‘Gogoko Goxuak’ kafetegiaren aurkako protesta egin dute Donostian langileei ordaintzeko eskatuz
Larunbatean protesta egin du Donostiako Babes Sareak, Gipuzkoako Plazan dagoen 'Gogoko Goxuak' kafetegian. Hainbat langileri ez diotela ordaindu salatzen ari dira ia larunbatero egiten ari diren protestetan.
Goizeko 11:00ak aldera kafetegira sartu dira hamar lagun, bertan daudenei esku-orriak emanez eta salaketa eginez. Kafetegiaren barnean dagoen arduradunak agerikoa du hainbat aldiz kudeatu behar izan duela egoera bera, eta hasieratik suminduta Ertzaintzari deitu dio. Barnean, Olaia izeneko langile ohiak kafetegiko bezeroen arreta lortu eta bere kasua azaldu du. Azalpena amaitutakoan galdera batzuk ere egin dizkiote kafea hartzen ari ziren bezeroek. Amaitzean, joan egin dira, eta haien atzetik kafetegian zegoen bezeroen erdia.
Ondorengoa diote oharrean:
"Kafetegi honetan lan egin duten Maddi eta Olaia langileen ahotik jakin dugunez, bertan lan egiten duten askoren aurkako abusu laboralak ematen dira. Besteak beste, zor zaien soldata ez ordaintzea ohikoa da hemen lan egiten langileen artean. Maddik, adibidez, hilabetez astean 20 ordu lan eginda 650 euro bermatzen zizkion, baina zegozkion baino ordu gehiago egiteaz gain (133) gutxiago kobratu du; 571 euro. Oraindik ez du dena kobratu. Olaia, aldiz astebete eta egun bat egon da lanean, ez ziotelako hitzartutako kontratua egin, eta ondorioz ez du ezer kobratu oraindik. Bi hauek ez dira horrelako egoerak jasan dituzten bakarrak, ezta gutxiago ere; aurpegia emateko adorea izan dutenak baizik. Gazteak eta alternatiba gabekoak diren pertsonei kontratu eskasak edo kontratu gabeko lanaldiak inposatu zaizkie, gero beren egoeraz aprobetxatu eta beren lanagatik zor zaiena ez ordaintzeko".
Babes Sarea "ez dela geldituko" eta Maddi eta Olaiari ordaindu arte "beren iruzurrak salatzeko egintzak egiten jarraituko" dutela diote.
Hemen ARGIAk grabatu duen bideoa.
Hemen beren kasua azaldu dute beste bi langilek, Babes Sareak egindako bideoan.
Zer da Babes Sarea?
“Babes Sarea bakarrik eta babesgabe sentitzen garen langileok gure autodefentsa antolatzeko tresna da", diote. "Gatazka laboral hauek, baldintza prekarioak, abusuak... ez dira arazo indibidualak, eta indibidualki ez ditugu konponduko. Denok langile klasekoak bagara denok batera egin behar diegu aurre arazo hauei. Horregatik Maddi eta Olaiaren gatazka gure gatazka ere bada. Gaur egungo egoeran esplotazioa inoiz baino gogorrago eta krudelago bihurtzen ari da, eta horri aurre egiteko langileok antolatzea funtsezkoa dela uste dugu". Iruñean, Bilbon eta Gasteizen ere antolatu dituzte halako taldeak.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.