Greba eskubidea boikotatu nahi dietela salatu dute Aita Menni ospitaleko langileek
Otsailaren 7tik 11ra ELA sindikatuak grebara deitu ditu Arrasateko Aita Menniko langileak, beste hitzarmen bat eskuratzeko. Salatu dute enpresak gehiegizko zerbitzu minimoak ezarri dituela egun horietarako eta langileen greba eskubidea “boikotatu eta mugatu” nahi dutela, Eusko Jaurlaritzaren onespenarekin.
Berriro ere greban daude ospitale horretako eta EAEn dituen beste egoitzetako langileak. ELA sindikatua beste hitzarmen bat eskuratzeko elkarrizketan aritu da enpresarekin, baina, ez dutenez akordiorik lortu, grebara deitu dute otsailaren 7tik 11ra.
Sindikatuak ohar batean salatu du “gehiegizko zerbitzu minimoek baldintzatuta” hasi dutela greba: “Dekretuak ahalbidetzen du greba egun batean ohiko egun batean baino langile gehiago egotea, eta eginbeharrak zehaztu eta areagotu egin dira”. Enpresaren zuzendaritzari egotzi diote greba eskubidea “boikoteatu eta mugatu” nahi izatea, Eusko Jaurlaritzaren onespenarekin.
Grebalariak Arrasateko ospitalean itxialdia egitera joan dira lehen egunean, gatazkaren informazioa zabaltzeko eta senideei helarazteko, baina jakinarazi dute enpresaren zuzendaritza langileak handik kaporatzen saiatu dela, eta “grebalariei informazio eskubidea ukatu” dietela.
Lan baldintza duinak
ELAk ohartarazi du erabiltzaileei zerbitzua eman ahal izateko ezinbestekoa dela “lan baldintza duinak” izatea: “Egiturazko arazo hau pandemiak azaleratu egin du, zeren langileen karga fisiko eta emozionala gero eta handiagoa baita, eta enpresak ez du borondaterik arazo horiei guztiei erantzuna emateko”. Halaber, kritikatu dute Osakidetzak buru osasunari lotutako zerbitzuak esku pribatuetan utzi izana, “enpresa handien interesen mende”. “Buru osasuneko osasun sistema kalitatezkoa eta publikoa bermatzeko borroka Aita Menniko langileena ere bada”, azpimarratu dute.
Asteazkenean elkarretaratzea egingo dute Eusko Legebiltzarraren aurrean, eta ostiralean Arrasaten manifestazioa antolatu dute. ELAk parte hartzera dei egin die herritarrei, erabiltzaileen senideei eta eragile sozialei.
Frantziako Gobernuaren aurrekontu proiektuan Gizarte Segurantzan egitekoak dituzten murrizketak salatzeko mobilizazio eguna dute ostegunean. Manifestazioa abiatuko dute 10:00etan Baionako geltoki aitzinetik.
Sei urteko espetxe zigorra ezar diezaiokete Oscar Pierreri langileen eskubideen aurkako hainbat delituengatik. Epaiketa asteartean izan da Bartzelonan, eta astelehenean iragarri du legearen pean kontratatuko dituela 15.000 rider. CGT sindikatuak “fiskaltzaren aurrean... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Enpresa jo dute egoeraren erantzuletzat, baita erakunde publikoak ere. Langile batzuek bost hilabete baino gehiago daramatzate kobratu gabe, eta ostiral honetan egingo dute manifestazio bat, ontziolatik abiatuta: ez dezatela itxi aldarrikatzeko.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.