Glefaran enpresaren jarduna eteteko aholkatu du adituen txosten batek
Glefaranek eragiten duen kutsaduraren aurrean, inguruko biztanleen osasunaren alde borrokan ari da Gueñes Bizia plataforma. Txosten batek enpresaren jarduna etetea gomendatu du, eta enpresari eta Eusko Jaurlaritzari kritikak egin dizkio.
Glefaran biomasa plantaren emisio toxikoek Zallako eta Gueñeseko biztanleengan eragin ditzaketen kalteek arduratzen dute Gueñes Bizia plataforma. Airearen kutsadurak artegaturik, bi udalerrietako ordezkariekin eztabaida publikoa gauzatu nahi dute. Hori lortzeko, otsailaren 10ean gose grebari ekin zion Gueñes Bizia plataformako kide Gorka Llantadak.
CSIC Espainiako ikerketa zentroan aritutako Fernando Palacios ingeniariak Glefaranen jardunaren inguruko txostena osatu du, plataformaren eskariz. Palaciosek aurkeztutakoa, beste bi ikerlarik babestu dute. Biomasa erretzean isurtzen diren gai toxikoak aztertu dira, baita horiek ingurumenari eta pertsonei eragiten dizkieten kalteak ere. Txostenak zehaztu du emisio handieneko gunean daudela Gueñes eta Zalla, eta enpresaren jarduna “berehala etetea” aholkatu du. Gomendio hori sostengatu du txostenak, aukera egokiena delakoan osasunaren defentsari eta klima larrialdiaren aurka jarduteari dagokionez. Berriak jaso duenez, “plantaren jarduera ez dator bat berotegi gasak murriztearekin. Egurra errausteak gainerako erregaiek baino karbono gehiago isurtzen du atmosferara”.
Horrez gain, txostenak Glefaran eta Eusko Jaurlaritza kritikatu ditu. Txostenaren arabera, emisio arriskutsuak isuri dira kontrolik gabe. Glefaranen Ingurumen Baimen Bateratuak (IBB) gabezia eta irregulartasunak dituela azpimarratu du, eta enpresari zein Eusko Jaurlaritzari leporatu die kutsadura kontrolatu eta prebenitzeko araudia urratu izana: “Gai arriskutsuen emisioak txertatu egin behar dira, baina IBBak ez ditu jasotzen egurra erretzean sortzen diren substantzia kaltegarriak”. Era berean, Ingurumen Sailari bere eginkizunak “ez betetzea” ere leporatu dio txostenak, arrazoi ugariren artean, IBBa baldintza horietan emateagatik.
Munduko populazioaren ia erdiak baino bi aldiz gehiago kutsatzen du aberastasun gehien pilatzen duen %1ak. Munduko aberatsenek hamar egunetan isuri duten kantitatera heltzeko, ia hiru urte beharko lituzke munduko aberastasunaren eskalan erditik behera dagoen herritar batek.
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
Plastiko kutsadurari konponbide bat adosteko goi-bilera zikloa bukatu berri dute, Hego Koreako Busan hirian iragandako bosgarren gailurrean ere porrot eginda: hitzarmenik adostea ez dute lortu, nagusiki plastiko esportatzaile handiek negoziaketak oztopatu dituztelako. Bitartean,... [+]
Atun latatan aurkitu diren merkurio kopuruekin asaldatuta dabiltza herritarrak. Bloom erakundeak Europan egindako ikerketa baten arabera, Carrefour, Intermarché, Mercadona, Aldi... supermerkatu guztiek merkaturatzen dute atuna kutsaturik. Arrantza industrialak berehala... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Azaroaren 25ean hasi eta abenduaren 1era arte iraunen du Hego Koreako Busan hirian aitzina doan gailurrak. Petrolio ekoizle diren estatuak eta beraien lobbyak oztopoak jartzen dabiltza, ekoizpenaren mugatzerik ez dutelako nahi.
.jpg)
Barakaldoko Udalak 11.800 euroko isuna ordaintzea eta gauez hiru hilabetez ixtea exijitu dio Bizkaiko enpresari. Abuztuaren amaieratik txistu etengabe, desatsegin eta jasangaitza igortzen du inguru zabalean entzuten dena.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
.jpg)
Ingurumen-inpaktuaren berri izateko eta, hurrengo edizioei begira emisioak murrizteko egin du azterketa Lander Crespo klima adituak. Garraioa izan zen Korrikako azken edizioan isurketa gehienen jatorria.
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Ekitaldian 1969ko gertaera tragikoak gogoratzeaz gain, memoria historikoaren defendatzaileak ere omenduko dituzte.