‘Brandalism’ ekintza arrakastatsu bat Ertzaintzaren 40. urteurrenari hasiera emateko
Donostia publizitatez josteko darabiltzaten zenbait markesina zabaldu eta publizitateak aldatu dituztela jakin da larunbat goizean. Ez da lehen aldia. Oraingoan, herritarrak ertzain edo udaltzain izan daitezen Jaurlaritza eta Eudel egiten ari diren kanpainaren bestelako bertsioak paratu dituzte puntu ugaritan, udaletxearen alboan dagoena eta oso kontrolatuta egoten dena barne: touché. Bi agente elkarri irribarretsu begira erakutsi beharrean Zatoz euskal poliziara lelopean, Ertzaintzak azken urteetan egin dituen operazio bortitzen argazkiak daramatzate.
Orduak egin dituzte jarrita kartel hauetako askok, zenbait erabiltzailek sarean nabarmendu dutenez, eta kazetari honek larunbat eguerdian ikusi zuenez, seko harrituta geratzen zen herritar asko iragarkiari begira, zer pentsatu jakin gabe bezala. Denok ikusi dugu Ertzaintzaren biolentzia, baina publizitatea egiteko bezain harro erakusten al du orain Jaurlaritzak? Egiazkoak ala gezurrezkoak izango al dira?
Sarean pixka bat zabaldu denean, Ertzaintzaren Esan sindikatuak lehenik eta Jaurlaritzako segurtasun sailburu Josu Erkorekak ondoren, milaka lagunengana heltzeko falta zuten bultzada eman diote kanpainari. Esanek gaztelania hutsean idatzitako komunikatuan “kanpaina koldar horren arduradunen aurka” egiteko eskatu du –kanpaina “oso zaindua” dela eta “gutxitan ikusten den kopiagintza maila” nabarmenduz–, eta Ernek astelehen goizean ere egileen aurka egiteko eskatu du, honek ere gaztelania hutsean.
Zerk adierazten du baina gorrotoa?
“Gorrotoa adierazten duten argazkiak. Iraganean ainguratuta jarraitzen dutenen argazkiak”. Horixe idatzi zuen Josu Erkoreka segurtasun sailburuak sare sozialetan larunbatean bertan, bi markesinaren argazkiak erakutsiz eta Ertzaintzan izen emateko kanpainaren arrakasta nabarmenduz.
Argazki horietan ikusten dena, ordea, ez da iraganeko kontua. Ertzaintzak egin operazioen argazki batzuk dira, herritarrok azken urteotan hedabideotan ikusteko parada izan dugunak. Hor manipulaziorik ez da. Gainera, argazkietan ikusten diren jarduera horietako asko Jaurlaritzak berak txalotuak dira. Horrez gain, gorrotoa zerk adierazten duen pixka bat zehaztu dezala galde dakioke sailburuari. Imajinatzen dugu ez dela ari protesta baketsuan ari den herritarra jipoitzen duen agenteak senti dezakeen gorrotoaz. Irudi horiek besterik gabe erakusteak gorrotoa adierazten badu, prentsan ere argazki horiek erakusteak gorrotoa adierazten duen galde geniezaioke.
Kartel hauek jarri dituzten herritarren aurka egingo dutela iragarri du Erkorekak. Hori esateko ez du egun onena hautatu, ordea. Larunbatean informatu baitu Naizek Jaurlaritzak Ernairen aurka irekitako kausa abuztuan artxibatu ziotela epaitegiek. '"Egin zaitez artzain, ez ertzain” kanpainagatik, “Gorroto delituak” egotzi nahi izan zizkioten gazte antolakundeari. Bide batez esateko, gizartean gutxiengo zaurgarriak babesteko sortutako figura Poliziaren mesedetan erabiltzea eskuin muturraren estrategia da. Hala ere, ez du inolako biderik egin epaitegietan eta zail da irudikatzea oraingo honek egingo lukeenik.
Esaldi iraingarririk erabili gabe, Ertzaintzaren beste aurpegia erakutsi nahi izan duten ekintzaileak pozarren egongo dira sei kartelekin izan duten oihartzun zabalagatik. Agintariek horretan eman dieten laguntzarekin ere oso eskertuta egongo dira.
Honenbestez, esan dezakegu hasi dela Ertzaintzaren 40. urteurrena, Brandalism ekintza arrakastatsu batekin hasi ere.
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren... [+]
Ertzaintzak ertzain bat atxilotu du, hiru pertsona hiltzen saiatzea egotzita. Agentea lan orduetatik kanpo zegoen, eta deklaratu zuen bere buruaren defentsan egin ziela tiro furgonetan zihoazen ustezko hiru lapurri. Ertzaintzaren ikerketaren arabera, gezurra da deklaratu duena.
Lurrean zela, polizia batek Realeko zaleari ostikoa jo ziola ikus liteke Ertzaintzak bere ikerketan erabilitako bideoetako batean, Noticias de Gipuzkoa-k zabaldu duenez. Martxoan, Realaren eta PSGren arteko Donostiako futbol partidaren testuinguruan izandako istiluetan zauritu... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Agintaritzaren aurkako atentatua egitea leporatu diete bi atxilotuei. Ertzaintzak adierazi duenez, bi polizia agente zauritu zituzten igandeko operazioan.
2018 eta 2022 artean, gutxienez 32 aldiz erabili zuen arma hori Ertzaintzak. 2017an, Jaurlaritzak 50.687 euro bideratu zituen taser pistolen erosketara. Azken hilabeteetan, dozenaka pertsona zauritu dituzte ertzainek hamaika polizia-kargatan.
Gazte Koordinadora Sozialistak agerraldia egin du Gasteizen, larunbat gauean hainbat gaztek jasandako polizia-indarkeria salatzeko. Izan ere, etxebizitza huts batean sartu ziren gazteei babesa adieraztera bertaratu zen jendea jipoitu zuen Ertzaintzak. Lau pertsona ospitaleratu... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]
Drogen eraginez agerraldi psikotiko betean zen 36 urteko gizon batek Poliziaren laguntza eskatu zuen Astigarragan, pasa den otsailaren 2an. Lagundu ordez, Ertzaintzak gizona bortizki tratatu zuela eta anbulantzian sartu zutenerako hilda zegoela salatu du haren familiak.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Egun osoko jardunaldi politikoaren barruan, manifestazio bat egingo du 19:30ean, Gipuzkoa Plazatik abiatuta. "Azken asteotako jazarpen polizialaren eta errepresioaren" kontra mobilizatuko dira.