Geroa Bai, EH Bildu, Ahal Dugu eta Ezkerrak prest dute Nafarroako Gobernuaren gobernu programa. Sei lantalde aritu dira edukiak jorratzen azken bi asteetan eta ondoren mahai orokor batean landu dituzte adostasun eta desadostasunak.
Lau alderdiek oso balorazio ona egin dute lortutakoaz eta lau urterako aduki nahiko adostu dutela iritzi diote. Dena ez da adostu, ordea, eta desberdintasunen artean dira, esate baterako, hizkuntza politika (1986ko Euskararen Legearekin jarraitu edo berria egin), AHT, itunpeko ikastetxeak gehiago zabaldu edo ez, ikastolekiko laguntza bereziak, enplegu politika aktiboak (orain arte UGT, CCOO eta CEN enpresarien elkarteak bideratutakoak), Nafarroako Unibertsitatea Klinika eta beste hainbat. Garrantzitsuak dira, baina ez ezer oztopatzeko gisakoak.
Baina nola kudeatu behar dira desberdintasun horiek? Gaurko Diario de Noticias egunkariak argitaratu duenez, Ahal Duguk bozketa haztatua proposatu du, hau da, bakoitzak duen boto ordezkaritzaren araberakoa.
Egunkariaren arabera, beste taldeak ez daude ados, batzuetan balio dezake formula horrek, baina inposaketa ekar dezakeela iritzi diote eta hainbatetan ados ez diren kontuak onartu beharra. Gaur segituko dute lantzen gaia lau alderdiek. Edonola, programaren betetze maila jarraituko duen batzorde bat izatea adostu dute eta orain nola jardungo duen zehaztu behar dute, osaketa, gobernuarekiko harremana eta abar.
Zamarik ez gobernuarentzat
Azken urte luzeetan diru galera publiko handia ekarri duten –edo ekar dezaketen– proiektu asko ere mahai gainean jarri dira: zer egin Navarra Arenarekin, Nafarroako Ubidea, Senda Viva, Los Arcoseko Zirkuitua, Gendulain, itzaletako hainbat bide-sari edo gisa horretako beste hainbat proiektu garesti eta defizitariorekin?
Oro har, negoziatzen ari diren alderdiek proiektu ia guztiekiko ikuspegi oso kritikoa izan dute oposizioan izan direnean, baina orain ez dakite bakoitzaren egiazko egoera zein den. Lehenik, beraz, proiektu bakoitza aztertzea adostu dute eta ondoren erabakitzea, baina oro har irizpide batekin: proiektuokin aurrera jarraitzea hauetakoren bat itxita mantentzea garestiago bada, edo administrazio publikoarekiko karga ez badira. Orain arteko horietako zenbaiten ibilbidea ikusita ez da erraza izanen, Nafarroako Gobernuaren dirua giltzarri izan baita, bai horietako hainbat abiatzeko bai irauteko.
Gobernu eraketarako egutegia
Gobernu programari dagokion guztia aste honetan itxiko da. Astearte eta asteazkenean behin betiko dokumentua eginen da, ondoren indar politiko bakoitzak berean jorratzeko aukera izanen du eta ostiral edo larunbatean publikoki aurkeztuko da.
Asko hitz egin da Uxue Barkosen lehendakari izendapena Sanferminen aurretik eginen zen ala ez, baina argi da ezin dela. Aste honetan programaren fasea amaituko da, uztailaren 6an Sanferminak hasten dira eta uztailaren 15etik aurrera Ainhoa Aznarez Legebiltzarreko lehendakariak Uxue Barkos lehendakaria deituko luke gobernu eraketa agintzeko. Ondoren Barkosek hamar egun izango ditu kargua hartu eta gobernua osatzeko. Beraz, pentsa liteke uztailaren 25aren bueltan gobernua osatua izango dela.
Foru Gobernuak aitortu du motibazio politikoko biktimak direla hirurak. Hiru aitortza berri horiekin dagoeneko 36 pertsonari estuaren biktima izatea ofizialki aitortu die gobernuak.
204 lagunek beren buruaz beste egin zuten iaz Hego Euskal Herrian, datu ofizialen arabera. Suizidatzeko arriskua izan dezakeen jendearen jarraipenean jartzen dute indarra administrazioen protokoloek. Suizidioaz egoki informatzearen garrantzia ere azpimarratu dute, Suizidioa... [+]
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
2025ean sartuko da indarrean Europar Batasuneko politika fiskal berria, eta horien helburu nagusia defizit publikoa murriztea izango da. Horrek erakunde publikoetako aurrekontu guztietan eragingo du eta Nafarroako Gobernuak aurreikusten du sail gehienetan egongo direla... [+]
Ordura arte Nafarroako Gobernuak 477 milioi euro ordaindu beharko dizkio Abertis konpainiari, 2023an honek erosi baitzuen Autobidearen ustiaketaren emakida 110 milioi eurorengatik. Itzalpeko ordainketek urtero modu gogorrean baldintzatzen dituzte Nafarroako Gobernuaren... [+]
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Asteazken honetan Pirinioetako herritarrek batzar irekia egin dute Jaurrietan eta salatu dute Nafarroako Gobernua ez dela behar bezala garatzen ari Pirinioetako Plana.
2023ko maiatzean iragarri zuten Volvo multinazionalak inbertsio handia egingo zuela Nafarroako Sakanako autobus enpresan. Orain, ordea, akordioa bertan behera gelditu dela adierazi dute bi enpresek.
María Chivite presidenteak lankidetza publiko-pribatua “beharrezkoa” ikusten du aurrerapen digitala lortzeko. Besteren artean, adimen artifiziala erabiliko du Microsoft Ibéricak, instituzioetako izapideak “arintzen laguntzeko”.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Adin txikikoentzat jokoan aritzea debekatuta dago, baina, hala ere, Nafarroan 14 eta 18 urte artekoen artean %32 aritzen da jokoan. Ludopatiaren prebentzioan eta laguntzan aritzen da Aralar Elkartea 1996tik. Nafarroako Gobernuak prest duen Jokoaren Foru Legea "hutsune"... [+]
Motibazio politikoko lehen hamabi biktimarentzat aitortza eta erreparazio ekitaldia egin da maiatzaren 30ean Iruñeko Baluarte aretoan. Ekitaldia urtero egiteko asmoa agertu du Gobernuak.
Maiatzaren 30ean eginen dute Estatuaren eta eskuin muturraren indarkeriaren biktimen aitortza ekitaldia, Baluarten. Biktima zehatzei egiten zaien molde honetako lehen ekitaldi publikoa izanen da, eta 2019ko legearen babespean gauzatuko da.
Astearte gauean Israelen genozidioaren aurkako itxialdia "normaltasunez" egin dute DBH eta Batxilergoko ikasleek Iruñerriko hainbat institututan, ARGIAri kontatu diotenez. Itxialdi horiek egin ez zitezen saiatu da Nafarroako Gobernua, astearte eguerdian... [+]
Foru Hobekuntzaren erreforma adostu dute Nafarroako eta Espainiako gobernuek, Trafikoa foru exekutiboaren eskuduntza historiko eta esklusiboa dela blindatzeko.