Global Forum Spain
Beste aukera galdu bat. Eta enegarrena da. Nor garen eta zer nahi dugun adierazteko mundu mailan. Ez dakit nork antolatua izan den efemeride ekonomikoa, FMIk edo Espainiako Gobernuak, eta berdin dio, azken batean.
Errespetu gabezia eta mespretxua erakutsi dute beste behin ere euskalerritarron izaera eta nortasunarekiko. Bai, badakigu goi bilera hori ez dela mundu mailako estaturik gabeko nazioen aldeko aldarrikapen nazioartekoa egiteko gauzatu. Goi bilera, ostera, Espainiako egoera sozioekonomikoa aztertu eta murrizketa gehiago eta lan baldintza okerragoak sustatzeko egina da.
Antolatzaileek EAE Espainia dela argi utzi nahi izan dute, bada, eta gaztelania hizkuntza bakarra. Ingelesa erabiltzea, idazpuruan esaterako, kanpoko gonbidatuei egindako keinua baino ez da izan. Hizlariek gaztelania eta ingelesa erabili dute, eta Espainiak EAEn duen ordezkari gorena den Urkullu jaunak aipamen minimoa ere ez du egin berez zenbait euskalerritarrena den hizkuntzan. Eta, jakina, minduta eta lotsatuta sentitu gara. Ahalegintxoren bat egin zezakeelakoan nago. Kontuan hartu dezaten kanpotik etorritakoek nor garen eta non dauden. Baina gaztelania aukeratu du hitzaldirako eta ekonomiaren humanizazioaz mintzatu da, espekulazioaz eta ekonomia pertsonalizatuaz. Bego. Ondo da. Ekonomiak eragin latza du egun gure egunerokotasunean, eta ezin baztertu goi bileraren aztergaia. Baina ekonomiaz mintzatzeko beste baliabide linguistikorik euskarak baduelakoan nago. Ez dezala inork pentsa, garai batean bezala, euskarak ez duela balio ur sakonetako fauna eta floraren azalpen argi eta ulergarriak egiteko. Lehendakariak, hortaz, derrigortuta egon beharko luke berea ere baden hizkuntzan azalpen handiosak egiteko. Eta era xumean egin ere. Nik kikilduta ikusi nuen gaztelaniaz berbetan, ez dakit aukeratutako hizkuntzak berak ikaratuta edo Euskalerriratutako pertsonaia faraonikoek.
Gero, beste kontu bat da goi bilera horren ondorioz izandako kale istiluak. Baina hara! saihestea erraz dute antolatzaileek. Egin ditzatela bilerok Artikoan (pinguino gajoak!) edo basamortuan (hiena koitaduak!), jaima baten edo iglooan, herritar xeheengandik urrun, eta isolatuta. Gauza jakina baita mundu mailako ekonomia bideratzen duten erakundeek haserrea eta tripalak baino ez dituztela eragiten.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
Bi irakasle eta ikerlarik inkesta jarri dute sarean, euskarazko esamolde batzuen inguruko datuak biltzeko. Bost minutu hartuko dizu betetzeak baina adi, bi galdetegi daude, egun bakoitian jaio bazara 1A betetzeko eskatzen dizute, eta egun bikoitian jaioa bazara 1B delakoa.
Andoni Urrestarazu Landazabal Araiako herrian 1902ko uztailaren 16an jaio zen eta 1993ko azaroaren 21ean hil zen Gasteizen. 31 urte bete dira jadanik eta bere izena eta izana aitortzeko une aproposa dela deritzot, ez baita ongi ezagutzen utzitako ondarea. Umandi, bere herriko... [+]
Lehenengo aldiz “euskararen aldarriak hedatzeko” azoka antolatu dute euskararen biziberritzean lan egiten duten zortzi elkartek. Euskararen egunean irekiko da azoka eta abenduko beste hiru egunetan ere egongo da zabalik.
“Ibiliz ikasten da ibiltzen, eta kantuan kantatzen”. Horixe izan da aste honetako ikasgaietako bat C2ko taldeetan. Helburua ez zen abesten edo oinez ikastea, gerundioa behar bezala erabiltzea baizik. Zer pentsatua eman dit jarduerak, eta irakasten nola ikasten dugun... [+]
Aldarrikapen historikoa da euskara doan ikasteko eskubidea. Gaur egun, gori-gori dago gaia. Bi urrats esanguratsu eman berri ditu HABE Helduen Alfabetatze eta Berreuskalduntzerako Erakundeak C1 maila gainditu nahi duten gazteentzat eta A1 mailakoentzat. Hala, diru kopuru... [+]
Euskararen biziraupena ez da euskaldunok politikaren partidan jokatzen dugun arazo bakarra, baina bai, euskalduntasunaren elementu bereizgarriena den neurrian, gure egoera gehien islatzen duena. Beste esparru batzuetan hainbeste ageri ez dena oso ongi erakusten du. Hasteko,... [+]
Hizkuntzen irabazia kongresua izango da azaroaren 26an eta 27an Donostian. Arlo digitalean inglesaren erabilera aregotzen ari den garaietan, kongresuak euskara bezalako hizkuntza gutxituek tokiko ekonomiari egiten dioten ekarpena agerian utzi nahi du.
GUKA Bilboko euskaltzaleen mugimenduak euskararen aldeko ekintza esanguratsua burutu du astearte arratsaldean Deustuko metro geltokian, Bilbon euskaraz bizitzeko oztopoak eta aukerak irudikatzeko.
Baionan eskaini dute prentsaurrekoa Euskal Konfederazioak eta Euskalgintzaren Kontseiluak, beste behin ere euskararen egoera larria salatzeko. "Borondate politikoa" ukanez gero, larrialdi linguistikoa gainditu daitekeela argi utzi dute.
Agorrilaren 27an igorri nizuen gutunean, irailaren 10eko auzian euskaraz deklaratzeko asmoa nuela adierazi nizuen. Auzi honen hastapenean, epaile nagusiari euskaraz zekienez galdegin nion. Gutxiespenarekin ezetz erantzun zidan. Orduan, nere gutuna eskuratu zuenez frantsesez... [+]
Euskara eta euskal hiztunen komunitatea larrialdi linguistikoan dagoela adierazi du Kontseiluak. Ohartarazi du “indarrean diren joera soziolinguistikoak eta egiturazko arazoak itzulikatzeko neurri egokiak epe laburrean hartu ezean”, atzeraldia datorrela. Kontseiluak... [+]
Elixabete Garmendia Lasa ormaiztegiarra emakume aitzindaria izan zen euskarazko kazetaritzan. 70eko hamarkadan 'Zeruko Argia' aldizkarian lanean hasi zenetik egindako ibilbide oparoari buruz mintzatzeko aukera izan dugu.
Komunikazioa, kirola, musika edo sukaldaritza bezalako esparruetan aritzeagatik ezagunak diren Euskal Herriko txoko guztietako euskaldunekin osatu dute Euskaraldiaren enbaxadore taldea.
