Greba Gasteizen: hotz hasi, bero-bero amaitu
Behetik gora egin du grebak nabarmen Gasteizen eguerdira arte. Goizaldeko piketeek ez dute grebalari askorik bildu, goizeko zutabeetan ehunka lagun mobilizatu da, eta eguerdiko 12:00etako manifestazioak lepo bete ditu kaleak. Lantokietan irakaskuntzan izan du eragin nabarmenena grebak: sindikatuek %75 inguruko lanuztea aipatu dute. Gainontzeko enpresa gehienak irekita mantendu dira, eta itxi duen komertzio kopurua ez da handia izan –Alde Zaharra eta antzeko salbuespenekin–.
Lehendabiziko piketeak goizeko 5:00etan zeuden deituak aldirietako hiru poligonoetan. Piketeak oinez egin ordez zirkulazioa eten edo geldotu nahi izan dute antolatzaileek, autoak multzokatu eta errotondetan geldo-geldo bueltaka mantenduz. Ertzaintzak behintzat bost isun ezarri ditu “trafikoa oztopatzeagatik” eta Arabako Alea-ren arabera 13 pertsona identifikatu.
Gasteizko campusean lehendabiziko piketeak 9:00etan oztopatu du Aularioaren sarrera. Ordurako fakultateetan zein bigarren hezkuntzako zentroetan oso aktibitate gutxi zegoen. Geroago, korrikaldiak izan dira polizia eta gazteen artean. 9:30etik aurrera lau zutabe zeuden deituak hirian. Azpimarratzekoa poliziaren jarrera El Corte Inglesen parean eta mugimendu feministak antolatutako piketean. El Corte Inglesean hainbat lagun atxiki hartu eta miatu dituzte azalpenik gabe eta zatarki. Udaltzaingoa aritu da Ertzaintza baino bortitzago. Ondoren, piketeak kaleetan zehar aurrera egin ahala, partaide batzuek bidean aurkitu dituzten kontainerrak gurutzatu edo margoketak egin dituzte. Zutabe feministak hainbat komertzio ixtea lortu du, baina Ertzaintza gogor oldartu zaio birritan behintzat. Hainbat emakume* zauritu ditu, eta hiru identifikatu.
Hasiera, ez amaiera
Eguerdiko manifestazio nagusira blokeak joan dira batzen: traktoreak, bloke feminista, gazte blokea, sindikatuak, pentsionistak –horien artean, espazio propio berezitua hartu dute emakume pentsionistek–. Oso jendetsua izan da mobilizazioa, milaka arabar batu ditu (25.000 antolatzaileen arabera). Antolatzaileen zein parte hartzaileen aurpegiek poza adierazten zuten. Oro har lasai bete du ibilbidea, baina tentsio uneak bizi izan dira polizien eta manifestarien artean, dozenaka gaztek poliziaren eta El Corte Inglesen aurka botilak edo tomateak jaurti eta gero .
Amaierako ekitaldian, Andra Mariaren plaza betean, zenbait eragilek komunikatuak irakurri dituzte. Denok baloratu dute grebaren jarraipena oso baikorki. Nork berean jarri du azpimarra eta hainbat aldarrikapen entzun da: pentsioen garrantzia, gazteriaren prekarizazioa, feminismoaren ezinbestekotasuna, patronalari, Eusko Jaurlaritzari eta Espainiako Gobernu berriari interpelazio ugari, borrokatzearen beharra... Ideia bat izan da errepikatuena: gaurkoa ez da bide baten amaiera, hasiera baizik.
Manifestazioa amaituta herritar gehienek etxerako bidea hartu dute, beste asko plazan bertan edo inguruetan berritu dituzte indarrak. Beharko. Arratsaldeko 17:00etarako hainbat eragile sozialek akzioak iragarri dituzte, eta 18:00etan eguneko bigarren mobilizazio zentrala abiatuko da Andra Mariaren plazatik.
Iazko urtarrileko greba orokorrean parte hartu zuen pertsona bat epaitu dute ostegunean Gasteizko Epaitegietan. Autoritatearen aurkako atentatua eta lesioak leporatzen dizkiote, eta hemezortzi hilabeteko espetxe-zigorra eta kalte ordainak eskatu. Euskal Herriko Eskubide Sozialen... [+]
Atzean geratu diren politika sozial eta ekonomiko okerrak aztertuz, Espainiako Estatuak berriki abiatutako aldaketaren euskal deklinazio baten beharra aldarrikatu nahi dugu, egungo blokeo egoera Euskal Herrian ere gaindituz.
Hala salatu dute twitter bidez Burlatako hainbat eragilek. Burlatako greba komiteak deituta asanblada informatiboa egingo dute arratsaldean.
Joan den urtarrilaren 30eko greba orokorrean grebalari batek jasandako Ertzaintzaren eraso eta hizkuntz eskubideen urraketa salatzeko, elkarretaratzea deitu du asteazkenean Durangoko Euskal Herrian Euskaraz (EHE) taldeak.
Hego Euskal Herrian arrazoi soziolaboralak edo politikoak direla medio, greba orokor bat deitzeak bere jarduera guztia geldiaraztea bilatzen du. Batzuentzat urtarrilaren 30eko greba orokorra arrakastatsua izan da, eta beste batzuentzat porrota, bakoitzaren betaurrekoen arabera.
Euskal Herriko Eskubide Sozialen Kartako ordezkariak Nafarroako presidente Maria Chiviterekin bildu dira, joan den urtarrilaren 30eko Greba Orokorraren testuinguruan. LABeko idazkari nagusi Garbiñe Aranburu eta LABeko Nafarroako bozeramaile Imanol Karrera izan dira... [+]
Asteazkenean deitu du elkarretaratzea Euskal Herrian Euskarazek. Iragan osteguneko greba egunean Ertzaintzak herritar baten hizkuntz eskubidea urratu izana salatuko dute.
Greba orokorrean gertatua sare sozialetan salatu zuen Beñat Armentiak berak: “Hona hemen Ertzaintza, guztiz oldartuta, nire eskubide linguistikoak urratzen”. Ertzain batek bere hizkuntz eskubideak urratu zizkioten eta kazetari gisa irudiak zabalduz gero 2.000... [+]
Grebaren mobilizazio jendetsu eta itxaropentsuen ostean, gogoetarako beta hartzea osasuntsu bezain beharrezkoa da, aurrera begirako erronkak gogoan.
Urtarrilaren 30eko Greba Orokorraren biharamunean, grebak suposatu duenaren inguruan hausnartzeko tartea hartu dugu Sonia Gonzalezekin.
Hego Euskal Herrian arrazoi soziolaboralak edo politikoak direla medio, greba orokor bat deitzeak bere jarduera guztia geldiaraztea bilatzen du. Batzuentzat urtarrilaren 30eko greba orokorra arrakastatsua izan da, eta beste batzuentzat porrota, bakoitzaren betaurrekoen arabera.
Pentsionistak Bilbon 2 urte eta 10 hilabetez astelehenero kontzentratuta egon eta gero, Espainiako Gobernuak pentsioen %0,9ko igoera iragarri du berriki. Enpresari nagusien ikuspuntutik neurri gorria, zentzu guztitan.
Zaraitzu eta Erronkari Ibarrean grebaren inguruan talde hausnarketa bat egiteko elkartu gara. Goizeko hamarretan lan taldeak sortu ditugu, grebaren zergatia eta bertan proposatzen diren gaiak edo ikuspuntuak lantzeko.