Gozagarria
Fitxa: Euskadiko Orkestra Sinfonikoa. Zuzendaria: Lawrence Renes. Narratzailea: Kirmen Uribe. Egitaraua: Copland, Aita Donostia, Bernstein, Barber eta Dvorák-en obrak. Lekua: Gasteizko Principal Antzokia. Data: Martxoaren 9a.
Proposamen interesgarria ekarri digu Euskadiko Orkestra Sinfonikoak hil honetako abonu kontzerturako. Mundu Berriaren binetak izeneko programak Ameriketara begiratzen du saio zertxobait programatikoa eskaintzeko asmoz, eta, nire ustez, lortzen du helburua: zerbait freskoa eskaintzea, arriskurik hartu gabe, entzuteko erraza den egitarau batekin, oso atsegina mota guztietako publikoarentzat. Horrez gain, eta modan dagoen bezala, musika eta literatura lotzen dira. Oso ondo, ba.
Aurretik esan behar da Lawrence Renes zuzendari holandarrak Euskadiko Orkestratik bere onena ateratzen jakin duela, dudarik gabe. Erritmoaren sen izugarria du Renes-ek eta lortu du –programa honetan gutxienez- doitasun erritmikoa eta honek dakarren interpretazioaren distira musikariengana transmititzen.
Pieza motzek –baina oso hunkigarriek- osatzen dute egitarauaren lehenengo zatia. Aaron Copland-en Fanfare for the Common man piezak amerikartasun kutsu handi-mandia du, eta taxuz interpretatu zuen Orkestrak. Jarraian, Aita Donostiaren harmonia leun eta orekatua aitzakia perfektua izan zen taldearen hari-sekzioa luzitzeko, oso melodiatsua. Koloretsu eta distiratsua agertu zitzaigun Leonard Bersteinen mundu sonoroa –Candideren Obertura- Lawrence Renes zuzendariaren eskutik. Bizitasuna eta txinparta, efektu anitzak lortu zituen, dudarik gabe. Eta Barber-en Adagio for Strings famatua benetan zirraragarria iritsi zitzaigun. Honen harmoniak barruraino sartu zitzaizkigun.
Bigarren zatian Dvorák-en Mundu Berriaren 9. Sinfonia ederra entzun genuen. Ze ondo lotzen ziren pasarte eta motibo guztiak Adagio-Allegro Molto mugimenduan! Tutti ederrak baina orekatuak, eta agogikaren aniztasuna izan ziren puntu azpimarragarrienetako batzuk. Oso naturala atera zen Largo, bigarren mugimendua, inongo afektaziorik gabe. Eta amaiera, “Allegro con fuoco” kementsua atera zen. Metal boteretsuak eta soka doia eta leuna nabarmendu ziren.
Kirmen Uribek irakurri zituen Bilbao-New York-Bilbao bere liburuko pasarte batzuk –oso ondo aukeratuak-, obren artean. Ideia ona, arteak uztartzea.
Euskadiko Orkestraren azken abonu-kontzertuan, Handiena izenekoan –programa osatzen zuten bi obrei erreferentzia eginez– estiloen kontrajarritasuna eta soinu-bizipenen aurkakotasuna izan zen, zalantzarik gabe, topaketaren gauzarik erakargarriena.
Hasteko,... [+]
Jose Luis Bilbao Bizkaiko ahaldun nagusiak Euskadiko (EOS) eta Bilboko (BOS) orkestra sinfonikoak fusionatzeko proposamena luzatu dio Iñigo Urkullu Jaurlaritzako lehendakariari. Bat egiteak "onurak" ekarriko lituzkeela dio Bilbaok, eta "traumarik gabeko... [+]
Kontzertu ederra eskaini zuten Euskadiko Orkestrakoek abonu-denboraldiaren bigarren saioan. Esan genezake irudia, inpresionismoa eta deabruzko erritmoa –nahasketa ikusgarria– izan zirela protagonistak.
Ze egitarau polita Euskadiko Orkestra Sinfonikoaren denboraldi berria hasteko! Agian koherentzia gutxikoa, bai, baina ederra, dudarik gabe. Halere, eskaintzen diren obren edertasuna ez da nahikoa taxuzko kontzertu bat emateko. “Taxua” behar da, sasoia. Eta hori... [+]
Bai horixe, hamar puntu merezi izan zituen Euskadiko Orkestra Sinfonikoak Musika Hamabostaldian eskainitako kontzertuarengatik. Egitaraua erakargarria izan zen, oso, baina horrez gain, soinuaren oreka eta interpretazioaren dotoretasuna eta sakontasuna izan ziren ezaugarri... [+]
Hondarribian (Gipuzkoa) iaz amaitu zuten Itsas Etxea Auditoriumaren eraikuntza. Lehen kale animazioetan ageri zen kulturak bere gunea du, eraikin berria. Herriko taldeen elkargunea izan eta erabilera anitz ematea du helburu Udalak, eta 408 lagunentzako edukiera duen... [+]
Ivan Fedele konponsitore italiar ezagunak Youtube bidez izan ei zuen Oreka TX taldearen berri eta elkar-ezagutza horretatik abiatu zen gaur Donostiako Kursaaleko auditoriumean estreinatuko den Txalaparta obra.
Fitxa: Euskadiko Orkestra Sinfonikoa. Zuzendaria: Diego Matheuz. Bakarlaria: Maxim Rysanov (biola). Egitaraua: Lavista, Saint-Saëns eta Rimsky-Korsakoven lanak. Lekua: Gasteizko Principal Antzokia. Data: apirilaren 17a.
Francisco Escudero konpositorearen musika "ezagutu eta gogoratzeko" Gipuzkoako Aldundiak omenaldia antolatu du, bere jaiotzaren mendeurrenean. Apiriletik abendura bitartean, kontzertuak, erakusketak, jardunaldiak, dantza emanaldiak eta hainbat argitalpenen antolatu... [+]
Fitxa: Händel-en Mesia, Euskadiko Orkestra Sinfonikoa. Zuzendariak: Philip Pickett (Andra Mari Abesbatza), Jose Manuel Tife (Bleibet Abesbatza), Jorge Sebal (Claustrum Armonicum Abesbatza), Xabier Sarasua (Udaberria Gazte Abesbatza), Nagore Alangua (Samaniego Abesbatza)... [+]
Fitxa: Euskadiko Orkestra Sinfonikoa. Zuzendaria: Wolfram Christ. Bakarlaria (pianoa): Judith Jauregi. Egitaraua: Mozarten obrak. Lekua: Gasteizko Principal Antzokia. Data: Azaroaren 7a.
Euskadiko Orkestra Sinfonikoaren abonu-kontzertuen lehenengo emanaldia primerakoa izan bazen, ezin gauza bera esan bigarren saioari buruz. Agian egitura klasikoetan errotutako musika –itxuraz erraza, baina sakonean oso zaila interpretatzeko- programatu zelako, agian... [+]
Hasi da Euskadiko Orkestra Sinfonikoaren aurtengo abonu-zikloa. Gasteizko emanaldian egon ginen eta, kontuan hartuta Principal Antzokiko akustika ez dela onenetakoa, esan behar da taldeak bere onena eman zuela eta soinu bero eta haragitsua lortu zuela, dudarik gabe. Beraz,... [+]
