Greba orokorra Frantziako Estatuan, gobernuaren lan-erreformaren aurka
Frantziako Estatuko sindikatu nagusiek greba orokorra deitu dute lan-erreforma bertan behera uztea eskatzeko. Mobilizazioa izan da Baionan, goizean.
Herrialdeko lau sindikatu nagusiz (CGT, FO, FSU eta SUD) gain, hiru ikasle antolakundek (UNEF, UNL, LDIFs) ere bat egin dute greba deialdiarekin, Myriam El Khomri Lan ministroaren lege-proiektuaren aurka.
Sindikatuek “atzerakada historikotzat” jo dute erreforma: “Kaleratzeak errazten ditu, lan-orduen arauak berrikustea ahalbidetzen du, eta horrek eragiten du ordu gehiagoz lan egitea, eta hitzarmen kolektiboen gaineko eskumenak ematen dizkio enpresariari”.
El Khomri ministroak ziurtatu du Gobernuak gazteen ezinegonak entzun dituela, eta, hain justu, sektore horren prekarietateari aurre egingo diola erreformak.
200 mobilizazio baino gehiago egingo dituzte Frantziako Estatuan eta Ipar Euskal Herrian; 10:30etan izango da Baionan, San Ursula plazan.
Baionako mobilizazioaren irudiak zabaldu ditu Euskal Irratiak
Baionatik zuzenean pic.twitter.com/ymJZBLeSt5
— ONDAIZIELA (@ondaiziela) 2016(e)ko martxoak 31
Jende gazte ugarik hartu du parte gaurko mobilizazioetan:
Cette jeunesse met le pays en danger #greve31mars pic.twitter.com/x0ewI79XUv
— Jonathan le céfran (@PureFrancais1) 2016(e)ko martxoak 3
Ez da lan-erreformaren aurkako lehen mobilizazioa. Martxoaren 9an, 200.000 eta 450.000 pertsonen artean mobilizatu ziren Frantziako Estatuan eta Ipar Euskal Herrian lege-proiektu horren aurka. Era berean, apirilaren 9rako ere mobilizazio gehiago iragarri dituzte.
Arazoak garraio publikoan eta aireportuetan
Frantziako Estatuko aire-kontrolatzaileek asteazkenean hasi zuten lanuztea, eta datorren ostiralean, 06:00etan, amaituko dute. Azken urteetan hegaldien kopuruak gora egin duen arren, aire-kontrolatzaileak murriztu nahi dituzte. Erabaki horren aurka egiteko deitu du greba USAC-CGT sindikatuak.
Greba horrek eragingo du Paris-Orlyko aireportuaren hegaldien %20, eta Marseillako aireportuaren herena bertan behera uztea, Hegazkintza Zibileko Zuzendaritza Nagusiak (DGAC) adierazi duenez.
Parisen, aldiriko eta eskualdeko trenen erdiak edo bi herenek ez dute zerbitzurik emango, arduradunek azaldu dutenez. Nazioarteko trenetan ez da arazorik izango, eta Abiadura handiko zerbitzuari (TGV) dagokionez, Atlantikoko eta hego-ekialdeko trenen laurden batek ez du zerbitzurik emango.
Ipar Euskal Herrian ere eragina izan du grebak: tren nagusietan gutxieneko zerbitzuak izan dira, eta Biarritzen bost hegaldi bertan behera utzi dituzte.
#greve31mars traola erabiltzen ari dira grebaren jarraipena egiteko.
Hollanderen eskuineko estrategiak atzera
Hollandek eskuinera lerrokatutako estrategia jarri zuen abian, baina ez zaio nahi bezala atera. MEDEF patronal handiaren eta honek kontrolatutako hedabide nagusiak lege-proiektuaren alde agertu ziren hasiera batean.
Frantziako Gobernuak ordea, hainbat aldaketa egin dizkio hasierako proiektuari: kaleratzeengatik gehienezko kalte-ordainak inposatu beharrean, aholkatu soilik egin ahal izango ditu, eta enpresek ezingo dituzte lan-orduak aldatu langileen ordezkariek akordiorik lortu ezean. "Legea desitxuratzea" leporatu dio Medef patronalak, eta gogor kritikatu du legearen aldaketa oposizioko Nicolas Sarkozyren alderdiak.
Horretaz gain, Hollande lehendakariak justu bezperan erretiratu du eskuinari eta ugazaba handiei plazer egiteko asmatutako beste lege bat, frantsesaz gain atzerritar nazionalitatea zuten herritarrei lehenbizikoa kentzea ahalmendu behar zuen Konstituzioaren erreforma, Parisek islamisten esku nozitu dituen eraso handien beroan idatziak.
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
2017an izendatu zuten LABeko idazkari nagusi eta gaur egun Igor Arroyorekin partekatzen du koordinatzaile orokorraren kargua. Eredu sindikalak, aliantzak, helburu orokorrak eta etorkizuneko erronka handiak landu ditugu ondoko lerroetan. Eskuin muturraren mamua ere agertu da.
1970eko hamarkadaren erdialdean sigla dantza itzela zegoen euskal panorama soziopolitikoan, eta horien artean mordoxka bat ezker abertzalekoak. Mende erdi geroago, denboraren higaduraren edo errepresioaren ondorioz, horietako gehien-gehienak desagertuta daude, arbola bakarra... [+]
Espainiako Ministro Kontseiluak etxeko langileentzako osasun-azterketak, formazioa eta lan-arriskuak ebaluatzea ezartzen duen dekretua onartu berri du. Baina dekretu horrek arrakala garrantzitsuak ere baditu: langileari “sekretu profesionala” mantentzea eskatzen dio,... [+]
Nafarroako Foru Komunitateko hezkuntza publikoko sindikatuek (STEILAS, ANPE, AFAPNA, LAB, CCOO, ELA eta UGT) 2024ko irailaren 26ko ostegunerako greba deialdia aurkeztu dute Hezkuntza Departamentuko erregistroan.
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Juan Mari Aburto alkateak jai apartak izan direla esan arren, kale saltzaileek Aste Nagusian etengabeko tentsioa, jazarpena eta presentzia polizial neurrigabea bizi izan dutela kritikatu dute. Beren eskubideak babesteko neurriak adostu nahian uztailetik Bilboko Udalarekin... [+]
Esku-hartze sozialeko sektore publikoaren alde.
Istripu bat Ataunen (Gipuzkoa) gertatu da, abuztuaren 22an. Bestea Iurretan (Bizkaia) gertatu zen abuztuaren 14an.
Udan lantaldea asko murriztu da langile gehienek oporrak hartu dituztelako, eta sindikatuek salatu dute Correosek apiriletik langileen oporraldien berri izanda ere ez dituela langile gehiago kontratatu.
"Ez dugu aukerarik, hauxe da gure lantokia. Eusten saiatuko gara ". Itxiera eragozteko, Italiako fabrika bateko langileek "industria behetik birmoldatzearen" aldeko apustua egin dute, ekoizpen-bitartekoak beraiek kontrolatuta. Kanarietako energia-komunitate... [+]