Goazen geroaldi hobearen gutizian
Konfinamendu garai hauk oroitzekoak geldituko dira, sekulakotz ez bada gutienez luzarakotz . Ekonomia eta sozial sarearen mugimendu guzia gelditu dute Covid 19 birusaren kotsua indargabetzeko. Eta herritar ala hiritar, denak gure etxetan preso ezarri gaituzte.
Lerro hauk idazten ditugularik, ez dakigu oraino ea aho sudurrak tapatzerat behartuko gaituzten maska batez, mugaz bestaldean musukoa deitzen dutena, eta hemen gaindi muturrekoa bezala har ginezakeena.
Lerro hauk idazten ditugularik badakigu ordea ondorio larriak agertuko direla langabeziaren aldetik bereziki. Hala hola zabiltzan enpresa askok buruz behera egitea arriskatzen dute, eta nekez haziko dira egunetik biharamunerat lanbide berriak.
Laborantza munduak ere espantu guti agertzen du orokorrean, nahiz zuzeneko saltzapen bide berriek argi guzia biltzen duten. Garraio gehienak moteldu direnez, saltzapenak lehertu dira. Edo alderantziz. Lantegiak eta saltegiak hetsi dira eta garraioak gelditu dira. Behi haragia konparazione nekezkian dabila prezio apalegiekin laborarientzat, gainezka ekoizten zen behi esnea kasik laurden batez apaldu nahi lukete, eta hemen gaindiko ardi esne industriak ere soberakin estakuruak agertu ditu. Beste hainbat ekoizpen badaude merkatuen ernatzearen zain, Ezpeletako biperra bera hemen hunkitzen gaituztenetan.
Entzun dugu Ursula Von Der Leyen Europako etxekandre berria, erraiten merkatuak eta komertzioa behar zirela lehen bait lehen beren bidean jarri. Zoritxarrez badakigu nolako merkatu plaza desorekatua den Europa bera mundu guzia bezala. Europako lege nagusia da deusek ez duela trabatu behar merkatua, zoingehiagokak bide guziak libro behar dituela. Europa hazten da osatzen duten herrialdeen ezberdintasunetarik, ongi agertu dena adibidez baratzezain industrialen kanpoko langileen eskas minetik. Mundua ere hazten da ekonomiaren lehia gorritik, xurgatuz lurralde praubeetako lehengaiak, higatuz lekuan lekuko langileriak, eta herrialde nagusiek menperatuz ahulago diren guzien merkatu plazak oro. Horrela daude batzu jaun eta jabe. Besteak petzero.
Altabada, ikaran ez dauden herritarrak geroaldi hobearen esperantzan gaude. Gaindituko direnean birusaren ausikiak eta beldurrak, ekonomiaren oldarra atera bedi zoingehiagoka hotz eta krudelaren ildotik, elkartasunaren eta iraupenaren ixurian gora abiatzeko. Nekez erabakiko da hori dekretuz ala legez. Nork bere auzoan, bere herrian, bere lurraldean eraikiz hasten da. Hor da haziko herri proiektoa. Gauden edo goazen bada geroaldi hobearen gutizian eta zorian.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Sobietar Batasuna desagertu zenetik errusofobia handituz joan da. NBEko Segurtasun Kontseiluaren 2002ko segurtasun kontzeptua oso argia da, eta planetaren segurtasun eta egonkortasunak AEBei erronka egiteko asmorik ez duen estatuen menpe egon behar dutela adierazten du. AEBei... [+]
Andoni Urrestarazu Landazabal Araiako herrian 1902ko uztailaren 16an jaio zen eta 1993ko azaroaren 21ean hil zen Gasteizen. 31 urte bete dira jadanik eta bere izena eta izana aitortzeko une aproposa dela deritzot, ez baita ongi ezagutzen utzitako ondarea. Umandi, bere herriko... [+]
Autobiografia idaztea omen da garapen pertsonalerako tresnarik eraginkorrena, askatzaileena. Iraganeko kontuei tira egin eta gogora ekartzeak, orainaldiko korapiloak askatzen laguntzen omen du. Bai, laguntzen du orainaldia ulertzen eta komeni zaigun etorkizun bat marrazten... [+]
Pandemiaren iragarpenetik Valentziako tragediarainoko errepasoa egin eta ondorioztatu dut gezurra eta forupea suhesi gisa dituen kudeaketa instituzional negargarria klase gobernariaren konstantea dela.
Ez dugu gobernari ordezko baliogarririk sistema pendular hau aldatzen ez... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Euskararen biziraupena ez da euskaldunok politikaren partidan jokatzen dugun arazo bakarra, baina bai, euskalduntasunaren elementu bereizgarriena den neurrian, gure egoera gehien islatzen duena. Beste esparru batzuetan hainbeste ageri ez dena oso ongi erakusten du. Hasteko,... [+]
Adimen artifiziala gizakion eremu asko ordezkatzen ari dela badakigu: erosotasuna, abiadura, efizientzia... Mundu kapitalista honen abiadura beharretan, gizakion ahalegina oztopo dela sinetsarazi digute. Gure, klase xumeen, egiteko eta sortzeko aukerak murrizteko erasoak leku... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
Autoestimuak batzuetan gauza intimoa dirudi. Baina autoestimuak zerikusia baldin badu norberak bere buruaz duen irudiarekin, norbere buruari ematen zaion balioarekin, zerikusia izango dute hartu ditzakeen erabakiek ere. Zer balio du erabakirik hartu ezin duen norbaitek? Eta... [+]
Sanmartinak gure baserrietan oso ezagunak dira, txerria hiltzeko garaia baita. Jende askok, ordea, ez du jakingo antzina San Martin egunak nekazaritza urtearen amaiera ezartzen zuela. Eta hori ez zen ahuntzaren gauerdiko eztula. Izan ere, urte amaierarekin etxeko ugazabari... [+]