobernuak erabili duen aitzakia. Argudio horrekin, okupatutako eraikinen hustutzea iragarri izan dute, beren arabera drogak, armak eta borrokarako materiala aurkitzeko. Esan eta egin, abuztuaren 26ko astelehen goizean indarrez sartu dira auzoan.
Yannis Youlountas-ek Alasbarricadas bidez emandako informazioaren arabera, polizia indar erakustaldi betean sartu da auzoan: istiluen aurkako polizia (MAT), polizia antiterrorista (OPKE), krimenaren aurkako unitate motorizatuak (DIAS), polizia sekretua (asfalitas), helikoptero bat eta drone ugarik hartu dituzte Exarchiako kaleak. Sarekada lau espazio okupatutara bideratu dute lehen orduetan: Spirou Trikoupi 17, Tránsito, Rosa de Foc eta Gare eraikinetan sartu eta jendea kanporatu dute. Ostean, Notara 26 eraikinera jo dute. Youlountasen hitzetan, azken hau da auzotarrentzako gune garrantzitsuena sinbolikoki, errefuxiatuen krisiaren testuinguruan okupatutako lehena izateagatik. Migratzaile asko hartu ditu ordutik auzoak, eta hori gobernuak auzoa husteko erakutsi duen interesa ulertzeko beste faktore garrantzitsuetako bat litzateke.
Asteleheneko sarekadaren harira Greziako Poliziak emandako datuen arabera, 143 errefuxiatu kanporatu dituzte okupatutako eraikinetatik. Poliziaren autobusetan sartuta, herrialdean duten egoera zein den argitzeko asmoz auzotik eraman dituzte. Asko deportazio arriskuan egotera igaro dira, eta informeek diotenaren arabera, gehiengoak asiloa eskatu du. Hamabost bat haur baldintza eskasak dituzten akanpalekuetara bideratu dituztela azpimarratu du Youlountasek.
AMNA berri agentziak emandako informazioaren arabera, 100 pertsona inguru atxilotu dituzte goizean. Salatu dutenez, soilik hedabide nagusiei ari dira auzora sartzen uzten.
Exarcheiarekin elkartasuna adieraziz zabaldutako mezuak ugarituz doaz egunak aurrera egin ahala. Poliziaren jazarpena errefuxiatuak kanporatu eta mugimendu anarkista kolpatzeko estrategia gisa irakurri du askok.
🔴Solidaritat amb #Exarchia
Amb l'objectiu d'expulsar les refugiades i d'aixafar el moviment anarquista, l'Estat grec ha iniciat l'assalt contra Exarchia.
🔥Visca la resistència d'Exarchia!
🏴Mort a l'Estat! pic.twitter.com/AbMaDlVUOC
— Batzac - Joventuts Llibertàries (@Batzac_JL) August 26, 2019
Gutxienez 10.000 hektarea kiskali dira Atenasetik gertu, eta dozenaka etxe eta enpresa kiskali dira, EFEk jaso duenez. Greziako Gobernuak suteei aurre egiteko laguntza eskatu dio Europar Batasunari.
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]
Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]
Berdinen arteko ezkontza legeztatzen duen lehenengo herrialde kristau ortodoxoa da.
Ez naiz Greziako Lesbosetik itzuli zaharra. Bertan, Mitilene-n, Zaporeak Elkarte euskaldunak 2.700 asilo eskatzaile ingururi egunean otordu bat eskaintzen die: arroza eta potajea, pita ogia eta fruta ale bana. Duintasunaren muga, 150 gramo errazioko. Arazoa da Kara-Tepeko... [+]
Egunean hamahiru ordurainoko lanaldiak eta sei eguneko lan asteak; alegia, 78 ordurainoko lan asteak. Horiexek dira Greziako Gobernuak, azken lan erreformaren barruan, legeztatu dituen gehienezko lan orduak. Aurreko ostiralean onartu zuten Kyriakos Mitsotakis lehen ministroak... [+]
Greziako Gobernuak ostegunean egingo du lege-proposamena Legebiltzarrean. Hamahiru orduko lanaldia legeztatzeaz gain, greba eskubidea ere urratu nahi du.
Tenperatura altuek eta lur eremu lehorrek eragin dituzte suteak asteartean. Ondorengo herrialdeak izan dira kaltetuenak: Kroazia, Aljeria, Tunisia, Siria, Italia, Grezia eta Frantzia. Azken orduetan, Portugalen eta Kanariar Uhartean ere zabaldu dira suteak.
Inoiz erregistratu diren tenperatura altuenak ekarri ditu bero-boladak, eta horrekin batera baso suteen arriskua areagotu da.
Gehiengo osoa lortu du Demokrazia Berria alderdi kontserbadoreak. Eskuin muturrak gora egin du, Espartarrak buru dituela eta Syrizaren "begi bistako porrota" aitortu du Alexis Tsiprasek. Abstentzioa %47,18koa izan da.