Nazioartean “botere sozialista gaurkotu bat” antolatzeko deia egin dute Gazte Topagune Sozialistan
Urriaren 31tik azaroaren 2ra Gazte Koordinadora Sozialistak eta Ikasle Abertzaleak-ek Gazte Topagune Sozialista egin dute Altsasun (Nafarroa). Europan eta Euskal Herrian hedatzen ari diren “proiektu atzerakoiak” jarri dituzte jomugan eta joera horiei ez dietela indarra hartzen utziko adierazi dute.
Hiru egunez hainbat ekintza, ekitaldi eta mahai-inguru egin dituzte. Antolatzaileek adierazi dute "jendetza" elkartu dela, eta manifestazioan "milaka" lagun.
Ekitaldi nagusia azaroaren 2an izan da, Altsasuko kaleetan egindako manifestazioaren ondoren. GKS-k eta IA-k hitzartzea egin dute.
Gazte Topagune Sozialistaren antolatzaileek “ikuspegi internazionala” aldarrikatu dute, eta horrekin batera, jakinarazi dute Euskal Herrian alternatiba sozialista “indartsu bat sendotu dadin” lan egingo dutela. Azpimarratu dute Euskal Herriko “alderdi politiko profesional guztiek” dituztela proiektu kapitalistak, “desberdinak”, baina “kolore bateko eta besteko Euskal Herri kapitalistak antzekotasun ugari” izango dituela. Adibide batzuk eman dituzte: Azpeitian eta Aramaion eolikoak jarriko direla, alokairu garestiak ordaintzen segi beharko dutela langileek, beharginentzako osasungintza desegin eta burgesentzako puntako osasun sistema egongo dela...
Arrazakeria eta matxismoa
Diskurtsoan Europan eta Euskal Herrian hedatzen ari diren “proiektu atzerakoiak” jarri dituzte jomugan. Gehitu dute alderdi politiko eta kolektibo ultraeskuindarrek bi zutabe dituztela komunean, batetik, arrazakeria eta matxismoa, eta bestetik, “kapitalismo autoritario baten aldeko apustua”. GKSk eta IAk adierazi dute Mugimendu Sozialistak ez diela joera horiei indarra hartzen utziko. Konpromisoa azaldu dute adin, genero, erlijio eta jatorri ezberdinetako langileek “sozialismoaren borrokara batzeko bideak eraikitzeko”.
Nazioarteko panorama
“Gerra-testuinguruaz” ohartarazi dute. GKSk azpimarratu du gerra ez dela ausaz gertatzen eta kritikatu du Mendebaldeko estatuek gerraren aldeko hautua egin izana. Gehitu du “politika kriminal” horien ondorioak “betikoek” pairatzen dituztela, hau da, langile klaseak eta batez ere periferiako herri langileek. Ekialde Hurbila izan dute gogoan, eta Israelen desagerpena aldarrikatu dute. Elkartasuna adierazi diete Palestinari, Libanori, Siriari eta Yemeni, “baita munduko estatu inperialistek zapaldu eta esplotatzen dituzten herrialde guztiei ere”.
Mendebaldeko agintariek gerraren aldeko apustua egin dutela salatzeko mobilizazioak antolatu ditu Gazte Koordinadora Sozialistak Bilbon eta Iruñean. Faxismoaren gorakadaren aurrean mobilizatzeko deia egin du.
"Alternatiba sozialista indartzera bidean" GKSk eta IAk eztabaidarako, hausnarketarako eta aldarrikapenerako espazioak antolatzeko beharra azpimarratu dute, eta horren baitan antolatu dute Gazte Topagune Sozialista. Ostegunetik hasita igandera arte izango da Altsasun.
“Kezkagarria” den egoera baten aurrean erantzuna “urgenztziakoa” dela dio Itaiak Bilbon egindako prentsaurrekoan. Eskuineko sektoreek matxismoa “neurri baztertzaileak” galdegiteko baliatzea salatu eta gizartean “kontzientziazioa... [+]
Jipoia uztailaren 11ko gauean izan zen Euskaldunen plazan, eta biktima gauean bertan ospitaleratu zuten Euskal Kostaldeko Ospitalean, Baionako prokuradore Jerome Bourrierrek informatu duenez. Atxilotutako gizona behin-behineko espetxealdian dago, Baionako fiskaltzak eskatuta,... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
GKSk kanpaldia abiatu du asteazkenean Artzain Onaren katedralean, eta mobilizazioa egingo dute ostegun arratsaldean. Ohartarazi dute Palestinako Estatua formalki aitortzeak ez duela palestinar herriaren egoera aldatuko. Kanpaldia ostiral arratsaldean amaituko dutela jakinarazi... [+]
“Desadostasun ideologikoen gainetik”, jai herrikoiek denon espazio izan behar dutela ulertuta, txosnetan GKSri eta Etxebizitza Sindikatuari Gasteizen eta Luberri Konpartsari Bilbon betoa jarri dietela salatu eta konponbidea eskatu dute 150 bat artistak. Tartean dira... [+]
Eusko Jaurlaritzako Segurtasun sailburuaren arabera, gazteek ertzainei “bortizki eraso” zieten, eta “erabat gaitzetsi” ditu jokabideak.
Gazte Koordinadora Sozialistak agerraldia egin du Gasteizen, larunbat gauean hainbat gaztek jasandako polizia-indarkeria salatzeko. Izan ere, etxebizitza huts batean sartu ziren gazteei babesa adieraztera bertaratu zen jendea jipoitu zuen Ertzaintzak. Lau pertsona ospitaleratu... [+]
Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]
Zaintza sektoreko langileen baldintza txarrak eta zaintza zerbitzuen kalitatearen okertzea salatu dituzte. Sektore feminizatuetan borrokan diharduten emakume langile asko batu dira mobilizazioetara; Correosek eta beste hainbat enpresak azpikontratatutako garbitzaileak,... [+]
Ostiralean Palestinaren alde egin zuten kontzentrazioan Ertzaintza “gogor oldartu” zela nabarmendu du Gazte Koordinadora Sozialistak.
"Euskal Herriko gazte askok parte hartu dute Topaguneko ekimenetan, sozialismo iraultzaileak milaka gazte langileren artean duen atxikimenduaren erakusle dena", adierazi dute GKSk eta IAk ekimenaren osteko balorazio politikoan. Antolatzaileen arabera, milaka gazte... [+]