“Gorriti eta bere animaliak” ikuskizunaren aurkako salaketa jarri du Equok
Usurbilen eta Ordizian egindako saioek “beharrezko udal eta foru baimenak dituztela” frogatzeko eskatu du alderdi ekologistak. Gipuzkoako Foru Aldundiari helarazi dio kexa administratiboa.
Equo alderdi ekologistak “Gorriti eta bere animaliak” ikuskizuna salatu du, animaliei ematen zaien tratua dela eta. Ohar batean adierazi duenez, “txahalekin egindako sokamuturrak, basurde txikien harrapaketak edota oilarren arteko borrokak” egin ohi dituzte ikuskizun horretan. Sokamuturraren kasuan, alderdiak gogorarazi du NBEko Haurren Eskubideen Komisioak ez duela ontzat ematen haurrek halakoetan parte hartzea.
“Ezin dugu jarraitu animaliak objektu gisa erabiltzen, ezta tratu txarra ematen ere, haurrei haienganako enpatiarik eza txertatzen diegun bitartean”, adierazi dute ekologistek. Horregatik, ikuskizunak “beharrezko udal eta foru baimenak” dituen frogatzeko eskatu diote aldundiari.
“Duela 40 urte, enpresak ikusizun hauek abiarazi zituenean, ez zegoen animalien babeserako araudirik, baina gaur egun bai”, gogorarazi du alderdi ekologistak. Horregatik, gaian “esku hartzeko” eskatu die instituzioei.
Equo ez da Gorritiren saioa salatzen duen lehendabiziko eragilea; duela aste batzuk hura debekatzeko eskatu zuen Acción Para el Respeto Animal plataformak, Eusko Jaurlaritzari 59.000 sinadura aurkeztuta.
Gipuzkoako Plataforma Antitaurinoak deitu zuen mobilizazioa, “Ez da kultura tortura da” lelopean. Donostiako Aste Nagusian zezenketak egongo dira aurten ere, jaietako egitarautik kanpo bada ere, hiru ikuskizun eskainiko dituzte abuztuaren 15,16 eta 17an Illunbeko... [+]
Zezenketez gain, burtzikatzeak, zekorketak eta haztegiak debekatuko dituzte 2027. urtetik aurrera. “Erabaki historikoa” izan dela adierazi du Kolonbiako presidente Gustavo Petrok.
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Zezenak torturatu eta hilko dituzte aurten ere Donostiako Aste Nagusian, hiru egunez. Arte y Cultura BMF enpresak iragarri ditu Illunben aurten egingo dituzten zezenketak, eta Aste Nagusiko bigarren asteburuan izango dira, abuztuaren 15ean, 16an eta 17an (18:00etan).
"Zezenketarik gabeko sanferminetarako trantsizioa errazteko" eskatu die Iruñea Antitaurina kolektiboak Peñen Federazioari. "Festa giroan zezenen presentzia egon behar den edo ez aztertzeko" garaia iritsi dela uste du kolektibo horrek eta ... [+]
Antiespezismoa akademiara hurbiltzeko asmoz zenbait ikertzaile eta ikasleren artean ‘Animalia ikasketa kritikoen EHU/UPVko I. kongresua’ antolatu dute martxoaren 20tik 22ra Leioan.
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.
Ez nuen usteko egun batean zozoarekin komunikatzeko gai izango nintzenik. Miraria duela bizpahiru urte gertatu zen. Atarian geundela, zozo bat zalapartan entzun zen baratzean, zer arraio zen begiratzera joan eta erdiko pasabidean katua, ondoan tomate-makila gainetik txoria... [+]
AnimaNaturalis eta PETA erakundeak antolatu dute protesta, Udal Plazan 12:00etan, festak hasi baino egun bat lehenago. Nafarroako, Espainiako eta Europako aktibistak elkartuko dira. Manifestazioa AnimaNaturalisen “odolik gabeko Sanfermin” kanpainaren barruan dago.
Joan den larunbatean, ekainaren 17an, Bilbon, Animalistak kolektibo antiespezistak Azken erasoaldia lelopean antolatu zuen manifestazioa.