Glovoren aurkako epaiketa: kontraturik ez langileentzat, zigorrik ere ez enpresarentzat
Iruñeko Justizia Jauregian hasi da Gizarte Segurantzaren Glovoren kontrako epaiketa, langileak autonomo bezala kotizatzera behartu dituelako. LAB sindikatuak salatu du multinazionalak "erabateko zigorgabetasuna" izaten jarraitzen duela, bere jokabidearen kontrako epai ugari egon arren.
Duela urte batzuk hasi ziren Euskal Herriko kaleetan Glovoren motxila horiak han eta hemen ikusten, eta hasieratik salatu zuten eragile sozial eta sindikalek banaketa enpresak berarekin zekarren esplotazioa. ARGIAn erreportaje zabala kaleratu genuen plataformen kapitalismoaren prekarietate horren lekukotasunarekin, eta besteak beste, langileak autonomo bezala alta ematera behartzen zituela azaltzen zuen, egoera hori bere larruz bizi izan zuen Paul Iano kazetariak:
"Autonomo estatusarekin lan egiteak egoera latzago bihurtzen du. Glovon lotura sozialak murritzak eta iragankorrak dira, lankideak aurkari ez ikustea zail egiten da eta istripurik edota gaixotasunik izanez gero, malo. Horri guztiari osagai berriak gehitu behar zaizkio: geolokalizazioa, telefono adimentsuak eta desesperazioan edozein lan-baldintza onartuko duen populazio prekarioa. Langileok lehiakide bihurtzeko nahasketa berri eta eraginkorra. Glovoren moduko konpainietako langileek ia ez dute haien eskubideen alde borrokatzeko beharrezko diren harremanak garatzerik, enpresek diseinatu dutelako horrelakorik gertatzea galarazten duen lan ingurunea".
Geroztik, Glovoren aurkako hainbat epai izan dira, kontratuak egin eta Gizarte Segurantzan alta eman beharrean, langileak autonomo "faltsu" bezala dituelako lanean. Esaterako, 2020ko irailean Espainiako Auzitegi Gorenak ziurtatu zuen banatzaileen eta Glovoren artean lan harreman bat dagoela eta enpresa ez dela bitartekari hutsa.
.jpg)
Ostegun honetan multinazionalak langileen eskubideak errespetatzeko borroka horren beste kapitulu bat hasi da Iruñean, Gizarte Segurantzak Glovoren aurka jarritako salaketan deklaratzera deitu baitituzte 80 langile. Auzia 2019tik dator, LABek salaketa jarri eta Lan Ikuskaritzak langileak Gizarte Segurantzan alta eman zituenetik.
Lau urtez legeari "iskin" egiten
LABek salatu du urte hauetan guztietan Espainiako Estatuko beste erkidegoetan epaiak norabide berean joan diren arren –Glovok langileak kontratatu eta Gizarte Segurantzan alta eman behar diela– eta Rider Legeak dioen arren bizikleta-banatzaile horiek ez direla egiazko autonomoak, Glovok jarraitzen duela izaten "erabateko inpunitatea".
Inpunitate horrek, baina, badu bere arrazoia sindikatuaren esanetan, eta erakunde publikoen "utzikerian" jarri du arreta: "[Glovok] lau urtean legeari iskin egin dio ?eta ez dakigu noiz bukatuko den kontu hau? eta hemen ez da ezer gertatzen. Ez instituzioek ez gobernuek ez diote eskatzen legea betetzeko edo zigortzen, gainontzeko herritarrei eskatzen dieten bezala", azaldu du.
Hori horrela, LABek elkarretaratzea egin du Iruñean, Nafarroako Justizia Jauregiaren aurrean, langileen kontratuak, kotizazioak eta lan baldintza duinak errespetatu daitezela eskatu eta multinazionalarekin gertatzen ari den "eskandalua" salatzeko.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.