Goicoechea ez da akordatzen, inor gutxik du sinesten
Lourdes Goicoechea Nafarroako Ekonomia kontseilariak atzo deklaratu zuen Ogasunean izandako ustezko esku-hartzeen inguruko ikerketa batzordean.
Kontseilariak behin baino gehiagotan errepikatu du ez dituela datak edo eskatutako datuak gogoratzen, hiru ordu eta laurden iraun duen saioan. PSNko Pedro Rasconen arabera, adierazitakoak fiskalari bidaltzeko modukoak dira, nahiko froga bai baitago haren ustez Goicoecheak influentzia-trafikoko delitua egin duela baieztatzeko.
Atzoko saioa Idoia Nieves Ogasuneko zuzendari ohiak egindako salaketak gezurtazen pasa zuen Goicoecheak. Ukatu egin zuen zerga bilketa prozesuan eskua sartzen saiatu izana. Ukatu zuen zergadun batzuei tratu hobea ematen saiatu izana. Ukatu, halaber, dokumentu konfidentzialak eskatu izana. Ukatzearen ukatzez, hilaren 12an onartutako gauzak ere ukatu zituen, Nafarroako Kutxako datuak eskatu zituela adibidez.
Dena ez zuen ezezka esan: Nievesek legez kanpokotzat jo zuen BEZaren itzulketa atzeratzea eta Goicoecheak berriz premiaren arabera hartutako erabakia izan zela esan zuen. Defizit helburua bete ahal izateko egin zutela azaldu zuen kontseilariak.
Atzoko adierazpenak zabalago jaso ditu Joxerra Senar kazetariak Berrian. Saioaren zuzeneko erretransmisioa kontsulta liteke, bestalde, Diario de Noticiasen webgunean.
Goicoecheak 10:00etatik ari da ikerketa batzordean hitz egiten eta 16:00etan Yolanda Barcinaren txanda izango da.
Roberto Jimenez badoa PSNko buruzagitzatik eta zergatik azaldu nahi du. EFE agentziari egindako adierazpenetan, Yolanda Barcinaren aurkako otsaileko zentsura mozio ustela jo du kausa nagusitzat.
Politikari guztien artean bada oso sustraitua dagoen jarrera bera: ez dimititzea.
Nafarroako Gobernuko presidentea Goicoechea auziko ikerketa batzordea ondorioez ariko da Legebiltzarrean. Batzordeak dimititzeko eta hauteskundeak aurreratzeko eskatu zion.
PPk eta PSOEk Nafarroako egoeraz duten kezkari buruzko artikulua argitaratu du Manuel Sanchezek ElDiario.es-en. Une honetako egoeraz gain, Foru Erkidegoa eta Euskal Autonomia Erkidegoa elkartzeko bide juridikoaz hitz egin du hainbat politikarirekin.
UPN buru duen Nafarroako Gobernuak elite ekonomikoei faborezko tratua eman diela erakusten zuten frogak publiko egin ostean, Yolanda Barcina erortzeko zorian egon da. Aldaketa politikoak itxaron egin beharko du ordea. Hilabete iraun duen lapurren pertsekuzioak ez du... [+]
Roberto Jiménez PSNko idazkari nagusiak alderdiko kideei zuzenduriko gutun batean Nafarroan aldaketa aurrerakoia lortzeko lan egingo duela berretsi du.
"Dimititzea planteatzera iritsi nintzen, baina ezin da PSN izan krisi hau ordainduko duena". Roberto Jimenezen adierazpenak dira PSNk Madrildik agindutakoa betetzea erabaki ostean. Lurralde Batzordeko kideen %60ko babesarekin atera zuten aurrera proposamena (80 alde,... [+]
PSOEko zuzendaritzak erabaki du PSNk ez duela Yolanda Barcinaren aurka zentsura moziorik jarri behar Nafarroako Legebiltzarrean. Kaleratu duten oharrean irakur daitekeenez, PSNk ez du beste inongo taldek aurkez dezakeen moziorik onartuko. Erabakia asteazken gauean zabaldu... [+]
UPNrentzat aukerarik hoberena zentsura mozioa saihestea dela dio Nafarroako presidente ohi Miguel Sanzek.
Soraya Rodriguez PSOEko Espainiako Diputatuen Kongresuko bozeramaileak baieztatu du, Ferrazek babesten dituela PSNren asmoak Nafarroako hauteskundeak aurreratzeko.
Hauteskundeak aurreratzeko eta Yolanda Barcina presidentea kargutik kentzeko helburuarekin Nafarroako alderdi politikoekin bilerak hasiko dituela adierazi du PSNk komunikatu batean. Bildu bilera-erronda horretatik kanpo utziko du Roberto Jimenezen alderdiak.
Aldaketaren premia: hori da Goicoechea auziko ikerketa batzordeak gaur irakurri dituen ondorioetan ikusten dena. Yolanda Barcina Nafarroako presidenteari dimititzeko eta hauteskundeak aurreratzeko eskatu dio.
Lourdes Goicoecheak gezurra esan zuen bere influentzia trafikoak ikertzen ari den Nafarroako Parlamentuko batzordean, Aritz Intxustak Naiz-en argitaratu duenez.