Greba eguna parranda egiteko baliatu dezatela iradoki diete ikasleei Bilboko bi diskotekak
Urtarrilaren 30eko greba egunean EHUn klaserik egongo ez denez, bezperan bertako ikasleentzat ateak irekiko dituztela iragarri dute Bilboko Moma eta BackRoom diskotekek. Ikasleak eskirol izatera gonbidatzea aurpegiratu diete.
Urtarrilaren 30eko greba orokorra gainean den honetan, mobilizazio eguna edukiz hustu eta beroni etekina ateratzeko aukera ikusi duenik bada. Bilboko Moma eta BackRoom diskotekek aldarrikapen egunean ikusi dute negozioa egiteko pagotxa, eta sare sozialen bidez zabaldutako mezuetan greba bezperan ateak irekiko dituztela iragarri dute.
🤬 L O T S A G A R R I A!! Greba Orokor baten deialdiaren aurrean eskirolajea praktikan jartzeko deia luzatzen dute.
EZ gara zuen merkantzia!! pic.twitter.com/f40pywCRVl
— Eragin Bilbo (@EraginBilbo) January 24, 2020
“Ostegunean, hilak 30, EHUk greba orokorra deitu du, beraz Momak bere ateak irekiko ditu”, zioen Momaren lehen mezuak. BackRoom-ek, aldiz, “batez ere EHUko ikasleentzat” iragarri du asteazkeneko festa; “BackRoom Crazy Wednesday UPV” jarri diote izena jaiari, eta bereziki EHUko ikasleei egin die dei, ondoko mezuarekin: “Topera gozatzera, ostegunean ez baita klaserik egonen!”.
Bi diskoteken publizitateak hautsak harrotu ditu, festa borrokari gainjarriz, ikasleak greba-hausle izatera gonbidatzen dituelako. Tirabira sortua zela, berriz eman du festaren berri Momak, baina grebari aipamena egin gabe.
Iazko urtarrileko greba orokorrean parte hartu zuen pertsona bat epaitu dute ostegunean Gasteizko Epaitegietan. Autoritatearen aurkako atentatua eta lesioak leporatzen dizkiote, eta hemezortzi hilabeteko espetxe-zigorra eta kalte ordainak eskatu. Euskal Herriko Eskubide Sozialen... [+]
Atzean geratu diren politika sozial eta ekonomiko okerrak aztertuz, Espainiako Estatuak berriki abiatutako aldaketaren euskal deklinazio baten beharra aldarrikatu nahi dugu, egungo blokeo egoera Euskal Herrian ere gaindituz.
Hala salatu dute twitter bidez Burlatako hainbat eragilek. Burlatako greba komiteak deituta asanblada informatiboa egingo dute arratsaldean.
Joan den urtarrilaren 30eko greba orokorrean grebalari batek jasandako Ertzaintzaren eraso eta hizkuntz eskubideen urraketa salatzeko, elkarretaratzea deitu du asteazkenean Durangoko Euskal Herrian Euskaraz (EHE) taldeak.
Hego Euskal Herrian arrazoi soziolaboralak edo politikoak direla medio, greba orokor bat deitzeak bere jarduera guztia geldiaraztea bilatzen du. Batzuentzat urtarrilaren 30eko greba orokorra arrakastatsua izan da, eta beste batzuentzat porrota, bakoitzaren betaurrekoen arabera.
Euskal Herriko Eskubide Sozialen Kartako ordezkariak Nafarroako presidente Maria Chiviterekin bildu dira, joan den urtarrilaren 30eko Greba Orokorraren testuinguruan. LABeko idazkari nagusi Garbiñe Aranburu eta LABeko Nafarroako bozeramaile Imanol Karrera izan dira... [+]
Asteazkenean deitu du elkarretaratzea Euskal Herrian Euskarazek. Iragan osteguneko greba egunean Ertzaintzak herritar baten hizkuntz eskubidea urratu izana salatuko dute.
Greba orokorrean gertatua sare sozialetan salatu zuen Beñat Armentiak berak: “Hona hemen Ertzaintza, guztiz oldartuta, nire eskubide linguistikoak urratzen”. Ertzain batek bere hizkuntz eskubideak urratu zizkioten eta kazetari gisa irudiak zabalduz gero 2.000... [+]
Grebaren mobilizazio jendetsu eta itxaropentsuen ostean, gogoetarako beta hartzea osasuntsu bezain beharrezkoa da, aurrera begirako erronkak gogoan.
Urtarrilaren 30eko Greba Orokorraren biharamunean, grebak suposatu duenaren inguruan hausnartzeko tartea hartu dugu Sonia Gonzalezekin.
Hego Euskal Herrian arrazoi soziolaboralak edo politikoak direla medio, greba orokor bat deitzeak bere jarduera guztia geldiaraztea bilatzen du. Batzuentzat urtarrilaren 30eko greba orokorra arrakastatsua izan da, eta beste batzuentzat porrota, bakoitzaren betaurrekoen arabera.
Pentsionistak Bilbon 2 urte eta 10 hilabetez astelehenero kontzentratuta egon eta gero, Espainiako Gobernuak pentsioen %0,9ko igoera iragarri du berriki. Enpresari nagusien ikuspuntutik neurri gorria, zentzu guztitan.
Zaraitzu eta Erronkari Ibarrean grebaren inguruan talde hausnarketa bat egiteko elkartu gara. Goizeko hamarretan lan taldeak sortu ditugu, grebaren zergatia eta bertan proposatzen diren gaiak edo ikuspuntuak lantzeko.