Kantzerigenoen zerrendan dagoen glifosato herbizidari buruzko erabakia atzeratu du Europak
Kontsentsu zientifiko (eta politiko) ezak eta talde ekologisten presioak eraginda, Europar Batasunak maiatzerako utzi du glifosato herbizidaren baimena luzatzeari buruzko erabakia. Osasunaren Munduko Erakundeak "segur aski kantzerigenoen" zerrendan sailkatu zuen glifosatoa 2015eko martxoan, baina Europako Batzordeak baimena beste hamabost urtez luzatzeko proposamena egin du, substantzia arriskutsua ez dela dioen Europako Elikagaien Segurtasun Agentziaren (EFSA) txosten batean oinarrituta. Munduan gehien erabiltzen den herbizida da glifosatoa.
Landare, Animalia, Elikagai eta Pentsuen Batzordeari dagokio erabakia, eta 2016ko ekaina baino lehen hartu behar dute, orduan agortuko baita orain indarrean dagoen baimena. Martxoaren 7 eta 8an egindako bileran bozketa egitea aurreikusita zuten, baina azkenik maiatzera atzeratu dute. Oso litekeena da Europako Batzordeak moldatutako proposamena aurkeztea ordurako.
Landare, Animalia, Elikagai eta Pentsuen Batzordea EBko estatu kideetako ordezkariek osatzen dute. Glifosatoaren inguruan sortu den eztabaida dela-eta, batzuek iragarri dute ez dutela haren baimena luzatzearen alde bozkatuko. Beste batzuk, Alemania kasu, etxe barruan ados jarri ezinik dabiltza, eta beraz ez dute erabaki oraindik zer boto emango duten. Gogoan izan behar da Alemaniako BfR institutuak ere parte hartu duela glifosatoak arriskurik ez duela dioen EFSAren txostenean.
Pestiziden industriako ordezkariek ez dute ondo hartu glifosatoari buruzko erabakia atzeratu izana. Sektorearen interesak defendatzen dituen elkarteko (Uztak Babesteko Europako Elkartea du izena) zuzendari Jean-Charles Bocquetek esan du ez zaiela batere gustatu estatuetako ordezkariek jasan duten presioa, glifosatoaren baimena ez luzatze aldera. Presio hori ingurumen arloko gobernuz kanpoko erakundeetatik eta Europako Parlamentuko Ingurumen Batzordetik iritsi da, Bocqueten ustez.
Monsantok merkaturatu zuen hasiera batean glifosatoa, Roundup markarekin, baina patentea 2000. urtean agortu zen. Gaur egun izen komertzial bat baino gehiagorekin saltzen da. Frantziako Estatuak 2015ean debekatu zuen. Egunotan jakin da, bestalde, Madrilgo Udalak bere ardurapeko baratze eta lorategietan herbizida hori gehiagorik ez erabiltzea erabaki duela, aurrez Bartzelonakoak egin bezala.
Glifosatoa baliatzeko hamar urteko luzapena babestu du Europako Batzordeak. Herbizida gisa munduan gehien erabiltzen den produktu kimikoa da, eta potentzialki minbizi sortzaile izateagatik ezaguna da.
Austria glifosatoa debekatu duen Europar Batasuneko lehen herrialdea da. Alderdi sozialdemokrataren iniziatibaz onartu da neurria, eta FPÖ alderdi ultraeskuindarraren, liberalen eta Jetz alderdi progresistaren aldeko bozek lagundu dute onartua izateko.
Europako Batzordeak 2022. urtearen amaierara arte eta baldintzarik gabe luzatuko du glifosatoaren baimena, EBko Landare, Animalia, Elikagai eta Pentsuen Batzordean (SCoPAFF) estatu kideek horren alde bozkatu eta gero. Eurolegebiltzarrak eskatua zuen bost urte barrurako erabat... [+]
2016ko hasieratik bosgarren aldiz, Europako Batzordeak ez du lortu EBko estatu kideen gehiengoa glifosato herbizidari baimena luzatzearen alde agertzea. Indarrean dagoen baimena aurtengo abenduaren 31n iraungiko da, eta beste hamar urterako berritu nahi du Batzordeak,... [+]
Urriaren 25ean glifosato herbizidaren merkaturatze-baimena luzatu edo eteteaz bozkatuko dute Europar Batasuneko estatu kideek. Aurtengo abenduaren 31n iraungiko da gaur egun indarrean dagoen baimena, eta Europako Batzordeak beste hamar urterako berritzea proposatu du, 2015ean... [+]
Urriaren 25ean glifosato herbizidaren merkaturatze-baimena luzatu edo eteteaz bozkatuko dute Europar Batasuneko estatu kideek. Aurtengo abenduaren 31n iraungiko da gaur egun indarrean dagoen baimena, eta Europako Batzordeak beste hamar urterako berritzea proposatu du, 2015ean... [+]
Europar Batasunak urtea amaitu baino lehen erabaki behar du glifosatoa –munduan gehien saltzen den herbizida– erabiltzeko baimena luzatuko duen ala ez. Monsantok 70eko hamarkadan merkaturatutako substantzia 40 enpresak baino gehiagok saltzen dute gaur egun;... [+]
Europako Parlamentuko 30 legebiltzarkidek glifosato pestizida salerosteko baimena ez luzatzeko eskatu diote Jean-Claude Juncker Europako Batzordeko presidenteari.
Europar Batasunean gehien erabiltzen den pestizida da glifosatoa. Europako Batzordea hura merkaturatzeko baimena luzatzen duen edo ez erabakitzen ari den bitartean, herritar talde batek abian jarri du substantzia debekatzea helburu duen herri ekimen legegile (HEL) bat. Haien... [+]
Bigarrenez, bertan behera utzi dute glifosatoaren baimena luzatzeari buruzko bozketa Europako Landare, Animalia, Elikagai eta Pentsuen Batzorde Iraunkorrean. Europako Batzordeak pestizida ezagun hori, munduan zabalduena, beste bederatzi urtez baimentzeko proposamena eraman du... [+]