“GKSren inguruko kale borroka taldea” izatea leporatzen die Poliziak Iruñeko atxilotuei
“Talde kriminala” osatzea leporatzen die Espainiako Poliziak gazteei, egituratua eta iraunkorra, ekintza bortitzak antolatzea lukeena helburu. Gazteak Indar Gorrirekin ere lotzen ditu Poliziak.
Espainiako Poliziak oharra kaleratu du, iragan astean epaitegietatik pasa ziren hamabi gazteen (hamar atxilotuak izan ziren eta beste bi deklaratzera aurkeztu ziren) ustezko delituak plazaratuz. Oharraren arabera, urtebete darama Poliziak gazteak ikertzen.
Talde kriminala
Bortxazko ekintzak burutzeko “talde kriminala” osatzea leporatzen die auzipetutako gazteei Poliziak. “Helburu kriminal komuna da indarkeriazko ekintzak modu antolatu eta koordinatuan egitea, eta, horretarako, arau-hauste penalak egitea, batez ere, desordena publikoak, edukiontziak erretzea, hiri-altzarietan kalteak eragitea eta Poliziaren aurka liskartzea”, Poliziaren arabera. Talde kriminala osatzea leporatzeko, beharrezkoa da ustezko delituek iraunkortasuna izatea denboran, eta iraunkortasun hori frogatutzat ematen du. Talde oso kohesionatua eta egituratua osatzea leporatzen die gazteei –egituratuta egotea ere ezinbestekoa da talde kriminala leporatzeko–. Kohesio horren berme bezala aurkezten du haurtzarotik elkar ezagutzea, “ezker abertzale erradikalaren hainbat egituratan (gaur egun Gazte Koordinatzaile Sozialista –GKS–) duten militantzia”, eta gazteetako batzuek “Indar Gorri 'Ultra' taldeko kide izatea”. Kideetako batzuk “Amnistia ta Askatasuna” taldearen hurbilekoak direla ere esaten du Poliziaren oharrak.
2020ko azaroko istiluak
2020ko azaroaren 7an Arrotxapeako auzoan izan ziren istiluei aipamen zehatza egiten die Poliziaren oharrak. Egun horretan GKS antolakundeak manifestazioa deitu zuen Iruñeko Alde Zaharrean. Beranduago istiluak Arrotxapean piztu ziren, eta Poliziak bi gertakariak lotzen ditu, eta ustezko talde kriminal hori egiten du istiluen arduradun.
Europar Batasunean hamahiru herrialdek eman dituzte Poliziak egindako erailketei buruzko datuak, eta podiumean daude Frantziako eta Espainiako estatuak.
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Espainiako Poliziaren sindikatu nagusiarekin egindako akordio baten arabera, eskuin muturreko taldeak "defentsa pertsonaleko formakuntza" eskainiko die 30.000 agenteri.
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu... [+]
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
2016an bi emakumek bortxatuak izan zirela salatu zuten, Iruñean. 2018an auzia artxibatu zuten eta ez zen epaiketarik egin. Espainiako Poliziak, Fiskaltzak eta Nafarroako Auzitegiak ikerketan egindako irregulartasunak salatu ditu biktimen abokatuak. Espainiako Estatuak... [+]
"Juancar" izenaren pean infiltratuta egon da Carlos P.M. agentea Madrilgo hainbat mugimendutan. 2020an sartu zen Espainiako Polizian, hain justu ere infiltrazio kasu gehiagoren jatorrian dagoen zentro berean egon ondoren. El Salto-k argitaratu du informazioa.
Lucia Rodriguez polizia-agenteak hiru urtez egin zituen sator-lanak Distrito104 gazte-kolektibo antifaxistan eta Madrilgo Errepresioaren Aurkako Mugimenduan, aurreko udazkenera arte.
Ezker abertzaleko familia baten etxea tirokatzeagatik atxilotu zuten Espainiako polizia ohiak baimenik gabeko bederatzi arma, gerra materiala, ia lau kilo bolbora, 400 bala baino gehiago eta dozenaka arma erabilgaitz zituen etxean
Polizia ohiak onartu zion Ertzaintzari berak egin zuela tiro eta agenteek legez kanpoko hainbat arma atzeman zizkioten etxean. Akusazio partikularrak 13 urte eta erdiko espetxe zigorra eskatuko du armak eta lehergailuak gordetzeagatik eta kalteak eragiteagatik. Fiskaltzak,... [+]
Asteazkenean atxilotutako Indar Gorriko 61 kideak libre utzi ditu Iruñeko Instrukzioko 4. epaitegiak, behin-behineko askatasunean eta kautelazko inongo neurririk gabe.
Espainiako Poliziak joan den asteartean atxilotu zuen Iturmendin (Nafarroa) eta, Espainiako Auzitegi Nazionalaren aginduz, Madrilera eraman zuten inkomunikatua.
Espainiako Poliziak astearte eguerdian atxilotu zuen bere etxean, Iturmendin (Nafarroa), antza sare sozialetako mezuren batekin lotuta. Arratsean segundo batzuetako deia egin zien senideei Madrilera eramaten zutela jakinarazteko, ARGIAk jakin duenez. Estefanía Cerverak 63... [+]