Greba egun kopurua ia %80 murriztu da Europan azken bi hamarkadetan
Greba egunak 62tik hemeretzira jaitsi ziren 2000. eta 2021 . urteen artean 1.000 langileko, European Trade Union Instituten ikerketa baten arabera. Azken hamar urteetan bakarrik, %42 murriztu dira. "Sindikatuek grebaren arma geroz eta gutxiago baliatzen dutela" ondorioztatu dute.
Greben jaitsierari zifra bat jarri dio European Trade Union Institute (ETUI) ikerguneak, krisi ekonomikoak eztanda egin zuenetik Europan izan diren grebak eta ekintza sindikalak ardatz dituen txosten batean. Fenomenoa nahiko ezaguna izan arren, zifra zehatzetan jarri du: batez besteko greba egunen indizea %78,6 murriztu zen 2000. eta 2021. urteen artean; 1.000 langileko, 62,7 egunetik 19,9ra. Zifra horiek herrialdeka eta sektoreka konparatzea ahalbidetzen duen mapa bat ere osatu dute. Bertan joera orokor bat ikusten da: sindikatuek iraganean baino askoz ere greba deialdi gutxiago egiten dituzte, batez ere, enpresa pribatuetan.
Kurt Vandaele ETUIko ikerlariak Mendebaldeko Europan azken hogei urteetan izan diren grebei buruzko datuen azterketa konparatiboa egin du. Horren arabera, eta komunikabideek askotan ematen duten irudiaren kontrara, sindikatuek "gero eta joera txikiagoa dute grebaren arma zabaltzeko". Vandaelek, bereziki, Europako hemeretzi herrialdetako greba egun kopuruaren bilakaera alderatzen du. Kopuru hori, oro har, asko eta azkar jaisten ari dela ikus daiteke: 2005-2014 aldian lanuzteen batez bestekoa 50 egunekoa izan zen 1.000 langileko, 1995-2004 aldian baino hamar egun gutxiago. Beherakada ez zen hor geratu, zifra hori 19,9raino jaitsi baitzen 2014. eta 2021. urteen artean; 30 egun gutxiago zazpi urte eskasean. Azken hamarkadan, bereziki bizkortu da greben indizearen apaltzea: %42 jaitsi da, 2011ko 34,8tik 2021eko 19,9ra.
2005-2014 aldian lanuzteen batez bestekoa 50 egunekoa izan zen 1.000 langileko, 1995-2004 aldian baino hamar egun gutxiago
Europako mendebaldeko hamasei herrialdetan egindako greba orokorren kopuruari buruzko datuak bildu zituen, gainera. 2010etik 2013ra bitartean, Mediterraneoko herrialdeetan gobernuen austeritate-planen aurkako greben gorakadak eragin zuen igoera. Izan ere, Grezian 25 greba orokor izan ziren 2010. eta 2015. urteen artean.
Europako iparraldearen eta hegoaldearen arteko banalerroa oso argia da: Europako hegoaldeko herrialdeetako sindikatuek greba orokorrak antolatu izan dituzten bitartean, Alemaniak, Herbehereek, Suediak, Erresuma Batuak, Irlandako Errepublikak eta Danimarkak ez dute greba orokor bakar bat ere izan azken hogei urteetan.
Alemaniak, Herbehereek, Suediak, Erresuma Batuak, Irlandako Errepublikak eta Danimarkak ez dute greba orokor bakar bat ere izan azken hogei urteetan
Hala ere, nabarmentzekoa da Europako hegoaldean ere ez daudela ezer ospatzeko moduan. Espainiako Estatuan, adibidez, 2012an izan zen azken greba orokorra. 70eko hamarkadara arte, jarduera sindikala enpresen barruan hasten zen eta adar, sektore zein greba orokorretaraino gora egiten zuten prozesuen forma hartzen zuen sarritan. Gaur egungo egoera arras desberdina dela ondorioztatzen du txostenak: "Sindikatuek maila handiko mobilizazioak egiten dituzte epe laburrean, eta helburua eskuratutako eskubideak defendatzea izan ohi da, berriak lortu beharrean".
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.
Indar armatuek zibersegurtasunari buruzko lehiaketa bat antolatu eta ekimena Nafarroako DBH ikastetxe guztietara heldu da; amaierako fasea Aranjuezeko Guardia Zibilaren akademian ospatuko dute. LAB sindikatuak gogora ekarri ditu duela hainbat urte irakasleen ideologiaren arabera... [+]
Altsasun autobusak egiten dituen enpresako administrazio kontseiluak hartzekodunen konkurtsoa aurkeztu du asteazkenean. Langileen ordezkariek eskatu dute "benetako plan industrial" bat martxan jartzeko eta manifestaziora deitu dute, igandean Altsasun.
Cebek patronalak blokeoa baztertzeko exijitu dute grebalariek, baita eros-ahalmena eta lan-baldintza duinak bermatzen dituen lan-hitzarmena ere, azkenekoa 2009-2011 . urtetakoa baita. Urriaren 30eko greba egunean Ertzaintzak langile bat “inolako justifikaziorik gabe”... [+]
Ikasturteko bigarren greba eguna izan zuten asteartean hezkuntza publikoko irakasleek. Urriaren 29an Nafarroako hezkuntza sektoreko sindikatu nagusiek, hala nola Steilas, ANPE, AFAPNA, LAB, CCOO, ELA eta UGT-k greba eguna egin zuten.
Astearteko manifestazioa bukatuta aldarrikapenak Parlamentu aurrera eraman dituzte. Zenbait bide moztu dituzte eta tentsio uneak izan dira Espainiako Poliziarekin.
Atenasera joan zen master tesia egitera. Ezin izan zuen doktoretza bertan egin: haren espezialitatea desagertu egin zen gobernuaren mozketekin. 2010eko krisiak Grezian harrapatu zuen, ordea, eta ikasi zuen kapitalismo globalak ongizate estatua erraz suntsi dezakeela.