“Gladys Del Estal ez da bigarren mailako biktima bat”
Gladys Gogoan ekimenak, Kalapie elkarteak eta Eguzkik bizikleta martxa egingo dute Donostian ekainaren 1ean, militante ekologista hil zutela 40 urte betetzen direnean. Horrez gain, egitarau zabala antolatu dute, Donostian, Iruñean eta Tuteran.
Gladys Del Estalen lagunek eta elkarte ekologistek urtero antolatu ohi dituzte militante antinuklear eta bakezalea omentzeko ekitaldiak. Aurtengo egitaraua berezia da ordea, 40 urte igaro baitira guardia zibil batek buruan tiroa jota hil zuela Tuteran.
Ekainaren 1ean hasi eta asteburu osoan luzatuko dira ekitaldiak. Donostian bizikleta martxa batekin hasiko dira. Hain justu, duela 40 urte Gladys Del Estalek antolatu zuen haurrekin antzeko martxa bat, bera hil baina egun bat lehenago; ordukoa dugu hil aurreko bere azkeneko argazkia. Herri bazkari batek segida emango dio ekitaldi horri.
Horrez gain, EHUko informatika fakultatean erakusketa bat jarri eta omenaldia egingo diote –gela batek bere izena eramango du hemendik aurrera–, han ikasi baitzuen ekologista donostiarrak. Eta Tuteran, urtero legez, tiro eremuaren kontrako martxan gogoratuko dute. Programazio guztia hemen ikus daiteke.
1979ko aldarrikapenak bizirik: nuklearren eta armen kontra
40. urtemugaren adierazpenean, Gladys Gogoan ekimenak nabarmendu du 1979ko aldarrikapenek indarrean dirautela. Hala, Garoñako hondakin nuklearrek Ebroko urak eta Erriberako ortuak mehatxatzen jarraitzen dutela diote, eta Bardeetako tiro eremua ez da itxi.
“Gladys Del Estalen oroimenak, bizia defendatzearren paradoxikoki hil zen emakume gazte baten memoria horrek, ekofeminismoaren baloreak aitortzeko eta sakontzera deitzen digu, energia nuklearrik eta armarik gabeko bizitza aldarrikatuz”, diote adierazpenean.
Adierazpen berean garbi utzi nahi izan dute Gladys Del Estal ez dela “bigarren mailako biktima” bat eta senide eta lagunek eskubidea dutela Estatuak egindako mina aitortu dezan.
Gogorarazi dute, bera hil zuen guardia zibilak bi kondekorazio jaso zituela, bata 1982an eta bestea 1992an –lehen kondekorazio horren berri ARGIAn egindako ikerketa baten bidez jakin dugu–. “Egin dituen akatsak aitortzeko eta konpontzeko Estatuak duen interes faltak Gladys Del Estalen oroimena mantentzera bultzatzen gaitu”.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Eragile ekologista ezagutzeko edo gai ekosozialetara hurbiltzeko interesa duen edonor gonbidatu dute aurkezpenetara. Aurkezpenak egiteaz gain, hitzaldiak, proiekzioak eta kontzerturen bat ere eskainiko dute zita horietan. Albistearen amaieran egitaraua.
Ingurumena kaltetzen duten proiektuen aurrean laguntza tekniko, juridiko eta administratiboa eskaintzen du Sustrai Erakuntza fundazioak Nafarroan. Urteetako ibilbidea dute eta hamaika helegite eta informe osatu dituzte hainbat proiekturi aurka egiteko: AHT, harrobiak, zentral... [+]
Latinoamerikako hainbat herri-eragiletako hamabost bat kide izango dira Bizkaia Aretoan azaroaren 14an eta 15ean Latinoamerikako Multinazionalen Behatokia OMAL-ek antolatutako topaketetan. Ekintza guztiak trantsizio ekosozialarekin lotutako alderdi desberdinak lantzen dituzten... [+]
50 inguru herritarrek egun osoko jardunaldia egin dute azaroaren 9an Maeztun, EHn ekofeminismoak gorpuzten lelopean. Goizean Euskal Herriko ekofeminismoak nolakoak diren deskribatzeko hainbat dinamika egin dituzte. Elkarrekin bazkaldu eta kantatu dute eguerdian, eta arratsaldean... [+]
Hendaiako ikastetxean komun klasikoak kendu eta komun idorrak eraiki zituzten martxoan. Ikuspegi ekologikoari tiraka, egitasmo orokorrago baten barne dute aldaketa: hondarrak jangelako konpostari gehitu eta guzia baliatzen dute ikastetxean duten baratze pedagogikoan, Hendaiako... [+]
Urriak 29 goizean egin da Gasteizen, Arabako Mendiak Askeko ordezkari moduan identifikatu eta Mozal Legearen bidez jarri zioten isunari buruzko epaiketa. Lurraren defentsan ari diren kideak atarian batu dira elkartasuna adierazteko eta zera adierazi dute: "Nahikoa da esan... [+]
Asteartean EH sareko partaide batek Mozal Legearen bidez jasotako isun baten harira epaiketa izango du. Mendian, sarraskitu nahi dituzten mendi horietan ibiltzearren eta lurraldearen, lurraren, zaintzan eta defentsan aritzearren ertzaintzaren jazarpena jasan zuen. Beste behin... [+]
Iturrietako Mendietako lehen mendi martxa antolatzen ari zirela, 2021ean, kide bat identifikatu zuen ordezkari gisa ertzaintzak eta Mozal Legearen bidez isuna ezarri zion. "Muntai poliziala" salatu du Arabako Mendiak Askek eta zera aldarrikatu du: "Lurraren eta... [+]
Valle de Odieta etxalde erraldoiaren kontrako ekintza 2021ko martxoan egin zuen Greenpeacek, Nafarroan. Makroetxaldeak 79 txahal gaixotzea leporatzen die ekologistei, orain Greenpeaceren defentsak salaketa ezeztatzen duen albaitaritza-txostena aurkeztu du eta epaiketa atzeratu... [+]
Auzitegi Nazionalean aurkeztu du salaketa eta “proiektua berehala eten dezaten” galdegin du. Bi lege urratzen dituela ohartarazi du: Kostaldeko Legea eta Europako Legea, Red Natura 2000ri dagokiona. Auzitegi Nazionalak Gobernuko Trantsizio Ekologikorako eta Erronka... [+]
2021eko martxoan, Greenpeaceko aktibistek nitratoz kutsatutako mila litro ur itzuli zizkioten Caparrosoko Valle de Odieta enpresari. Enpresak isun eta espetxe zigorrak eskatu ditu haien aurka.
Aixeindar SA enpresak "Laminoria" izeneko zentral eolikoa eta fotovoltaikoa eraiki nahi du Arraia-Maeztu, Iruraiz-Gauna eta Donemiliagako lurretan. Proiektu horrek Eusko Jaurlaritzaren ingurumen baimena jasoko ote duen ikusteko dago. ARGIAren eskuetara iritsi da... [+]