Trafiko eskumen osoa berreskuratuko du Nafarroak 2026ko uztailerako, Gorenaren epaia beteta
Transferentzien Batzordearen Nafarroako ordezkaritza bildu da ostegunean eta eskualdatzea egiteko Auzitegi Gorenaren proposamena babestu dute gobernu taldeek. Berme osoz Trafiko eskumena berreskuratzeko izapideak egiteko epea luzatu dute. Uztailaren 23an eginen dute hurrengo batzordea.
Nafarroako Foru Eraentza Berrezarri eta Hobetzeari buruzko Lege Organikoaren, LORAFNAren, moldaketa izan zen Auzitegi Gorenaren azken eskaera Trafiko eskumena eskuratzeko, “legegintzarako mekanismo egokia” ez zela iritzita. Horretarako konpromisoa azaldu zuen Maria Txibiteren gobernuak. Foru Erkidegoari Trafikoko eskumen osoa eskualdatzeko prozesuaren jarraipena egin zuten atzo eta urrats formala eman dute dagoeneko.
Felix Taberna Nafarroako Gobernuko lehendakariorde eta Presidentzia eta Berdintasun kontseilariak azaldu bezala, “gehiengo jarrerarekin aurrera eramango du sententzia, moldatuko dugu legea eta epea zabalduko dugu izapideak egoki egiteko”.
Transferentzia Batzordeari helaraziko diote aldeko jarrera hori, Espainiako Gobernuak eta Nafarroako administrazioak osatzen duten batzordean, datorren asteartean izanen dena. Eta handik bi urtera, beranduenez 2026ko uztailean Trafiko eskumena Nafarroaren esku geratuko da. Epe horren baitan berme guztiekin egin ahal izango dira Nafarroak Trafiko eskumen osoa berreskuratzeko egin beharreko izapide guztiak. 2025 urtarrilean hasiko da atzera-kontaketa, legearen hobekuntza gauzatzen denean eta Nafarroako Aldizkari Ofizialean argitaratzen denean.
Moldaketen artean akordioak zehazten du "orain arte izan dituen ahalmen eta eskumenez gain, Nafarroari dagokiola Estatuko legedia betearazteko eskumena, baita trafikoa zaindu eta kontrolatzeko eskumena ere". Bestalde, arau-hausteak antzemateko funtzio izan ahal izateko Lege Organikoa aldatu behar da; Foruzaingoaren eskumenak LORAFNAn xedatutakoaren arabera arautuko direla. Hartara, Nafarroa ez da trafikoko isunak biltzen hasiko 2026ra arte, aurreikusitakoa baino urtebete beranduago eta pixkanakako prozesuan.
Alderdi guztiek, PPk eta Voxek izan ezik, tramitea babestu dute
EH Bilduk "pauso bat gehiago" ematea txalotu du, baina epeak "atzeratu" egin direla deitoratu du Laura Aznalek. Gero Baik ere Nafarroako Transferentzien Batzordearen jarrera babestu du. "Horrek Nafarroako autogobernuarekin eta Trafiko eskumenaren transferentziarekin dugun konpromisoa erakusten du", azaldu du Maria Solana bozeramaileak. PSNko bozeramaile Ramon Alzorrizek bilerarekin "pauso garrantzitsuak” ematen jarraitzen dutela Trafikoaren eskumena errealitate izan dadin adierazi du, azpimarratuz “PP eta Vox kanpo dauden arren".
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Asteazken honetan Pirinioetako herritarrek batzar irekia egin dute Jaurrietan eta salatu dute Nafarroako Gobernua ez dela behar bezala garatzen ari Pirinioetako Plana.
2023ko maiatzean iragarri zuten Volvo multinazionalak inbertsio handia egingo zuela Nafarroako Sakanako autobus enpresan. Orain, ordea, akordioa bertan behera gelditu dela adierazi dute bi enpresek.
Pirinioetako Mahaiak agerraldia egin zuen ostiralean, "konpromisoen lege bat" eskatzeko eta Nafarroako Gobernuari "neurri zehatzak" exijitzeko.
María Chivite presidenteak lankidetza publiko-pribatua “beharrezkoa” ikusten du aurrerapen digitala lortzeko. Besteren artean, adimen artifiziala erabiliko du Microsoft Ibéricak, instituzioetako izapideak “arintzen laguntzeko”.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Adin txikikoentzat jokoan aritzea debekatuta dago, baina, hala ere, Nafarroan 14 eta 18 urte artekoen artean %32 aritzen da jokoan. Ludopatiaren prebentzioan eta laguntzan aritzen da Aralar Elkartea 1996tik. Nafarroako Gobernuak prest duen Jokoaren Foru Legea "hutsune"... [+]
Poligonoaren Aurkako Asanbladak deituta, igandean egin duten martxan 300 pertsona inguru izan dira. Tiro praktika eremua kentzeko eskaera izan da aldarri nagusia, baina beste bi gairi lekua egin nahi izan diete beren protestan. Batetik, Palestina eta munduan gerra jasaten ari... [+]
Motibazio politikoko lehen hamabi biktimarentzat aitortza eta erreparazio ekitaldia egin da maiatzaren 30ean Iruñeko Baluarte aretoan. Ekitaldia urtero egiteko asmoa agertu du Gobernuak.
Erorien Monumentua eraisteko eskatzen duten memoria elkarteen ustez ezin da eraikin frankista horren etorkizuna utzi herritarren esku: “Faxismoa omentzen duen eraikinarekin zer egin frankismoaren oinordekoek ere parte hartzen ahal duten galdeketa batek ezin du... [+]
Ehunka lagun atera ziren ostegun honetako arratsaldean Sarasate Pasealekutik eta manifestazioa egin zuten Iruñeko Udal Plazaraino, eskatzeko udalari hiriko haur eskoletan euskaraz ikasteko eskubidea izatea lehentasunen artean jar dezala. "Haur eskolak euskaraz: eman... [+]
Maiatzaren 30ean eginen dute Estatuaren eta eskuin muturraren indarkeriaren biktimen aitortza ekitaldia, Baluarten. Biktima zehatzei egiten zaien molde honetako lehen ekitaldi publikoa izanen da, eta 2019ko legearen babespean gauzatuko da.
Astearte gauean Israelen genozidioaren aurkako itxialdia "normaltasunez" egin dute DBH eta Batxilergoko ikasleek Iruñerriko hainbat institututan, ARGIAri kontatu diotenez. Itxialdi horiek egin ez zitezen saiatu da Nafarroako Gobernua, astearte eguerdian... [+]
Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.
Foru Hobekuntzaren erreforma adostu dute Nafarroako eta Espainiako gobernuek, Trafikoa foru exekutiboaren eskuduntza historiko eta esklusiboa dela blindatzeko.