Google Drive-k herritarren eduki “ezegokiak” ezabatzeko baimena eman dio bere buruari
Google-k beste marra bat zeharkatu du herritarrek sarera igotzen duten informazioaren kontrola bereganatzeko. Multinazionalak iragarri du Google Drive-n –artxiboak partekatzeko munduan gehien erabiltzen den zerbitzuetako bat– sistema berri bat ezarri duela herritarrek igotako fitxategiek ea enpresaren “zerbitzuaren baldintzak” urratzen dituen identifikatzeko.
Abenduaren 14an, Google-k iragarri zuen Drive fitxategi-biltegi ezagunaren erabilera-baldintzak aldatu dituela. Orain arte Google-k legeak edo epaileek argiki legez kontrakotzat jotako fitxategiak kentzeko betebeharra zuen, baina orain, edukien gaineko botere hori bere gain hartzeko beste urrats bat eman du: enpresa bera izango da salatari eta epaile.
Drive-ren erabilera baldintzen aldaketa iragartzeko testuan halaxe diote hitzez hitz: "Baliteke igotako edukiak berrikustea, gure zerbitzuaren politikak urratu edo legez kanpokoak diren zehazteko, eta horren arabera, eduki horiek ezabatu edo konpartitzea eragotz dezakegu, baldin eta gure politikak urratu edo legea hausten duela pentsatzeko nahikoa arrazoi badugu".
Baldintza berriek herritarren artxiboetarako sarbidea murrizteko aukera emango diote multinazional estatubatuarrari. Enpresaren beraren algoritmoek erabakiko dute ea herritarrek Drive-ra igotako edukiak egokiak direnentz enpresaren politiken arabera.
Google-k dio politika berriaren bitartez malwarea, sexualki esplizitua den edukia, gorrotoa sustatzen duten mezuak edota "haurrak arriskuan jartzen dituen" edukiari aurre egin nahi diela. Horrelako kasuren bat atzemanez gero, Google Drive-ko edukiaren jabeak mezu elektroniko bat jasoko du, edukiaren gainean enpresak hartutako erabakiaren berri emateko. Erabiltzaileak enpresaren erabakia desegokia dela iritziz gero, berrikuspena eskatzeko aukera izango duela dio Google-k, baina ez dute argitu Google-k prozesua nola kudeatuko duen, ezta zenbat denbora beharko den ere.
.jpg)
Algoritmoak bizi gaitu
Oso mehea da herrialde batean edo bestean legez kanpokoa dena banatzen duen lerroa, edo zer den "desegokia" eta zer “onargarria”, edo zer jotzen dugun "sexualki esplizitutzat" eta zein den gorrotoa sustatzen duena eta zer kritika. Eta, hain zuzen, hor datza Google-ren sistema mota hau ezartzeko zailtasuna, non algoritmoek ebatziko duten zein den susmagarria. Google-k azken erabakiaren atzean gizakia egongo dela dioen arren, Drive-ra igotako –eta beraz berrikusi beharreko– fitxategi-kopurua hain da handia, multinazionalaren hitza sinesgaitza suertatzen dela.
Areago, erabilera baldintzetan Google-k jaso duenez, "artea, hezkuntza, dokumentu edo zientziarekin lotutako kontsiderazioak oinarri hartuta, salbuespenak” egin ditzake, eta horrek aditzera ematen du edukiak kontrolatzeko prozesuan enpresaren irizpidea, editorializazioa, neurri batean presente egon daitekeela.
Google-ren arabera, kontrol-sistema automatizatuak hautematen duenean haren politika urraketaren bat, enpresako "adituek" eduki susmagarria berrikusiko dute eta zein neurri hartu erabakiko dute, hala nola edukiari sarbidea mugatzea (ezin beste inorekin partekatzea), fitxategi horiek ezabatzea edo, zuzenean, erabiltzailea Drive-tik ez ezik Googleren zerbitzu guztietatik egoztea (baneatzea).
20 urte bete ditu gaur-edo gure blog-komunitateak, Eibar.org webguneko blogak. Interneteko euskal munduaren historia txikiaren parte bat. 1998an Eibartarrak posta-zerrenda sortu zen. 1998-2000 tartean, halaber, webgune probisional estatiko gisa ibili zen martxan Eibar.org-en... [+]
Adimen artifiziala denen eskueran jartzearekin, multinazional teknologikoek cloud datu zentro erraldoiak eraikitzeko planak ugaritu dituzte. Ekipamendu informatikoz betetako mega-fabrikon aztarna ekologikoa ikaragarria da: elektrizitateaz gain, milioika litro ur behar dute euren... [+]
Urteak dira Firefoxek eta Safarik jarraipena egiteko erabiltzen diren hirugarrenen cookieak blokeatzen dituztela. Chromek ere gauza bera egingo du 2025ean, baina publizitatearen negozioan duten nagusitasuna handitzeko aprobetxatu nahi dute, jarraipena nabigatzailean bertan... [+]
Googleren bilaketa emaitzetan katalanak eta euskarak 2022-2023 tartean izan zuten beherakada dokumentatu genuen webgune honetan. Nolabaiteko konponketa izan zuen gauza hark. Oraintsu, Kataluniatik iritsi zaizkigun azterketa batzuetatik, hizkuntza hauek bilaketetan gutxiago... [+]
Euskarazko Wikipediak 433.000 artikuluen muga gainditu berri du (ikus estatistikak), eta horrekin batera 33. postua eskuratu du artikulu kopuruan, Wikipedia guztien ranking edo zerrenda honetan. Lorpena ospatzeko, diseinu berritzailea estreinatu du gaur gure Wikipediak, eta... [+]
Amazonek, Jeff Bezos magnatearen konpainia estatubatuar erraldoiak, dirutza gastatuko du Aragoin dituen hiru datu-zentroak handitzeko. Bere filial Amazon Web Servicesek (AWS) 15.700 milioi euro jarriko ditu Huescan eta Zaragozan, Pirinioetatik datorren Gállego ibaiaren... [+]
Multinazionalak jakinarazi duenez 72 MWko potentzia izango luketen bi "eguzki parke" edo makro-zentral fotovoltaiko eraiki nahi ditu foru lurraldean, baina ez du kokapenaren berri eman. Industria teknologikoan gehien kutsatzen duen enpresetako bat da Jeff Bezos... [+]
Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Puntueus domeinuak hamarkada bete du apirilaren 15ean, eta EITBren Bilboko egoitzan ospatu du Puntueus fundazioak. Gaur arte lortutakoa goraipatu dute, eta 2024 urterako kanpaina berria iragarri.
Askotan pentsatzen dut informazio larregi jasotzen dugula, eta, zeinen ondo bizi den ezjakintasunean. Hainbeste informaziorekin, pertsona xumeok botere ezberdinen helburuak eta horiei loturiko jokabideak ulertzeko ditugun aukerak inoiz ez bezalakoak direla dirudi. Baina ez da... [+]
2023ko Wiki Loves Monuments argazki lehiaketako hamabost irabazleak iragarri dituzte. Wikipediaren atzean dagoen Wikimedia Fundazioak urtero antolatzen du eta munduko argazki lehiaketa handiena da. Iaz 46 herrialdetako 4.700 argazkilarik parte hartu zuten, lizentzia libreak... [+]
Historikoki egin diren entziklopedia gehienetan gizonezkoek leku handiagoa izan dute emakumezkoek baino. Wikipedian ehunekoa handiagoa bada ere, desoreka nabaria da. Gauza bera gertatzen da euskarazko Wikipedian ere. Hala ere, egoera horri buelta eman nahian ari dira wikilariak.
Frantziako Lehiaren Agintaritzak Google-ri 250 milioi euroko isuna ezarri dio, merkatuaren lehiaren urraketa larriengatik, publizitate digitalaren sektorean egindako jarduerak direla-eta.