Gose greba mugagabea abiatu du Venezuelan dagoen Asier Guridi iheslariak, herritartasun eske
Venezuelan dagoen Asier Guridi Zaloña euskal iheslari politikoak abenduaren 3an gose greba abiatu duela jakinarazi du. Caracas hiriburuko Espainiako kontsuletxearen aurrean dago, bere eskubideak eta 13 urteko bere semearenak aitortuak izan daitezen eskatzeko. 2005ean iritsi zen Hego Amerikako herrialde hartara eta 2013an atxilotua izan zenetik herritartasunik gabe dago.
"2013 urtean hasi zen nire infernua. Ni nortasun, eskubide, berme eta bizibiderik gabe utzi ninduten kalean; eta honek nire semea Iban ere nortasun arazoekin eta eskubiderik gabe utzi zuen –dio ARGIAra igorri duen oharrean–. Urteak egin ditugu era guztietako arazoekin; jangaien arrazionamendua izan genuen garaian supermerkatuetan ez ziguten janaririk saltzen N.A.N agiririk ez genuelako; linbo egoera honetan ez zegoen taxista edo mototaxista lanik egiterik, eta diru-iturri bila kalera laranja zukuak egin eta saltzera ateratzean ere eragozpenak eta debekuak izan ziren".
Kontatzen duenez, urteak igaro dituzte horrela. 2020.urtean Caracasko Espainiako Kontsulatuak ere ukatu egin zion Espainiak atzerrian eman dezakeen nortasun agiria. Horrela, Oñatin dagoen Iban semeari, venezuelar jatorriko erregularizazioz kanpoko haurra izatea ekiditeko bidea ere itxi zitzaion. "Nola eman semeari dagozkion eskubideak, eskubide horiek eskuratzeko beharrezkoa den aitaren nortasuna ukatzen bada?", galdetu du.
Guridik salatzen du linbo egoera horretan bizi beharra egunerokoan arazo iturri etengabekoa dela. "Ezin lanbide normal bat izan, ezin gidatzeko baimenik izan, ezin zordunketa-txartelik edo bankuko konturik izan, ezin mugikorrik norberaren izenean izan... Eta nire seme Iban Guridiri ere eragiten dio: ezin ikasketetarako beharrezko dituen bekak eskatzeko eskaerak osatu, ezin erregularizazio agiria eskatzen den txango eta bestelakoetan parte hartu, DBH-2ko ikasketak amaitzean ez omen zaio horren agiririk emanen, oinordetza eskubideak edota errepideko kontrol arrunt batean paperik ezaren arazoak eragingo lukeenaren etengabeko beldurra besteak beste", dio oñatiarrak.
Horrenbestez, Caracasko Espainiar Kontsulatuaren aurrean gose greba mugagabea hasi duela adierazi du bere eta bere semearen eskubideen eske. "Espainiar Estatua da duela urtebete niri pasaportea ukatuz gure egoera erregularizatzea ezinezko egiten duena. Era berean Venezuelako Gobernu Bolibariarrak ere baditu egoera hau konpontzeko tresnak; bai asilo eskubidea emanez; bai errefuxiatu izaera onartuz, baita hemen hainbeste urte daramatzan venezuelar jatorriko haur baten aita izatearren ohiko nortasun agiri arrunta eginez; Venezuelako Gobernu Bolibariarraren esku ere badago Ibanen jaiotze agirian egin beharreko zuzenketa guztiak egitea".
Euskal Herriko herritar, lagun eta taldeen babesa eta laguntza eskatu ditu.
Asier Guridi espetxean izan zuten 1992tik 1997ra, eta 2001ean egin zuen ihes bere izena Ekin erakundearekin lotutako zerrenda batean atera zenean. Guardia Zibilaren esku torturak eta presondegietan sei jipoi salatuak ditu.
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Etxerat elkarteak jakinarazi duenez, Luis Elisardo Roncero Retortillo gasteiztarra eta Anartz Aranbarri Etxaniz ondarrutarra Euskal Herrira itzuli dira. Biak euskal gatazkak eragindako iheslari ohiak dira.
2002an sortu zen Ataramiñe argitaletxea, eta ordutik euskal errepresaliatu politikoek idatzitakoak argitaratu ditu. 2017ra arte lan kolektiboak argitaratu zituen, eta horietako zenbaitekin antologia osatu du: Urrun da zeru urdina. Ataramiñe 2002-2017. Ez da... [+]
Biarritz, 1972ko urriaren 14an. Javalquinto lorategietan, udaletxearen ondoan, Nguyen Van Dong vietnamdar herritarra suizidatu zen, bere buruari bonzo erara su emanda.
Xanti Zapirain Elizalde “Kaiku” hil dela jakinarazi du Antxeta Irratiak asteazken honetan. Altzan (Gipuzkoa) jaioa 1953an, 20 urte zituela Hendaiara (Lapurdi) ihes egin zuen Frankismoaren jazarpen politikotik ihesi eta errefuxiatu-bizitzaren alderik garratzenak... [+]
18/98 makrosumarioan atxilotu eta torturatu zutenetik 23 urtera, espetxeari ihes egin zionetik hamabostera, apirilaren 5ean bueltatu zen etxera Nekane Txapartegi asteasuarra. ARGIAren Lasarteko egoitzara bisitan, hitz egin digu erbesteaz, euskaraz, torturaz, feminismoaz,... [+]
Asteazkena zuen baraualdiaren 36. eguna, baina azaldu duenez, erietxean artatu behar izan dute. Gose greba eten arren, bere nortasun juridikoa lortzeko borrokan jarraituko duela dio.
Martxoaren 29an abiatu zuen gose greba Asier Guridi Zaloña errefuxiatu politikoak Caracaseko (Venezuela) Espainiako Kontsulatuaren aurrean, nortasun juridikoa eskatzeko. Espainiako Estatuak ez dio nortasuna aitortu eta oinarrizko eskubideetara sarbidea murriztua dauka... [+]
Astearte goizean Auzitegi Nazionalean aurkeztu eta gero, arratsalderako Asteasu sorterrian zen. Dokumentu faltsutzea leporatuta epaituko dute Madrilen, baina ez diote kautelazko neurririk ezarri. ARGIAko kolaboratzailea da Txapartegi.
Euskal errefuxiatuei laguntzeko 1960ko hamarkada amaieran sorturiko Anai Artea elkartearen historia laburbiltzen duen liburua argitaratu du Elkarrek. Txomin Hiriart-Urrutyk egindako ikerketa da eta Joseba Sarrionaindiaren sar hitza ere badu. Liburuaren harira Juan Mari Arregik,... [+]
Asteartean jaso zuen Venezuelako Gobernuaren erabakia. Bere herritartasuna eta 13 urteko bere semearena onartzea eskatuz abiatu zuen gose greba mugagabea abenduaren 3an.
Askotariko egoerak bizi izan dituzten euskal iheslari eta deportatu politikoen seme-alaben testigantzak biltzen ari da Miren Azkarate Badiola donostiarra, liburu batean argitaratzeko. Konparatzeko inolako asmorik gabe, “ezberdinak baitira espetxeratuen eta atxilotuen... [+]
1980an Luis Hergeta Gasteizko Michelin enpresako zuzendaritzako kidea hiltzea leporatzen zion Espainiako Auzitegi Nazionalak eta orain, Berria-k jakinarazi duenez, Santiago Pedraz epaile instruktoreak bertan behera utzi du autoa, onartuz inputatuak ez zuela parte hartu ekintza... [+]
