Hisham Abu Hawwash inolako kargurik egotzi gabe eta epaiketarik gabe, denbora mugagabez atxilo zeukan Israelek. Asteartean jakinarazi du 141 egun luzatua zen gose greba amaitu duela, Israelekin adostasunera iritsi ostean: otsailaren 26an askatuko dute. Garaipena ospatu dute palestinar ugarik. Orotara 4.500 preso politiko palestinar daude Israelgo espetxeetn gatibu, horietatik 500 espetxealdi administratiboan.
Israelen espetxealdi administratiboa deiturikoan gatibu zuten preso palestinar batek –bere aurkako karguak zein ziren jakin gabe eta epaiketarik gabe denbora mugagabez preso– 141 egunez egin duen gose greba amaitzea erabaki duela jakinarazi du bere abokatuak. Middle East Eye hedabidean irakur daitekeenez, 40 urteko gizasemea datorren hilabetean askatzea onartu du Israelek.
Hisham Aby Hawwash azken aldian espetxealdi administratiboen aurka gose greba abiatu duten preso palestinarretako bat da. Preso administratibo deiturikoei ez zaie jakinarazten zer egozten dieten eta ez dakite noiz arte egongo diren preso, Israelgo legediak ez baitu mugarik ezartzen.
Azken asteetan mobilizazioak indartzen ari ziren Abu Hawwash babesteko Zisjordanian eta Gazan. Palestinako Jihad Islamikoak mehatxua egina zuen, preso hau hiltzen bazen, erasoak abiatuko zituztela esanez.
Abuztuan abiatu zuen gose greba eta azken hilabetea ospitalean egin du, koma egoeran sartu eta atereaz, Al Jazeeran irakur daitekeenez. Hedabide palestinarrek informatu dute ikusmena eta hitz egiteko gaitasuna galdua zuela.
Gose greba hau izan da preso palestinar batek egin duen luzeena, 2013an Samer Issawik zortzi hilabetez luzatu zena egin ostean.
Presoen eskubideen alde lanean ari den Addameer eragile palestinarrak salatu du Israelek areagotu egin duela azken aldian espetxealdi administratiboen erabilera, eta hori borrokatzeko abiatu dutela hainbat preso palestinarrek gose greba.
1.600 palestinar atxilotu zituzten espetxealdi administratibopean 2021ean bakarrik. Addameer elkartearen datuen arabera, orotara 4.500 dira preso politiko palestinarrak eta horietatik 500 preso dauzkate jakin gabe noiz arte edukiko dituzten hala, zergatik dauden atxilotuta eta epaiketarik gabe. Elkarte honen abokatu Milena Ansarirekin mintzatu dira Al Jazeeran eta honek ospatu egin du Abu Hawwashen garaipena. "Hala ere, ez da justua ez momentuan bertan askatzea", deitoratu du.
Gertaera hau dator, preso palestinarrek jakinarazi berritan Israelgo epaitegiei boikota egingo dietela.
Hamas, Fatah, Palestina Askatzeko Herri Frontea, Palestinako Jihad Islamikoa eta beste hamar taldek hitzarmena sinatu dute, genozidioa amaitu ostean “Palestinako lurralde guztien” gaineko agintea izateko. “Okupazioaren aurka borrokatzeko” eskubidea dutela... [+]
Palestinar errefuxiatuen kanpalekuen ondoko ur zikinetan Poliomielitis birusaren kontzentrazio altuak topatu dituzte. UNICEFek ohartarazi du “hondamendia” gertatzeko aukera asko daudela.
Hamasen urriaren 7ko erasoa eraikin zahar bat astindu duen lurrikararekin konpara daiteke. Arrakalak agertzen hasiak ziren, baina orain begi-bistan daude, oinarrietaraino.
Estatu palestinar bat, bi estatu edo batere ez. Horiek dira Palestinako gatazkaz aritzean irudikatzen diren irtenbideetakoak. Egungo Gazak eta Zisjordaniak osa dezakete Palestinako Estatua; edo izan daiteke Zisjordaniako A eremua bakarrik –Palestinako Agintaritzako... [+]
25 egun baino gutxiagoz egon da martxan hasieratik polemikoa izan zen portua. “Distrakzio neurria” izan dela salatu dute eragile ugarik.
NJAk dio Israelek Palestinako lurralde okupatuetan duen presentzia “lurrak anexionatzea” dela, eta “ahalik eta azkarren” amaitu behar dela. Erabakia ez da loteslea.
Hodeidahko portuan gutxienez sei pertsona hil dituzte sionistek larunbatean. Ostiralean, Huthiek Tel Avivi eraso egitea lortu zuten lehen aldiz.
NBEren ikerketa baten arabera, lehertu gabeko artilleria, substantzia kaltegarriak eta palestinarren gorpuak daude hondakin artean. 50.000 bonba baino gehiago bota ditu Israelek urritik, eta 40 milioi tona hondakin sortu dituzte.
Genozidioarekin lotutako suizidio ugari identifikatu dira, armada sionistak datuak ezkutatzen baditu ere.
Tal Mitnick Hemezortzi urteko gaztea izan da azken hamarkadan kontzientzia eragozpenagatik denbora gehienez espetxeratu dutena.
Oposizioko taldeek proposatutako ikerketa batzorde ofiziala ez da aurrera atera, boz gutxiren aldearekin. Arrazoi ugari daude gobernuko kideek gertaerak ikertu nahi ez izateko.
Horietatik hiru haur siriarrak ziren, eta haien etxearen kanpoaldean jolasean zeudela hil dituzte, NBEak gaitzetsi duenez. Hezbollahk mehatxu egin du Israelgo zonalde berriei eraso egingo diela, Israelek azken egunetan Libanon egindako hilketen ondoren.
Gutxienez 23 palestinar hil dituzte Nuseirat errefuxiatu kanpalekuko eskola batean. Genozidioa hasi zenetik “aste odoltsuenetakoa” izan da azken hau, UNRWAren arabera.
Bonbardaketarik tragikoena larunbatean burutu zuen Israelgo Armadak, desplazatuen ehunka dendaren aurka, Al Mawasin, Gazako hegoaldean. Israelgo Armadak "eremu humanitario seguru" izendatu zuen eremu hori. Gutxienez 90 pertsona hil eta 300 zauritu zituen bost misil eta... [+]
Israelgo egunkari Haaretz-ek hilabeteetako ikerketa egin du Israelgo Armadak iragan urriaren 7an Hamaseko erasoari nola erantzun zion aztertzeko. Armadako soldadu eta ofizial ugarirekin hitz egin du eta ondorioa argia da: Israelek Anibal direktiba indarrean jarri zuen, aurretik... [+]