Mikel Arbulu (Urretxu, 1999) goxoa.eus egitasmoko bazkideetako bat da. Euskal Herriko elikagai ekoizleen produktuak saldu eta erosleen etxeetara eramaten dituzte.
Nolatan elikadurarekiko kezka?
Amak elikadura ekologiko eta osasuntsuari garrantzia eman dio beti. Umetatik gauza batzuk noizean behin bakarrik jan behar direla irakatsi digute etxean. Kaletarra naiz, baina nire izebak ortutik ekartzen ditu barazkiak etxera. Horrek guztiak eragina izan du nire bizitzan.
Ze ikasketa egin zenituen?
Lidertza, Ekintzailetasuna eta Innobazioa gradua egin nuen. San Franciscora joan ginen eta bertako ekimenak ezagutu genituen. Han ikusitakoak hemen abian jartzea interesgarria iruditu zitzaigun eta duela urtebete, gutxi gorabehera, Federico Pacharekin elkartu ginen. Pacha gure bazkidea da eta gure egitasmoa aurrera eramaten lagundu digu.
Zeintzuk parte hartzen duzue egitasmo honetan?
Lau gara guztira: unibertsitateak ikaskideak izan garen hiru gazte eta Fede. Azken hau Orona enpresaren jangelaz arduratzen da eta lehen sektorea oso ondo ezagutzen du. Egitasmo askotan parte hartzen du eta Irizar sukaldaritza eskolako irakaslea izan da. Esperientzia handia du eta berarekin lan egitea zorte handia da. Beste bi bazkideak Aitor eibartarra eta Gorka zarauztarra dira. Ilusio eta gogo handia dugu.
Zer da zehazki eskaintzen duzuena?
Goxoa plataforma bat da. Ekoizleei orain artekoa baino salmenta kate justuagoa eta erosoagoa eskaintzen diegu. Gurekin lan egiten duten ekoizleek prezioak ezartzeko askatasun osoa dute eta gu banaketaz arduratzen gara.
Zenbat ekoizlerekin lan egiten duzue?
Dagoeneko 40 ekoizle baino gehiagorekin lan egiten dugu. Horien artean, 27 gipuzkoarrak dira.
Zer aurki daiteke goxoa.eus plataforman?
Plataforman denetik aurki daiteke: esnekiak, baratzeko produktu ekologikoak, ore amaz egindako ogia, haragi ekologikoa, Oronan bertan elikagai ekologikoekin eta modu ez industrialean egiten diren platerak… Ahalik eta eskaintza zabalena eskaintzen saiatzen gara.
Zeintzuk dira zuen bezeroak?
Gure bezeroak familiak, jatetxeak, enpresak eta ikastetxeak dira. Bertako eta garaian garaiko produktu ekologikoen kontsumoa sustatu nahi dugu. Gainera, plataforma handietan eskuragarriak ez diren produktuak eskaintzen ditugu.
Goierriko ekoizleekin ere lan egiten al duzue?
Bai. Olaberriako Behieko gaztak, Zaldibiako Euskaber arrautzak, Lazkaoko Iztueta esnekiak, Zeraingo Lumagorri oilaskoak eta Oiharte sagardoa eta Itsasoko Gorka Sasietaren haragia eros daitezke goxoa.eus plataforman.
Ekoizleak dira zuen webguneko protagonista nagusiak.
Webean enpresako bazkideon irudia ez da inon ageri. Ekoizleak dira protagonistak. Bakoitzak bere atala du eta bertan beraien lanari buruzko informazioa eskaintzen dute: nola lan egiten duten, zein filosofia duten, zein produkturekin lan egiten duten… Produktua nondik datorren eta nola egiten den jakitea oso garrantzitsua da.
Primeran jateko behar dugun guztia etxean jasotzeko aukera ematen duzue.
Gure salmenta egunak astelehena, asteartea, osteguna eta ostirala dira. Eskaera aurreko eguneko 22:00ak baino lehen egin behar da.
Zergatik komeni da bertako produktu ekologikoak erostea?
Erosketa guztiek ondorioa dute: gure dirua modu kontzientean gastatu behar dugu. Guk erabakitzen dugu ze negozio, ekoizle, elikagai… mota sustatu nahi dugun. Guk erabakitzen dugu gure inguruan ze negozio, ekoizle eta elikagai nahi ditugun.
Florentzia, 1886. Carlo Collodi Le avventure de Pinocchio eleberri ezagunaren egileak zera idatzi zuen pizzari buruz: “Labean txigortutako ogi orea, gainean eskura dagoen edozer gauzaz egindako saltsa duena”. Pizza hark “zikinkeria konplexu tankera” zuela... [+]
Nekazariarentzat baratzea eragozpena besterik ez da. Egungo makina bat nekazari “aurreratuk” horrela pentsatzen du. Bere lanean ez dute baratzerik behar, ezta oilategirik, ezta sagarrondorik, ezta erlauntzarik ere.
Munduan gutien aipaturiko krisi humanitarioa da Angola hego-mendebaldean 2019az geroztik irauten duena. Klima aldaketak indarturiko lehorte luze baten ondorioz milioika pertsona janari eskasean edo desegokitasunean bizi dira eta ura bilatzeko ahalegin handiak egin beharrean... [+]
Udaberrian orain dela egun gutxi sartu gara eta intxaurrondoa dut maisu. Lasai sentitzen dut, konfiantzaz, bere prozesuan, ziklo berria hasten. Plan eta ohitura berriak hartu ditut apirilean, sasoitu naiz, bizitzan proiektu berriei heltzeko konfiantzaz, indarrez, sormen eta... [+]
“Hondakinik ez platerean!”. Hori zen kontsigna gure txikitako otorduetan. Janariak zeozer sakratu bazukeen, batez ere ogiak; lurrera erori eta, jasotakoan, musua eman behar zitzaion. Harik eta adin zozoan mamia baztertzeko moda etorri zen arte, lodiarazten zuelakoan... [+]
Bizkaigane elkarteak elikadura burujabetzan oinarritutako proiektua du Errigoitin (Bizkaia), 1983tik. Instalazioak dauden lur eremutik aterarazi nahi du lur jabeak elkartea. EHNE Bizkaia sindikatuak adierazi duenez, instalazioek lege eta administrazio eskakizun guztiak betetzen... [+]
Martxoaren 10etik 26ra izango da udaberriko kanpaina. 'Beste modura, denona de onura' lelopean arituko dira gertuko ekoizpena, banaketa eta kontsumoa babestu eta sustatzeko, ager zonaldean euskara hauspotzen duten bitartean. Apirila amaieratik aurrera jasoko dira... [+]
Euskal Herriko bi muturretatik datoz Itziar (Bilbo, 1982) eta Ekaitz (Erriberri, 2002), sortzen ari den Burujabetzaren Aldeko Mugimenduaren berri ematera. Euskal Herrian diren burujabetza prozesu ugariak arloz arlo bultzatu eta indartu nahi ditu BAMek. Lan horretan hasteko,... [+]
Ur kontaminatua ur mineral eta ur natural gisa saltzen aritu dira urte luzeetan Nestlé eta Sources Alma multinazional frantsesak. Legez kanpoko filtrazioak, iturburuko ura txorrotakoarekin nahasi izana... kontsumitzaileen osagarria bigarren mailan jarri eta bere interes... [+]
Emakume bakoitzaren errelatotik abiatuta, lurrari eta elikadurari buruzko jakituria kolektibizatu eta sukaldeko iruditegia irauli nahi ditu Ziminttere proiektuak, mahai baten bueltan, sukaldean bertan eta elikagaiak eskutan darabiltzaten bitartean.
Zuhaitza esnatzear dago, kimuak ageri dira adarretan. Gutxi falta da loraldirako, laster aro berria hasiko du, indarberrituta.
Estatu Batuen muga-zergak nahiko buruhauste ez balira, pasa den asteko albiste xalo samar batek dardara-uhinak helarazi ditu mundu-parte handi bateko otordu-mahaietaraino: Japoniako gobernuak bere arroz-gordekin estrategikoetako 210 mila tona merkaturatzeko agindua eman du,... [+]
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Pandemiaren ondorengo testuinguruan, elikadura –ustez oinarrizko eskubide den hori– lantzeko mugitzen hasi zen talde bat Gasteizen. “Militantzia esparruan beste gaiak jorratzen ari ziren ordurako, etxebizitzarena kasu, baina elikadura ardatz hartuta ez zegoen... [+]
Errezilera bizitzera joan eta sagarrondoak landatu zituen Satxa Zeberiok, Bio-K proiektuaren bultzatzaileak, duela zenbait urte. “Iritsi zen sagarrekin zerbait egiteko momentua, eta sagar zukua eta sagardoa ekoizteari ekin genion orduan”, azaldu du. 2015ean sortu... [+]
