Glovok bere riderrak espiatzen ditu, baita lanean ez daudenean ere
Langileak espiatzeaz gain, ikerketa batek ondorioztatu du enpresaren app-ak datu pertsonalak eta geolokalizazioak bidaltzen dituela.
Langilearen baimenik gabe Glovok haren informazio pertsonala hirugarren enpresekin partekatzen du, El Saltok informatu duenez. Langilea bere lanorduetatik kanpo dagoenean ere, bere kokapena, helbide elektronikoa, telefono zenbakia eta langilearen gailutik lortutako bestelako datuak zabaltzen ditu. Tracking Exposed ikerketa taldeak horrela jakin du banatzaile-enpresa ezagunak bere riderrak zelatatzen dituela, baita konektatuta eta lanean ez daudenean ere.
2021eko uztailean eta 2022ko irailean, ikertzaile talde honek Glovo enpresaren filiala den Italiako Foodinhon enpresan erregistratutako rider baten telefonoa erabili zuen. Aplikazioak erabiltzailearen datu pertsonaletara sartzeko era, geolokalizazioa, eta datuak bestelako enpresetara bidaltzeko moduak aztertu zituzten.
Bi analisiek emaitza bera eman zuten: Glovok bere riderrak zelatatzeaz gain, banatzaileak enpresaren barne-ranking baten mende daudela. Ikerketaren lehen proban “rating” –puntuazioa- izeneko eremu bat aurkitu zuten eta bigarrengoan “experiment score” (puntuazio esperimentala) gisa bidalitako beste datu bat. Ikertzaileek diote ez dutela inolako “adierazpenik” balio horren xedeari buruz, baina azpimarratu dute “aurkikuntza garrantzitsua” dela.
Jesús Acevedok, zuzenbide digitaleko abokatuak, adierazi du Glovoren jokabide hau, langileen intimitatearen urraketa oso larria dela eta ondorioak izan beharko lituzkeela. Ildo beretik, azpimarratu du nolakoa behar lukeen Datuak babesteko Espainiako agentziaren (AEPD) jardunak: “Glovoren jatorrizko enpresa Espainian dagoenez, AEPDk ofizioz jardun eta ikerketaren buru izan beharko luke, aplikazio beraren bitartez funtzionatzen jarraitzen duten gainontzeko herrialdeetako agentziekin batera”.
Langileekin horrela jarduten badute, nork esaten digu ez direla erabiltzaileekin ere berdin jokatzen ari? Nork frogatzen du ez direla aplikazioa erabiltzen duen edonor zelatatzen ari? Acevedok berretsi du AEPDk ikerketa erabiltzaileengana zabaldu behar lukeela, honi guztiari erantzun bat eman ahal izateko.
2018 eta 2020 arteko langileen kotizazioak eskatzen dizkio Glovori Gizarte Segurantzak, 2020an Rider Legea onartu aurrekoak. Auzipetuak langileak ere badiren arren, ordaina enpresari soilik eskatzen dio.
Sei urteko espetxe zigorra ezar diezaiokete Oscar Pierreri langileen eskubideen aurkako hainbat delituengatik. Epaiketa asteartean izan da Bartzelonan, eta astelehenean iragarri du legearen pean kontratatuko dituela 15.000 rider. CGT sindikatuak “fiskaltzaren aurrean... [+]
Frantziako Estatua eta Alemania izan dira aurka kokatu diren estatu bakarrak. Direktibaren lanketa 2021eko abenduan abiatu zuen Europak, baina trabak eta presioak tarteko, hiru urte baino gehiago behar izan ditu onespenak. Europako Parlamentuak bozketa berrestea falta da.
Glovo, Just Eat eta Uber Eatseko janari banatzaileen %70-75ak paperik gabe lan egiten du EAEn, El Salto hedabideak Journalismfund Europe-rekin elkarlanean egindako ikerketa-erreportajearen arabera. Horrek asegururik gabe uzten ditu langileak lanean lesioren bat izanez gero.
Nafarroako Sozial Arloko 1. Epaitegiak atzera bota du Glovok 2022ko azaroko epaiari jarritako helegitea. Helegitearekin, Glovok banatzaileak ez direla haren enplegatu berretsi nahi zuen.
Ziclo-P kooperatibako kide Leire Rodriguez Metropoli Forala saioan izan dugu hiri garraiobide jasangarriaz, solasean. Bizikleta erabiltzen dute haien banaketa lana egiteko.
Glovo eta haren gisako enpresek langileak autonomo gisa kontratatzen dituzte, oinarrizko langile eskubideak urratuz. Errealitate hori borrokatzen dabil Euskal Herrian LAB, eta fiskaltzak lekuko gisa deklaratzera deiturik, ostegun honetan sindikatuaren ordezkaritza bat egonen da... [+]
Gizarte Segurantzak ofizioz jarritako demandari erantzun dio Iruñeko lan arloko epaitegiak eta arrazoia eman: 2018ko abuztutik 2019ko urrira Glovorentzat lan egin duten 207 banatzaileen kotizazioak ordaindu beharko dizkio enpresak, soldatapeko langileak zirelako, ez... [+]
LABeko koordinatzaile nagusi Garbiñe Aranburuk prentsaurrekoan iragarri du Glovoko langileen erregularizaziorako urrats berri bat emango dutela. Zehazki, sindikatuak gatazka kolektibo bat planteatuko duela jakinarazi du, langile horiei Ostalaritzako Hitzarmen kolektiboa... [+]