Glifosatoa beste hamar urtetarako baimendu dute: “Osasun publikoa eta biodibertsitatea arrisku handian daude”
Herbizida kutsagarria debekatzeko adostasunik ez dute lortu Europako Batzordeko 27 herrialdeek eta ondorioz abenduaren 15ean iraungitzen zen erabileraren baimena luzatu dute, hainbat murrizketekin. Nekazaritzan oso erabili izan den Bayer multinazionalaren produktuak minbizia sortzen duela diote aditu eta erakunde ugarik.
Europako nekazaritzarentzat eta osasun publikoarentzat oso arriskutsua izan daitekeen erabakia hartu du Europako Batzordeak ostegun honetan: glifosatoaren erabilerari hamar urtez luzatu dio bizitza, batzordea osatzen duten Estatu kideen artean hura debekatzeko adostasunik aurkitzeko gai izan ez direlako. Bigarren aldiz bildu dira horretarako, lehenengoan urriaren 13an izan zen.
Hala, Europar Batasunean herbizida kutsagarria erabili ahal izango da 2033 arte gutxienez, baina hainbat murrizketa edo muga jarri dizkiote: uztaren lehorgarri gisa ezin izango da erabili eta erabiltzen denean, glifosatoak kalte egin diezaiekeen organismoak babesteko neurriak hartu beharko dituzte nekazal industrian.
Monsantok Roundup marka komertzialarekin 1970eko hamarkadatik merkaturaturiko herbizida mundu osoan zabaldurik dago, batez ere transgenikoen ekoizpenerako erabiltzen da baina beste nekazal eremu zabalei eragiten die, eta egun Bayer multinazionalaren esku dago.
Minbizia sor dezakeela uste da, Italian duela gutxi argitaraturiko ikerketa batek leuzemiarekin lotu du gai kutsagarri hori, eta Munduko Osasun Erakundeak ere susmopean dauka, disruptore endokrinoa izan daitekeelako, urpeko bizitzari kalte egiten diolako eta biodibertsitatea hondatzen duelako.
Gari soroetan mitxoletak eta nabar-loreak ikustea iraganeko kontua izango dela azaldu dio Martin Dermine Pan Europe Europako Pestiziden Kontrako Ekintzaileen Sareko kideak Reporterre atariari. Aktibistak gogorarazi du CNRS ikerketa zientifikoen zentroak ondorioztatu duena: hegazti populazioak deuseztatzen ari direla glifosatoa modu intentsiboan erabiltzen duten zonaldeetan.
Hala ere, Europako Batzordeak ez du debekatu bere erabilerarik, horretarako argudiatu du Europako Elikadura Segurtasunaren Agintaritzak "azterketa zorrotzak" egin dituela eta ez dituela "larrizki kezkagarriak" diren ondorioak atzeman.
Erabaki horren atzean herbizida hori produzitzen duten enpresak babesteko trikimailu bat dagoela diote bere kontra dauden ekologista eta herritar taldeek
Enpresek kalte-ordainak ez pagatzeko trikimailua
Erabaki horren atzean herbizida hori produzitzen duten enpresak babesteko trikimailu bat dagoela diote bere kontra dauden herritar taldeek. Ekologistak Martxanen esanetan "abenduaren 15etik aurrera jaso zitzaketen salaketen aurrean" babestu nahi dituzte.
Bayer multinazional farmazeutikoa salaketa erauntsia izaten ari da Roundup produktua dela-eta. Esaterako, ekainean AEBetan isun milioiduna ordainarazi zioten, New Yorkeko Estatuari, bere herbizida segurua zela esaten zuen publizitate engainagarria erabiltzeagatik.
Europako 27 estatukideen bilkura erabakigarriaren aurretik, 106 erakundek gutuna bidali diote Ursula von der Leyen Europako Batzordeko presidenteari, Martin Derminek berak sinatuta. Gogorarazi dute Europako Itun Berdea bete behar duela, eta pestiziden menpekotasunetik elikadura jasangarrirantz trantsizioa egitea agintzen duela horrek: "Glifosatoak sortzen dituen kalteei ezikusia egiteak osasun arrisku handi bat ekar dezake, baserritarrentzat, herritarrentzat orokorrean, bai eta biodibertsitatearentzat ere".
Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Frantziako legebiltzarrean Errepublikanoek eta Batasun Nazionalekoek egindako zuzenketen harira dator erabakia. Zuzenketak onartu dituzte, eta, beraz, Euskal Hirigune Elkargoak emisio gutxiko eremua ezartzeko gastu ekonomikorik ez egitea erabaki du.
Energiaren Nazioarteko Agentziak (IEA) astelehenean argitaratutako txostenaren arabera, %2,2 igo da energia eskaria 2024an aurreko urtearekin alderatuta, besteak beste, egiturazko arrazoi hauengatik: beroari aurre egiteko argindar gehiago erabili beharra, industriaren kontsumoa... [+]
Kutsatzaile kimiko toxikoak hauteman dituzte Iratiko oihaneko liken eta goroldioetan. Ikerketan ondorioztatu dute kutsatzaile horietako batzuk inguruko hiriguneetatik iristen direla, beste batzuk nekazaritzan egiten diren erreketetatik, eta, azkenik, beste batzuk duela zenbait... [+]
Lurrak guri zuhaitzak eman, eta guk lurrari egurra. Egungo bizimoldea bideraezina dela ikusita, Suitzako Alderdi Berdearen gazte adarrak galdeketara deitu ditu herritarrak, “garapen” ekonomikoa planetaren mugen gainetik jarri ala ez erabakitzeko. Izan ere, mundu... [+]
Ur kontaminatua ur mineral eta ur natural gisa saltzen aritu dira urte luzeetan Nestlé eta Sources Alma multinazional frantsesak. Legez kanpoko filtrazioak, iturburuko ura txorrotakoarekin nahasi izana... kontsumitzaileen osagarria bigarren mailan jarri eta bere interes... [+]
Greenpeaceko kideak Dakota Acces oliobidearen aurka protesta egiteagatik auzipetu dituzte eta astelehenean aztertu du salaketa Dakotako auzitegiak. AEBko Greenpeacek gaiaren inguruan jasango duen bigarren epaiketa izango da, lehenengo kasua epaile federal batek bota zuen atzera... [+]
Munduko populazioaren ia erdiak baino bi aldiz gehiago kutsatzen du aberastasun gehien pilatzen duen %1ak. Munduko aberatsenek hamar egunetan isuri duten kantitatera heltzeko, ia hiru urte beharko lituzke munduko aberastasunaren eskalan erditik behera dagoen herritar batek.
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
Plastiko kutsadurari konponbide bat adosteko goi-bilera zikloa bukatu berri dute, Hego Koreako Busan hirian iragandako bosgarren gailurrean ere porrot eginda: hitzarmenik adostea ez dute lortu, nagusiki plastiko esportatzaile handiek negoziaketak oztopatu dituztelako. Bitartean,... [+]
Atun latatan aurkitu diren merkurio kopuruekin asaldatuta dabiltza herritarrak. Bloom erakundeak Europan egindako ikerketa baten arabera, Carrefour, Intermarché, Mercadona, Aldi... supermerkatu guztiek merkaturatzen dute atuna kutsaturik. Arrantza industrialak berehala... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Azaroaren 25ean hasi eta abenduaren 1era arte iraunen du Hego Koreako Busan hirian aitzina doan gailurrak. Petrolio ekoizle diren estatuak eta beraien lobbyak oztopoak jartzen dabiltza, ekoizpenaren mugatzerik ez dutelako nahi.