Goizuetan herri-kooperatiba sortuko dute gasolindegia izateko
Kooperatiba sortzeko batzarra, maiatzaren 28an izanen da. 90 euroko ekarpena eginen du bazkide bakoitzak, eta izan nahi dutenek, batzar eratzailera azaldu beharko dute.
Aurreko larunbatean egin zuten bigarren batzarra, Goizuetan jarri nahi duten gasolindegiaren nondik norakoak azaltzeko herritarrei. Eta dagoeneko, beste pauso garrantzitsu baterako jarri dute zita: maiatzaren 28an, batzar eratzailea eginen dute; kooperatiba sortzeko aurreneko pausoa.
«Bertara azaldu beharko du bazkide izan nahi duenak, eta hortik aurrera, kooperatiba gisa funtzionatzen hasiko gara, Goizukoop izenarekin», azaldu du Unai Mirandak, proiektuan lanean ari den taldeko kideak.
90 euroko ekarpena, bazkide bakoitzak
Kooperatibako bazkide bakoitzak, 90 euroko ekarpena egingo du, eta horren truke, gero abantailak izango ditu; merkeago izanen du gasolina.
Larunbatean, aurrekontua ere aurkeztu zuten, gasolindegiaren bultzatzaileek: 156.000 euro gehi BEZ. «Finantzazioa lortzeko bide desberdinak ere ari gara urratzen, eta aukera ikusten dugu», dio Mirandak.
70 bat lagun, bileran
«Aurrenekoan baino gutxixeago» izan ziren arren, 70 bat lagun azaldu ziren bilerara, joan den larunbatean. Bertan azaldu zizkieten, herritarrei pasa zieten inkestaren emaitzak.
«300 inkesta banatu genituen etxeetan, eta 150 bat erantzun jaso ditugu. Horien arabera, hileroko kontsumoa 19.300 litrokoa izango litzateke, eta gehienak daude herrian bertan kontsumitzeko prest».
Galdetu zuten, baita ere, etxe bakoitzean zenbat egongo liraketen prest bazkide izateko, eta 158 lagunek erakutsi dute horretarako prestutasuna.
Gasolindegia, Asinko inguruan
Gasolindegiaren kokalekua ere zehaztu zuten: Asinko inguruan jarriko dute. Eta hura egiteko, auzolanaz ere baliatu nahi dute, herritarren laguntzaz: «auzolanean egin nahi dugu obraren zati bat, gastuak ahal bezainbeste murrizteko».
Albiste hau Urumeako Kronikak argitaratu du eta bere baimenarekin ekarri dugu hona.
Baxenabarre eta Xiberoako merkataritza bultzatzeko xedez sortu zen Euskal Herria Bihotzean elkartea, duela hamabost urte. Erosketak hurbileko saltegietan egiteko usaia zabaltzeko, opari eta kultura txekeak sortu zituzten.
Beterri-Buruntzako hainbat enpresa eta eragile biltzen dituen ekimenak ostegunean aurkeztuko ditu bere ekintza plana eta aurtengo helburuak, Usurbilen. 2019an sortua, parte hartzean oinarrituriko proiektuen ekosistema sustatu nahi du sareak eskualdean, ekonomia eraldatzailearen... [+]
Jakina da eskuduntzen auzia erabakigarria dela arlo ekonomikoan. Botere banaketa zehazten omen du. Eta zorrotzagoak bagara, boterea nork duen, eta beraz, nork ez duen ere ezartzen duela esan dezakegu. Eskuduntza nagusiak estatuek beretzat gorde dituzte, baina kapitalak du eredu... [+]
Argantzungo eta Trebiñuko udaletako osoko bilkurek gehiengo osoz erabaki dute lan-mahai bat sortzea, egun Burgoseko probintziaren administraziopean dagoen barrundia ofizialki Arabako parte izatea lortzeko.
“Berreskuratu dezagun gure baliabideen kontrola!”. Esaldi horrekin aldarrikatu eta laburbildu dute Hernani Burujabe-ren oinarria. Ostiralean aurkeztu dute egitasmoa Hernanin, ekonomia desmerkantilizatu baterantz eta demokrazia sakonagorantz egiteko helburuz.
Udalak eta Ekhilur kooperatibak sustatzen dute 'ekhi moneta' sozialaren ekimena, eta Berriak Elkartearekin elkarlanean jarriko da martxan.
Hautetsiek lansariaren zati bat euskoz jasoko duten lehen herria izango da Uztaritze.
Amazon multinazionalak Baionako Monoprixen daukan “Amazon Hub” autozerbitzu gunea zigilatu du Bizi! mugimenduak asteazken goiz honetan. “Amazon saltoki ttipien hiltzaile” edo "Ez hemen, ez nehon" zioten kartelak erakutsi dituzte protesta egin... [+]
Abenduaren 1ean iragarriko du Frantziako Gobernuak oraingo neurriak mantendu ala aldatuko dituen, dendek itxita jarraitu beharko duten ala ez. Baina hainbat merkatari elkartek iragarri du Gobernuak erabakitzen duena erabakitzen duela ireki egingo dituztela ateak, segurtasun... [+]
Baionan lehenengo, Donibane Garazin ondoren, elkarretaratzeak egin dituzte merkatari txikiek, “denak hetsiak edo denak idekiak” lelopean. Amazon eta enparauek trabarik ez duten bitartean, tokiko merkataritza itotzen ari direla salatu dute eta Frantziako Gobernuaren... [+]
EH Bilduk legez besteko proposamena aurkeztu du EAEko legebiltzarrean tokiko merkataritza txikia sustatzeko. "Bonu-denda" deiturikoen bidez, herritar bakoitzak 100 euro izango lituzke saltoki horietan kontsumitzeko.
Tolosako Udalak jakinarazi du larunbat honetako (Martxoak 21) azoka bertan behera uztea erabaki duela. "Atzo eguerdian jasotako Osasun Ministerioaren azken aginduei jarraiki, bihar ez da aurreikusitako ezohiko azokarik gauzatuko", esan du.
Koronabirusaren hedatzearen kontra hartutako neurriak direla-eta, eskola eta ostatuekin lan egiten duten laborantzako ekoizle txikiek salbideen parte handi bat galdu dute. Horregatik, soberan dagoen janari hori guztia "publiko zabalari" emateko proposamena egingo du... [+]