Greba mugagabean daude Gasteizko Udaleko autobus zerbitzuko langileak
Lehen bi egunetan %100eko jarraipena izan du grebak TUVISAn, enpresa batzordearen arabera. Jaurlaritzak %30eko gutxieneko zerbitzuak ezarri ditu. Lan baldintzak eta zerbitzu publiko osoa hobetzea eskatzen dute langileek.
Iragan hilabete eta asteetan hainbat mobilizazio eta greba egin dituzte Gasteizko TUVISA autobus zerbitzuko langileek, eta iragarrita zuten aurretik akordiorik lortu ezean otsailaren 10ean, larunbata, greba mugagabea hasiko zutela. Langileen ordezkarien esanetan, langileen artean batasuna “erabatekoa” da, aldarrikapen taularen inguruan zein greba mugagabeari ekiteko erabakian.
Ostiralean egin zuten greba aurreko azken mobilizazioa, eta aurreko egun eta orduetan Gasteizko Udal Gobernuarekin bilerak eta kontaktuak izan baziren ere, “une honetan dagoenarekin, bihar greba”, adierazi zuen Asier López de Sabando enpresa batzordeko eledunak. Asteburuan egoerak ez du hobera egin. Langileek adierazi dute greba hasi dutenetik ez dela “inongo kontakturik” izan udalarekin, eta horren “zain” daudela, “gatazkari irtenbidea emateko”.
Enpresa batzordeak, gainera, adierazi du langileen “%100” ari dela greba jarraitzen: “Ez da irten autobusik gutxienetako zerbitzuetakoa ez denik”.
Langileen aldarrikapenak
Langileek hobekuntzak eskatzen dituzte beren lan baldintzetan zein zerbitzu publikoan. Salatu dute, besteak beste, autobus eskasia dagoela eta "zaharkituegiak" daudela, ibilbide batzuk osatzeko behar den denbora luzatu bada ere ez dela ratioetan aldaketarik egin, edo ez zaizkiela egiazki lan egiten dituzten ordu guztiak zenbatzen lanaldia kontatzeko orduan. López de Sabando bozeramaileari elkarrizketa egin zion Arabako Alea-k, eta aldarrikapenak azaltzeaz gain, ziurtatu zuen langileen arteko batasuna erabatekoa dela eta herritarren aldetik ulerkortasun handia jaso dutela.
TUVISAko presidente eta EAJko zinegotzi Iñaki Gurtubaik grebaren aurka egin du larunbatean bertan, prentsa ohar baten bidez. "Ez dago arrazoirik Gasteizko herritarrentzako zerbitzu publikoa kaltetzen duen greba bat egiteko", adierazi du. Bere esanetan TUVISAko langileek "alde handiarekin, Udalaren hitzarmen kolektiborik onena" dute. Aldiz, langileen arabera Gurtubairen eta PSEko Maider Etxebarria alkatearen jarrera “amorragarriak” eraman dute gatazka greba mugagabera.
“Osasuna eta zerbitzuaren hobekuntza lehenetsiko dituzten lan baldintza duinak” eskatzen ari direla adierazi dute, eta hortaz, PSE-EAJ udal gobernuaren jarrera “ulertezina” dela. Gurtubairen adierazpenei erantzun die López de Sabandok: "TUVISAko hitzarmena ona izan daiteke edo ez, baina betetzen ez bada... gogoraraziko dugu Arabako enpresarik judizializatuena dela hitzarmena ez betetzeagatik". Udalari leporatu dio langileen lan baldintzen inguruan gezurretan aritzea.
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
ELA sindikatuak azaldu duenez, azken Lan Eskaintza Publikoaren oinarrien arabera, Ertzaintzarako eskainitako lanpostuen %20ak eta Udaltzaingoaren %30ak ez daukate euskara-eskakizunik. Gasteizen, adibidez, udaltzain-lanpostuen erdietan, 24tan, ez dago euskara-eskakizunik.
Kamioiak ez sartu ez atera. Horrela eman dute goiza BSHko Eskirozko lantokian. Parez-pare langileak aurkitu dituzte protestan. Hilkutxa batekin, elkarretaratze formatuan lehenbizi eta Foruzaingoak esku hartu behar zuela jakin dutenean eserialdia egin dute erresistentzia pasiboa... [+]
Mahai Orokorreko sindikatuek salatu dute Gobernuak utzikeriaz jokatu duela ordezkaritza sindikalarekin negoziatzerakoan, horren adibidea da Estatutu berriaren negoziazioan ezarri duen blokeoa. Gobernua Mahai Orokorrean gai horiek guztiak negoziatzera esertzeko ahalegin ugari eta... [+]
“Beste alde batera begiratzea” leporatu diete erakunde publikoei, eta baita eskualdeko borroka defendatzea ere.
Tamara Yague Confebaskeko presidenteak iragarri du gehiengo sindikalak deitutako martxoaren 20ko bilerara ez dela joango, eta gehitu du gutxieneko soldataz eztabaidatzeko markoa Espainiako Mahaia dela. ELA, LAB, ESK, Steilas, Etxalde eta Hiru sindikatuek EAErako gutxieneko... [+]
“Posta publikoa eta kalitatezkoa. Eskubideen aldeko Hitzarmen eta Akordio baten alde” aldarrikapenarekin, LAB, ESK eta ELA sindikatuek lan-baldintzak eta posta-zerbitzu publikoaren kalitatea defendatzeko mobilizazioa egin zuten atzo, hilak 12, Bilboko Eliptika Plazan.
LABek, STEILASek, ELAk eta CCOOek greba egutegi bateratua aurkeztu dute Bilbon: martxoaren 25, 26 eta 27, eta apirilaren 1 eta 2. Egungo hitzarmenak aldarrikatutako edukietatik urrun kokatzen direla adierazi dute, "bai sukaldearen eta garbiketaren kolektiboan zein... [+]
Nahiz eta Nazio Batuen Erakundeak (NBE) 1977an nazioarteko egun bat bezala deklaratu zuen eta haren jatorriaren hipotesi ezberdinak diren, Martxoaren 8aren iturria berez emazte langileen mugimenduari lotua da.
Lan baldintzen "prekarietatea" salatzeko kontzentrazioa egin zuten asteartean egunkariaren egoitzaren aurrean. Abenduaren 2tik sindaura greban daude langileak eta mobizlizazioak "areagotzea" erabaki dute orain.
Langileek salatu dute zuzendaritzak ez diela lan baldintzen gaiari heldu nahi izan eta enpresak nahiago izan duela Gaztea Sariak ekitaldia bertan behera utzi, “horrek sortutako albo-kalte ekonomiko eta sozial guztiekin”, arazoari irtenbidea eman baino.
Mendizale batek asteburuan ikusi du animalia Lapurdiko Azkaine herrian, eta otsoa dela baieztatu du Pirinio Atlantikoetako Prefeturak. ELB lurraldean "harraparien presentziaren kontra" agertu da.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.