Grebaren azken egunean, Bizkaiko erresidentzietako langileek ez dute baztertzen lanuzte gehiago egitea
Otsailaren 1ean zortzi eguneko greba abiatu zuten Bizkaiko erresidentzietako eta eguneko zentroetako langileek. Lan baldintzen hobetzea eta zentroetan eskaintzen den arreta ereduaren errotiko aldaketa exijitzen ari dira. Asteazkena dute azken greba eguna, baina ez dute baztertzen greba deialdi gehiago egitea.
Grebaren zortzigarren eta azken eguna dute asteazkenekoa Bizkaiko erresidentzietako eta eguneko zentroetako langileek. ELA sindikatuaren eskutik, otsailaren 1ean abiatu zuten zortzi eguneko lanuztea, 400 pertsona baino gehiagoren parte hartzearekin Bilboko Jaurlaritzaren egoitzatik Bizkaiko Foru Aldundiraino egindako manifestazioarekin. Grebak iraun duen epe-tartean hainbat mobilizazio egin dituzte, beren aldarrikapenak kalera eramanez; lan baldintzen hobetzea eta zentroetan eskaintzen den arreta ereduaren errotiko aldaketa dira exijentzia nagusiak, eta horien baitan kokatzen dira eskakizun zehatzak: egoiliarrei ematen zaien arreta hobetzeko ratioak murriztea, lanaldi partzialak murriztea eta erosteko ahalmena berreskuratzea, besteak beste.
Eskakizun horiek egitearekin batera, salatu dute erresidentzietako zuzendaritzak informazio faltsua ari direla helarazten egoiliarren familiei urte hasieratik. Helarazi dizkieten gutunak tarifa igoerei buruz mintzo dira, eta %6,5 eta %10 arteko prezio igoerak kostuen igoerari erantzuten diela azaltzen dute, soldaten igoerak kostu horien baitan kokatuz. Hitzarmenaren negoziaketa ere tarifaren igoeraren arrazoien artean kokatu dute. Informazio hori ez dela egiazkoa jakinarazi dute langileek, adieraziz beren soldatek izoztuta daramatzatela bi urte eta erdi baino gehiago. Aplikatzen ari diren prezioen igoerak soilik enpresak mesedetzen dituela salatu dute, "zerbitzuaren kalitatea eta lan baldintzak prekarioago egitearen kontura".
Asteartean Bizkaiko Foru Aldundiaren aurrean karpa jarri zuten, eta bertatik igarotzen zirenei banatutako informazio orrian argi deskribatzen dute beren egoera: "Gutako askoren soldatak 1.200 eurora iristen ez diren sektorean lan egiten dugu, gauez, jaiegunetan, igandeetan, txanda bidez... lan eginez. Egunez egun ikusten ari gara guztiz eskasa den ratio batek nola egiten duen ezinezkoa artatzen ditugun pertsonei merezi duten arreta eskaintzea". Zehaztu dutenez, egungo ratioekin egunean 60 minutu besterik ezin dizkiote eskaini egoiliar bakoitzari.
Sektoreak gabezia larriak dituela azpimarratu dute, eta negozioa pertsonen gainetik jartzea jo dute horren arrazoitzat. "Propaganda instituzionaletik harago", ez dute ikusten aldaketarako borondaterik. Zentzu horretan, Bizkaiko Foru Aldundia interpelatu dute, hain handi batean berak ordaintzen duelako "zerbitzu publiko/pribatu hori". "Diru-publikoa kopuru oso handian ari da ateratzen zorrotik, baina horrek ez dakartza arretaren kalitate hobea, pertsonal gehiago eta egoiliarrak zaintzen ditugun langileon baldintza hobeak".
Aurreikuspenetan, greba deialdi gehiago
29. greba deialdia amaitzeko egun baten faltan, eta kontutan hartuta "patronalaren egoskorkeria Diputazioaren onespenarekin", langileek argi adierazi dute ziurrenik greba gehiago deitzea beste erremediorik ez dutela izango. "Ez da gustukoa gurea bezain delikatua den sektore batean horrelako erabakiak hartzea. Baina enpresek irabaziak areagotzen dituzten bitartean, prekarietate egoera eta arretaren kalitatearen beherakada honen aurrean aurkitzen den edozein langilek badaki borroka egitea beste aukerarik ez duela".
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
ELA sindikatuak azaldu duenez, azken Lan Eskaintza Publikoaren oinarrien arabera, Ertzaintzarako eskainitako lanpostuen %20ak eta Udaltzaingoaren %30ak ez daukate euskara-eskakizunik. Gasteizen, adibidez, udaltzain-lanpostuen erdietan, 24tan, ez dago euskara-eskakizunik.
Kamioiak ez sartu ez atera. Horrela eman dute goiza BSHko Eskirozko lantokian. Parez-pare langileak aurkitu dituzte protestan. Hilkutxa batekin, elkarretaratze formatuan lehenbizi eta Foruzaingoak esku hartu behar zuela jakin dutenean eserialdia egin dute erresistentzia pasiboa... [+]
Mahai Orokorreko sindikatuek salatu dute Gobernuak utzikeriaz jokatu duela ordezkaritza sindikalarekin negoziatzerakoan, horren adibidea da Estatutu berriaren negoziazioan ezarri duen blokeoa. Gobernua Mahai Orokorrean gai horiek guztiak negoziatzera esertzeko ahalegin ugari eta... [+]
“Beste alde batera begiratzea” leporatu diete erakunde publikoei, eta baita eskualdeko borroka defendatzea ere.
Tamara Yague Confebaskeko presidenteak iragarri du gehiengo sindikalak deitutako martxoaren 20ko bilerara ez dela joango, eta gehitu du gutxieneko soldataz eztabaidatzeko markoa Espainiako Mahaia dela. ELA, LAB, ESK, Steilas, Etxalde eta Hiru sindikatuek EAErako gutxieneko... [+]
“Posta publikoa eta kalitatezkoa. Eskubideen aldeko Hitzarmen eta Akordio baten alde” aldarrikapenarekin, LAB, ESK eta ELA sindikatuek lan-baldintzak eta posta-zerbitzu publikoaren kalitatea defendatzeko mobilizazioa egin zuten atzo, hilak 12, Bilboko Eliptika Plazan.
LABek, STEILASek, ELAk eta CCOOek greba egutegi bateratua aurkeztu dute Bilbon: martxoaren 25, 26 eta 27, eta apirilaren 1 eta 2. Egungo hitzarmenak aldarrikatutako edukietatik urrun kokatzen direla adierazi dute, "bai sukaldearen eta garbiketaren kolektiboan zein... [+]
Nahiz eta Nazio Batuen Erakundeak (NBE) 1977an nazioarteko egun bat bezala deklaratu zuen eta haren jatorriaren hipotesi ezberdinak diren, Martxoaren 8aren iturria berez emazte langileen mugimenduari lotua da.
Lan baldintzen "prekarietatea" salatzeko kontzentrazioa egin zuten asteartean egunkariaren egoitzaren aurrean. Abenduaren 2tik sindaura greban daude langileak eta mobizlizazioak "areagotzea" erabaki dute orain.
Langileek salatu dute zuzendaritzak ez diela lan baldintzen gaiari heldu nahi izan eta enpresak nahiago izan duela Gaztea Sariak ekitaldia bertan behera utzi, “horrek sortutako albo-kalte ekonomiko eta sozial guztiekin”, arazoari irtenbidea eman baino.
Mendizale batek asteburuan ikusi du animalia Lapurdiko Azkaine herrian, eta otsoa dela baieztatu du Pirinio Atlantikoetako Prefeturak. ELB lurraldean "harraparien presentziaren kontra" agertu da.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.
Jakina da lan ikuskariak falta ditugula geurean. Hala ere, azken egunotan datu argigarriak ematea lortu dute: lan ikuskaritzaren arabera, EAEko enpresen %64ak ez du ordutegien kontrolean legedia betetzen. Era berean, lehendakariordeak gaitzetsi du, absentismoaren eta oinarrizko... [+]