Greba hotsak emakumeen futbolean, lan baldintza duinak aldarri
Batetik, patronala. Alegia, Espainiako emakumezkoen lehen mailako talde ia denak biltzen dituen Kluben Elkartea (ACFF). Bestetik, sindikatuak, Futbolarien Elkartea (AFE) buru. Lehenbiziko hitzarmen kolektiboa litzatekeena adosteko negoziazioek ez dute fruiturik ematen, eta litekeena da sindikatuek greba deitzea.
ACFF Kluben Elkarteak biltzen ditu lehen mailako talde guztiak, salbu eta Athletic, Bartzelona, Tacon. Sindikatuek eskatu dute lanaldi erdia duten jokalariek urtean 12.000 euroko gutxieneko soldata izatea, alegia, akordioak zehaztu lezakeen 16.000 euroko gutxieneko soldataren –lanaldi osoko kontratua duten jokalarien kasuan– %75. Kluben Elkarteak, ordea, ehuneko hori %50era jaitsi du, eta horrek eragingo luke futbolarien soldata 8.000 eurotan uztea.
Partzialtasuna da, hain justu, bi aldeen arteko desadostasun-iturri handiena. Beste puntu batzuetan, ordea, izan dira aurrerapausoak. Amatasun baimenak, 30 eguneko oporraldia, sexu jazarpena borrokatzeko neurriak... AS egunkariko kazetari Alfredo Matillak artikulu honetan zerrendatu ditu negoziazio-prozesuko puntu guztiak.
Urtebete daramate patronal eta sindikatuek hitzarmen kolektiboa negoziatzen, emaitzarik gabe oraingoz. Asteartean hamaikagarren bilera egin dute, eta kamuts hura ere. Hargatik, badirudi gero eta aukera gehiago dagoela negoziazio mahaiko beste sindikatu batzuek, ON Futbolistas eta UGTk kasu, greba deitzeko, nahiz eta oraingoz deus ez dagoen argi. AFE sindikatuak, esaterako, ez du baieztatu greba babestuko lukeenik.
Kluben Elkarteak balizko greba deialdia arbuiatu du, eta adierazi du hitzarmenak behar duela izan proiektua sendotu eta jokalarien baldintzak hobetzeko tresna bat, eta ez konfrontazio-iturri. "Futbolarien baldintzak hobetuz joango dira, azken urteetan gertatzen ari den bezala, txapelketak diru-sarrerak lortzen dituen heinean".
Iñigo Cabacas Herri Harmaila taldea eta Athleticen arteko harremana nahaspilatuta dago azkenaldian. Iñigo Cabacas Herri Harmailako Iñigorekin hitz egiteko aukera izan dugu astelehenean.
2002an ikusi zituen lehenengoz hamaika emakume kamiseta zuri-gorriarekin San Mamesen. Bere ametsa egia bihurtzeko aukerak errealak zirela ulertu zuen Garazi Muruak. Athleticeko nesken taldeko kapitaina izatera iritsi zen, baina lesio batek behar baino lehen ekarri dio... [+]
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Sare sozialetan ustezko mezu xenofoboak, gorrotozkoak eta indarkeria bultzatzen dituztenak zabaltzea egotzi diote. Osasunari ere 20.000 euroko isuna ezarri dio Indarkeriaren Aurkako Batzordeak Sadarren jokatutako Bartzelonaren aurkako Ligako partidan ikusleen egonaldia... [+]
2022ko urrian Iruñeko Sadar futbol zelaian jokatu zen Espainiako eta AEBetako emakumezkoen futbol selekzioen arteko partiduko zaleak iraintzea eta jazartzea leporatu zizkioten hainbat laguni. Epaiketa egin berri da eta akusatuak absolbitu ditu Iruñeko Zigor Arloko... [+]
Gazaren aurkako sarraskiak kirolean ere badu islarik, bateko eta besteko ekintzek erakutsi dutenez. Futbolean, zehazki, urak harro datoz, Israeleko taldeek Europako estadioetan jokatzen duten bakoitzean agerian geratzen den moduan. Pasa den astean Amsterdamen gertatutakoek,... [+]
Pasa den martxoan, Realaren eta PSGren arteko futbol partidaren testuinguruan izandako istiluetan oso larri zauritu zuten Amaya Zabarte, ustez foam jaurtigailu batekin. Zazpi hilabete geroago, Probintzia Auzitegiak kasua ireki ala ez erabaki bezperan, elkarrizketa egin dio... [+]
Realak Israelgo Tel Aviv-eko Maccabiren kontra jokatuko du ostegunean Belgradon. Segurtasun arazoak direla-eta, ez dute Israelen jokatuko. Talde txuri-urdineko zaletu batzuek Realari eskatu diote Palestinaren aldeko keinuren bat izateko, baina Jokin Aperribay presidenteak argi... [+]
Saudi Arabiak "emakumeen eta LGBTQ+ pertsonen eskubideak zapaltzen dituela-eta", 24 herrialdetako 106 emakumezko futbolari profesionalek Gianni Infantino FIFAko presidenteari eskatu diote Aramco petrolio-enpresarekin duten babesletza-akordioa hausteko.
1980an Everesteko gailurrean ikurrina paratu zuten Martin Zabaleta eta Pasang Tembari omenaldia eskaini diote larunbatean San Mamesen, Athletic-en partida hasi aurretik. Mendizaleak txalo artean hartu dituzte zaleek, une ederra izan da, baina Movistar telebista kateak eta Futbol... [+]
Iturramako taberna herritarrari eraso egin zioten egunean bertan Iruñean ziren arren, salatutakoan parte hartu zutenik ezin dela frogatu dio epaileak. 2022ko azaroan Ezpala taberna txikitu eta bertan ziren bezeroak jipoitu zituzten Bartzelonako ultrek.
Realeko futbol taldeko entrenatzaile Imanol Alguacilek, Nizan, Europako Ligako partiduaren aurretik eskainitako prentsaurrekoan euskarazko hedabideei euskaraz erantzuten ari zela, hainbat kazetariren kexa entzun behar izan du. Duela astebete antzeko egoera gertatu zen... [+]