Google eta Hezkuntza Sailaren arteko hitzarmena argitaratu du EAEko aldizkari ofizialak

  • Ikastetxe publikoetan multinazionalaren tresnak erabiltzea dakar hitzarmenak, “kontraprestazio ekonomikorik gabe” eta gutxienez lau urteko indarraldiarekin. Hezkuntzan teknologia berriekin ere administrazioak “pribatizazioaren alde” egin duela salatu du aditu eta eragile ugarik.

Gutxienez lau urterako hitzarmena sinatu du Eusko Jaurlaritzak Googlekin, multinazional pribatuaren tresnak ikastetxe publikoetan erabiltzeko (argazkia: Kaiera)

2022ko apirilaren 21an - 16:27

Eusko Jaurlaritzako Hezkuntza sailaren eta Googlen arteko hitzarmena argitaratu du Euskal Herriko Agintaritzaren Aldizkariak ostegun honetan. Ebazpenak apirilaren 11ko data du, Jon Iñaki Urbina Jaurlaritzaren Idazkaritzako eta Legebiltzarreko Harrremanetarako zuzendariak sinaturik dago, eta multinazionalaren eta Hezkuntza Sailaren artean adostutakoa jasotzen du xeheki 35 orrialdetan.

Google multinazionalak Workspace for Education izeneko bere tresna-paketearekin hornituko du Hezkuntza Saila –Google Cloud edo Chromebook dira ezagunenetakoak–, bere mendeko ikastetxeetan erabiltzeko gutxienez lau urtez, baina beste lau urtez luzatzeko aukerarekin; eta horretarako bi aldeek hainbat konpromiso hartu dituzte.

Googlekin “lankidetzan” aritzeko konpromisoa hartu du Hezkuntza Sailak, eta talde misto bat sortuko dute horretarako

Hezkuntza Sailak Googlen zerbitzuak ezartzeko faseak definituko ditu eta zerbitzu horietarako sarbideak erraztuko dizkie irakasle zein ikasleei, baita beharrezko “prestakuntza-planak” egin ere. Gainera, Googlekin “lankidetzan” aritzeko konpromisoa hartu du Hezkuntza Sailak; talde misto bat sortuko dute horretarako, eta “tresna berriak probatzeko” betatester talde bat ere sortuko dute ikasleen artean. Azkenik, Hezkuntzak ikastetxeetan Googlen zerbitzuak erabiltzea sustatuko du.

Googlek, bere aldetik, erakunde publikoaren esku jarriko ditu dituen baliabideak, eta arestian aipaturiko “lankidetza” eta taldeetan parte hartuko du.

Hitzarmenak ez dakar “kontraprestazio ekonomikorik” bi aldeentzat eta, aldizkari ofizialean irakur daiteke “doakoa” dela. Hala, segurtasun eta pribatutasun klausulak dakartzan arren, testuak ez du zehazten Googlek zer onura izango lituzkeen ikastetxe publikoetan bere software itxia erabiltzearen ondorioz lorturiko datu pertsonalen tratamenduarekin eta informazio ugariarekin.

Google ikastetxeetan sartzeari kritikak

Ez dira gutxi Microsoft eta Google hezkuntza publikoan izaten ari diren hedapena kritikatu duten eragileak. Administrazio publikoari estrategia falta egozten diete eta konpainia pribatu horiei “alfonbra gorria” jartzea ikastetxeetan sartzeko.

“Notak, oharrak, gurasoekiko komunikazioa… Lainoa ez da existitzen, eta egun AEBetako multinazionalen ordenagailuetan daude datu horiek”, azaldu dio berriki Iñigo Gebara Hezkuntzan Librezale taldeko kideak Axier Lopezi. “Gure datuak enpresa pribatuen menpe uztea baino, hezkuntza komunitatearen kontrolpeko zerbitzarietan edo Eusko Jaurlaritzarenetan jartzea hobesten dugu”.

Adituek sarritan ohartarazi dute multinazional horiek eskaintzen duten “doakotasuna”, egiatan ez dela horrela: “Herritarrok uste dugu ez dugula ezer ordaintzen, baina ematen dizkiegun datu pertsonalak eta jasotzen dugun publizitatea dira ordaina”, dio Gebarak.

Hala, teknologiaren ustezko neutraltasuna zalantzan jarri eta eredu burujabeago bat bultzatu nahian dabiltza hainbat tokitan, besteak beste, zentroetan software libreak inplementatuz. Orain arte egindako bideaz eta aurrera begira hezkuntzan teknologia burujabetzak dituen erronkez sakon jardun zuen Mikel Garciak hainbat solaskiderekin Larrun honetan.


Kanal honetatik interesatuko zaizu: Teknologia burujabetza
2024-08-08 | Sustatu
Twitterren alternatiben analisia: Bluesky, Mastodon eta Threads

Elon Musk-en jarrera ultra eta toxikoak egunetik egunera agerikoago izanik, X/Twitter noren eskutan dagoen edozeinek ikusten du. Berriz ere egunotan sare horretatik alde egiteko deiak eta agurrak ikusten ari gara, eta horren harira artikulu interesgarria irakurri dugu Electronic... [+]


Gazteak teknologiaren ikuspuntu kritiko eta arduratsuan hezteko proiektuaren alde bozkatzeko azken eguna

Gazteen artean teknologia libreen ezagutza zabaltzeko “Digitalizazio arduratsua” proiektua prestatzen ari dira Baionako Etxepare Lizeoa eta Iametza. Gipuzkoako Foru Aldundiaren “Ideiak2024” aurrekontu parte-hartzaileetara aurkeztu dute egitasmoa. Gaur da [+]


Nafarroako Gobernuak Microsoft enpresaren esku utzi du administrazioa digitalizatzea

María Chivite presidenteak lankidetza publiko-pribatua “beharrezkoa” ikusten du aurrerapen digitala lortzeko. Besteren artean, adimen artifiziala erabiliko du Microsoft Ibéricak, instituzioetako izapideak “arintzen laguntzeko”.


TxikiLinux Txokoa Herri Urratsen, sistema eragile libre eta euskalduna ezagutzera emateko

Igande honetan, maiatzak 12, urtero bezala Ipar Euskal Herriko ikastolen Herri Urrats festa ospatuko dute Senpereko lakuaren inguruan. Aurten, TxikiLinux Txokoa egongo da Xiberoa gunean. 9:00etatik 17:00etara haurrentzako tailerrak prestatu dituzte, sistema eragile libre eta... [+]


Software librearen aldeko apustua Alemaniako Schleswig-Holstein estatu federalean

Software jabeduna utzi eta librera jauzia emateko helburua du Alemaniako Schleswig-Holstein estatu federalak. Hasteko, proba pilotu arrakastatsu baten ondoren, Microsoft Office baztertu eta LibreOffice erabiltzen hasiko dira administrazioan. Aurrera begira aldaketarekin jarraitu... [+]


AntennaPod: entzun podcast guztiak aplikazio bakarrean

Martxoaren 15ean RSSak (Really Simple Syndication) 25 urte bete ditu. Gehienek ez dakite zer den eta beste batzuk hiltzat jotzen dute, baina teknologia burujabetza ikuspuntutik oso interesgarria izaten jarraitzen du eta bizi-bizirik dago. Bitartekaririk gabe gure intereseko... [+]


Numeriko iraunkorraren eguna Baionako Estitxu Robles kolegioan

Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.


Google Analytics-en alternatiba librea den Matomo euskaraz erabil daiteke

Webguneen arduradunek beren bisitarien trafikoa aztertu nahi izaten dute, baina horretarako gehien erabiltzen den Google Analytics tresnak pribatutasun eta lege arazoak ditu. Alternatiba etikoago bezala gehien erabiltzen den Matomo software librea euskaratu du Iametzak.


Gerezien denbora burujabetza digitalarentzat

Badaramat denbora tarte bat haserre egunerokoan inguratzen nauen errealitate digitalarekin. Mugikorraren gehiegizko erabilera pertsonalak, seme-alaben hezkuntzaren googleizazio eta erabilera digital deterministak, erakunde publikoek korporazio digital erraldoien tresnekiko... [+]


Whatsapp-a ez da izango EAEko hezkuntzako oposizioetan akreditazioa lortzeko bide bakarra

Eztabaida eragin zuen 2023ko urriaren 21ko EAEko irakasleen oposizioetara sartzeko Whatsapp bidez jasotako QR kodea erabili beharrak. Azkenean, akreditazioa webgune baten bidez eskuratzeko aukera ere eman zuen Eusko Jaurlaritzako Hezkuntza Sailak. Hemendik aurrera... [+]


2024-02-13 | Erria | Gorka Julio
Kolonia digitala

Testu akademiko asko sortzen dira, baina gutxi dira teknologia eta gizarte gaiak gaurkotasunez eta gertutasunez lantzen dituztenak. Horrelakoa da Ekaitz Cancelak eta Jule Goikoetxeak idatzitako «Spanish Fake Sovereignty: From Privatising the Nation-State to Becoming a... [+]


Eguneraketa berriak daude