Gobernuarekin kritiko den ‘Haaretz’ egunkaria itotzeko neurriak hartu ditu Israelek, hura desagerraraztea helburu
Egunkariaren editoreak egindako adierazpen batzuen harira hartu du neurria Israelgo Gobernuak. "Netanyahuren erregimena krudela da eta apartheid-a ari da egiten", esan zuen Amos Shocken editoreak Londresen emandako hitzaldi batean, duela hilabete.
Genozida ez ezik, buruzagi autoritarioa ere bada Benjamin Netanyahu Israelgo presidentea, eta hori berresteko motiboak ematen ari da gau eta egun. Asteburuan Haaretz egunkariaren aurkako postura argia hartu du: ekonomikoki ito nahi du. Bi edizio ditu egunkariak, bata hebreeraz eta bestea ingelesez. Egunkari hori nazioartearentzat informazio-iturri da, gobernuaren hainbat joko zikin azaleratu dituelako.
Gobernuak aprobatu duen neurri berriarekin, diru publikoa jasotzen duen enpresa eta elkarte orok galarazita izango du publizitatea ipintzea Haaretz egunkarian, administrazio eta erakunde guztiek bertan behera utzi beharko dituzte harpidetza guztiak. Eta, horrez gain, instituzio publikoek ezingo dute hartu-emanik eduki egunkariarekin, kazetariei sarbidea ukatuko zaio hainbat lekutara, eta ezingo dute haien informazio-iturri izan.
Haaretz-eko zuzendariorde Noa Landauk mezu batean salatu du gertaturikoa, haien webguneko albistera lotura ezarri eta hedabideen sektoreari zuzendu zaio: "Isilik dauden ofizioko kideei esan nahi diet ez harritzeko zuen etxe atarira heltzen direnean gisa honetako zapalkuntzak".
Lehendik datorren seinalamendua
Haaretz egunkaria, Israelgo beste asko ez bezala, kritikoa da gobernua Palestinako lur okupatuetan eta Gazan egiten ari denarekin. Hainbat iritzigile eta analista dituzte kolonizazioa gaitzesten dutenak. Esaterako, su-eten negoziazioak "oztopatzea" leporatu izan diote Netanyahuri, baita hedabideei presio egitea eta hainbat informazio zentsuratzea ere. 2023ko urriaren 7an herritar israeldarrak tirokatu izana leporatu zion armada sionistari, Hamaseko kideak tartean zeudelakoan.
Jo-puntuan zuten lehendik, baina aurtengo urriaren hondarrean proposatu zuen Haaretz itotzea gobernuko Komunikazio ministro Shlomo Karhik. Ez kasualitatez: egunkariko editore Amos Schocken-ek Netanyahuren apartheid politikak salatu zituen Londresen emandako hitzaldi batean, eta Gazan gertatzen ari dena "bigarren Nakba" gisa definitu zuen. Horrez gain, seinalatu zuen Haaretz-eko langileak "terroristak" zirela Netanyahuren irudiko, iritzigileren batek esana zuelako "jardun terroristak" egiten dituela Israelgo Gobernuak.
Hitzaldia eman ondotik, egun gutxiren buruan heldu zen Israelgo Gobernuaren erantzuna: gutxienez bost ministeriok eten egin zituzten Haaretz-ekin zituzten harremanak, eta dei egin zieten herritarrei "egunkariari boikot" egitera. Israelgo Gobernua eta israeldarrak "deslegitimizatzen" ditu Haaretz-ek, ministerio horien arabera. Besteak beste, iraileko albiste hau zuten presente: nola sionistek bizileku-baimena eskaintzen dieten asilo-eskatzaileei palestinarrak erailtzearen truke.
Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]
Mundu osoa dago Siriara begira, Israel tartean, zeinak bere presentzia handitu nahi duen. Bitartean, kartzeletan zeuden presoak askatu egin dituzte Bashar al Assad-en gobernuaren aurka egin duten matxinoek, eta milaka errefuxiatu herrialdera itzultzen ari dira.
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Jean-Noël Barrot ministroaren telefono pertsonala hackeatu dute, honek Signal aplikazioko mezu zifratu bat ireki ondoren. Gai Numerikoen –digitalen– ministro ere izan zen Barrot, eta gisa honetako amarruen aurkako lege proiektu bat ere sustatu zuen.
Palestinarekin Elkartasunak "sionistekin harreman oro etetera" deitu du. Kanpaina bat jarri dute abian Euskal Herriak Israelgo estatu terroristaren bizirautea bermatzen duten harreman militar, diplomatiko eta kulturalak seinalatu eta hauen etetea exijitzeko. Pasa den... [+]
Abenduaren 5ean erakundeak argitaratutako txostenak Israel genozidioa egiten ari dela salatu du. Erakundeak nahikoa elementu aurkitu ditu Israelek palestinarren aurkako genozidioa egin duela eta egiten jarraitzen duela ondorioztatzeko.
Israelgo lehen ministro Benjamin Netanyahuk "immunitatea", hau da, babes politikoa duela adierazi du Frantziako Kanpoko Aferen ministroak. Israelgo Haaretz eta Maariv komunikabideek jakitera eman dute Libanorekin adosturiko su-etenaren baldintzen artean zuela... [+]
Iranen “mehatxuari” arreta handiagoa eskaintzeko eta Gazan sarraskiarekin jarraitzeko helburuz sinatu du menia Israelek, Benjamin Netanyahuk onartu duenez, baita Hamas Hezbollahtik aldentzeko ere. Israelen aliatuen tropek "ziurtatuko" dute akordioa betetzen... [+]
Forensic Architecture erakundearen ondorioetakoa da hori, ikusita Israelgo Armadak nola antolatu duen Gazaren egungo kontrola. Suntsiketa maila hori bakarrik litzateke Gazaren kontrola segurtatzeko, zeren eta, berez, txikitze maila askoz handiagoa da lurraldearen gainerako... [+]
Gizateriaren aurkako krimenak eta gerra krimenak egotzi dizkie Hagako auzitegiak bi sionistei. Erabakia "antisemitismotzat" jo du Netanyahuk, eta Hamasek, aldiz, "Justiziarako urrats garrantzitsutzat".
Hori da Israelgo hedabideetan azken egunotan bolo-bolo dabilen albistea. Baieztapenaren inguruan auzi ugari daude, eta horietako batzuk ikerketa judizialean aztertzen ari dira. Israelgo Estatuko Fiskaltza urriaren amaieratik ikertzen ari da Benjamin Netanyahu Israelgo lehen... [+]
Israelgo armada urria osoan bereziki gogor aritu da Gazako iparraldean, eta egunotan ere azken urteko erasorik gogorrenak egiten ari da bertan, ehunka pertsona hilda, gehien-gehienak zibilak eta tartean hamarnaka ume. Herritarrei Gazako hegoaldera joateko agindua eman diete... [+]
Israel Katz da Defentsa ministro berria, orain arte Atzerri ministro izandakoa. Erabakiak israeldarren kexua eragin du eta milaka dira karriketara atera. Israelgo Gobernuko oposizioko ordezkariek prentsaurreko bateratua eskainiko dute azaroaren 6 honetan. Bizkitartean, Israelen... [+]