Grebak deitu dituzte Mercedeseko langileek, lan baldintzen defentsan
ELA, LAB eta ESK sindikatuek astebeteko greba iragarri dute, CCOO eta UGTk bi egunekoa. Enpresa 1.200 milioi euroko inbertsioa egiteko prest dago, langileek “malgutasun” handiagoa onartzearen baldintzapean. Lan-hitzarmen berriaren negoziazioa blokatuta dago hamazortzi hilabete direla, lan baldintzak eta soldatak dira desadostasun puntu nagusiak.
Tenperatura nabarmen ari da igotzen Mercedesen Gasteizko lantegiko lan-hitzarmenaren negoziazioaren bueltan. Duela hemezortzi hilabete hasi zituzten patronalaren eta sindikatuen arteko elkarrizketak; 34 bilera egin dituzte, baina ez dago adostasunik. Testuinguru horretan, enpresaren zuzendaritzak iragan astean iragarri zuen 1.200 milioi euroko inbertsioa egiteko prest dagoela lantegian, beti ere langileek “malgutasun” handiago onartzen badute lan baldintzetan. Arabako Aldundiak eta Jaurlaritzak inbertsioa eta Mercedeseko zuzendaritza babestu dituzte langileen aurrean. Asteartean, “lankidetza-protokoloa” sinatu zuten Arabako Aldundiko buru Ramiro Gonzálezek, Iñigo Urkullu lehendakariak eta Emilio Tito Mercedeseko lantegiko zuzendariak. Bertan zen ere Arantxa Tapia Ekonomiaren Garapen, Jasangarritasun eta Ingurumen sailburua. Sindikatuek enpresaren “xantaia” eta erakundeen “presioa” salatu zituzten. Batasun sindikal orokorrik ez badago ere, grebak iragarri dituzte sindikatuek.
Grebak
Asteazkenean asanblada irekia egin zuten Mercedeseko ELA, LAB eta ESK sindikatuek –langileen asanblada orokorra deitu nahi izan dute sindikatu horiek, baina gainontzeko sindikatuek (UGT, CCOO, Ekintza, PIM) ez dute onartu–. Bertaratutako langileek sindikatuen proposamena babestu zuten, eta astebeteko greba iragarri dute ondorioz sindikatuek. Ekainaren 27an hasi eta uztailaren 1ean amaituko da. CCOO eta UGTk asteazkenean bertan bi orduko lanuztea egin zuten enpresaren sarreran, eta bi greba egun iragarri dituzte: ekainaren 22an eta 29an. Ostiralean sindikatuek eta enpresaren zuzendaritzak bilera berria egingo dute.
Lan baldintzak eta soldatak
Langileen eta patronalaren arteko desadostasunak lan baldintzen eta soldaten ingurukoak dira. Tentsio iturri nagusienetako seigarren txandarena da. Enpresak nahi du gauez ari diren langileei txanda egun bat gehiagoz luzatzeko aukera izatea beharrezkoa duenean –bost gau jarraian lan egitetik seira egiteko aukera–. ELA, LAB eta ESK sindikatuek “marra gorri” bezala jarri dituzte ere lan-hitzarmen berriak soldatei eustea edo asteburu eta jaiegunetako baldintzak arautzea. Berria-k jaso duenez, UGT prest dago “malgutasun” handiagoa onartzeko, baina “arautu” eta “mugatu” beharko litzatekeela dio, eta soldatek KPIren arabera eguneratu beharko liratekeela.
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Teslaren aurkako lehen greba –eta bakarra– da munduan, Suedian 2023ko urritik aurrera egiten ari direna. Duela mende batetik hona Suedian egindako grebarik luzeena bihurtu da. IF Metall sindikatua bultzatu du protesta, Elon Musken autogintza enpresak hitzarmen... [+]
Joan den abenduaren 5ean, PPk lege proposamen bat aurkeztu zuen Nafarroako Parlamentuan, Nafarroako toki entitateetako Idazkaritza eta Kontu-hartzailetza lanpostuetan funtzionarizazioa lortzeko prozesuak bereizteko. Hori gertatuko balitz, 30 pertsona inguruk merezitako... [+]
B&B Trends lantegiaren jabeak iragarri du hartzekodunen konkurtsoan jarri duela lantegia, "ondare desegonkortasuna" argudiatuta.
Alemaniatik etorritako goi kargu batek eman die 655 langileei enpresaren itxieraren berria, ohar bat "hoztasunez" irakurrita, eta langileei “lehiakortasun falta” egotzi die. Langileek presazko bilera eskatu diote BSHko operazio arduradun Pepe Justeri, eta... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
660 langile ditu ontzi-garbigailuak eta hozkailuak ekoizten dituen lantokiak. Astelehen goizean ezagutu dute Alemaniako zuzendaritzaren asmoa. Enpresa batzordeak langile asanbladara dei egin du.